•••••••••••••••

toitoitoi

另外還有媽咪們質疑是否好貴。。。禁解釋好似賣廣告。。。
外國著名音樂學院畢業
演奏碩士以上，音樂博士在讀
某職業樂團簽約樂手（not freelance）


另外西崎崇子的教室老師資歷不錯，但不贊成考級。所以abrsm的考級內容可能和小朋友不太適合。

另外亦打電話和樓主再次解釋了一些詳情，約了今晚上來studio睇下大家夾唔夾。

[ 本帖最後由 toitoitoi 於 11-7-29 15:10 編輯 ]

appleycma

貴唔貴,抵唔抵人人角度唔同,如平野又未必差,貴又未必係好,最重要係學到野,而且同小朋友合得來

toitoitoi

另外有家長質疑這個系唔系昆人既局，就算考到都好流料。。。我想講下這個課程設計的初衷。

上年初有一位學生（5歲出頭）的媽媽找到我，她是香港某所大學的老師，亦是單親媽媽。小朋友非常懂事，知道媽媽想她入某所學校，需要一個三級證書，我教的第一堂系1月份，8月已經考到了3級。她是一個星期一堂的。

另外一位前段時間先學的男孩子5歲，非常調皮但十分聰明，媽媽本身好想小朋友儘快考三級，我對媽咪講你放心我會幫他做到。但點知過2個星期就發現他姿勢變形，睇譜能力降為0，媽咪先講另外請了一位老師陪距練琴，不知不覺之間形成左距睇住老師只手禁弦，沒自己睇譜既習慣。再黎到上堂，需要自己識奏，當然奏不出。姿勢也在走形。學先學了2個月，又要再花2個月重新改姿勢。後來同媽咪溝通過之後改為每週上2堂，一年半包三級。

每位家長都希望小朋友好，但系有些時候可能急功近利走了歪路。我只系希望以自己的專業知識幫到人，與其讓家長帶著小朋友左學一些右抄一些，不如我開這個課程讓他們在這裡得到距要既野。一年包三級，不過退學費系好似只有我這裡有（都可能有其他我不知道。。。），受些質疑亦很正常，希望可以解答到大家的疑惑。

有些家長話，禁細要求禁多，以後會埋怨家長。其實我作為系香港教琴既兼職老師，基本都預左學生唔會練琴。我都同學生講，你練一個鐘我會俾你一個鐘練既野，有學生系將琴放在我這裡的，那我們的課就系每堂只學一個小問題，解決一個問題。學生既進度系取決與家長和學生的要求，如果我個學生自己好鐘意練琴，對於老師來講那是做老師修來的福氣！

toitoitoi

前幾日有一位家長打電話黎問這個一年三級既課程，睇到這個post之後我再打翻俾果位家長，原來我就系這個post的主角

首先同大家解釋的系有關課程的問題。
課程收生系有所選擇的，一年三級屬於一個高強度的訓練內容，需要家長和小朋友的配合，一樣米可以養百樣人，一個老師系沒能力教曬各種不同的學生的。
另外課程系有很多要求，例如：每週上2節45min課程，上課必須有家長陪同，每月只可請假一次，請假需要補堂，只可跟我們的老師學，只適合沒任何小提琴基礎既小朋友。
上課既時間也有要求，一年學習基本小提琴技巧，還要2個月準備考試內容，所以系一年2個月。另外要求每週系要上2節45min課程。
小朋友和家長黎試堂後可以簽訂一個合約，一年後的三級試如果不能通過，則會退回一半所交的學費（退回現金，不會以堂數充）。我和以前教這個課程的另外一位老師都系小交成員，若果真系收左你這個課程既錢，簽左約，又沒做到，歡迎你黎大會堂扔我雞蛋

45min的課程系包括所有樂理，aural，sight-read等針對abrsm的教學內容。四歲小朋友有時候反應不夠，其實收小朋友還會預翻少少時間俾距慢慢答，走神（每個小朋友都會），執野。

學費系45min=450一節，每週2節。考試和伴奏的費用系包括在內的。

hare910

我明白你的用心，我只是想說試，有無其他的平d可以試下呢…

hare910

其實真的要想到底需要自己的子女成為怎樣…演奏家？為了升學？為了興趣？
最重要看看是否值得，如果負擔得起，教得又好…那又不妨一試
最怕子女大了反而怨起自己來…

lillymarie

原帖由 samuel123321 於 11-7-28 20:50 發表
佢講就天下無敵一心想見識下有嘜嘢方法問佢又叫你自己感受...可能係最高境界...的錢捐咗去幫有需要的人好過

有時有些老師境界太高, 已唔記得初學時遇到的困難, 又或者佢地太叻, 根本就無困難. 反而唔識教初學的學生.
我囝上一位老師就係咁, 一首樂曲學幾個月, 每堂都話要有感情, 嫌我囝大細聲做得唔好, 叫我係屋企多D為首歌作故仔佢聽. 我當時諗, 幾歲人仔, 何來複雜情感? 我同佢講, 覺得囝囝的姿勢唔正確, 佢就示範正確姿勢俾我睇, 叫我自己係屋企指正佢.

跟了現在的老師, 先明白, 原來係囝囝右手出問題, 做唔到靚聲, 初見面時, 老師第一句就話囝囝姿勢好多問題. 跟住仲叫我放心, 佢會處理. 有時囝囝有些壞習慣一時改唔過來, 老師仲會想辦法教我提佢. 大前提係唔需要我去教個囝, 只需要提佢就夠. 每次都話: 妳盡量啦, 錯咗唔緊要, 下堂我幫佢改返好. 果然, 半年下來, 已大大改善.

兩位老師本身都音樂出身, 都係專業演奏家. 收費差不多. 但好明顯一個識教, 一個唔識教.

要遇著一位好老師, 緣分.