有無過度活躍/專注力不足既家長傾下計,我好唔開心><

BABY@CHAN

唉! 我真係好唔開心..
身邊朋友的小朋友個個都甘乖,又點會明白我心情?

我女女4歲,
其實由佢出世返左屋企,我地已經覺得佢既精力好充沛!
未夠一個月,一日都係訓6個鐘炸! 捱到我地死!

到2歲同健康院既姑娘講,話轉介去評估,又唔比,話我諗多左!

女女既情況:
1)訓6個鐘就得,夜晚佢最夜訓,但最早起身就係佢!
   好似而家返學甘,8:00a.m到11:00p.m唔訓都得! 如果有訓晏覺,我地仲大獲,好似差完電甘..去到凌晨4/5點先訓!

2)唔專心,無時停..係應該話,要佢停都幾難! 一邊溫習,一邊周身郁~!唔係對眼唔知望左去邊~唔係成日問你呢樣個樣! 唔專心既時候,無論你教佢100次既野,佢都唔會識! 但佢專心既時候,教2/3次就攪店!

3)一定會同你作對的,你叫佢"東"佢一定要"西"..p.s 係每次=.="

4)專攪破壞,玩具/衫...咩都整爛

5)周圍爬...周圍巢野..上至高處,下至地下既櫃桶都湊暈曬

6)不停發脾氣

7)成日爭野

8)勁固執同主觀

好處:
1)比同齡早識任何事情

2)獨立

3)係學校老師話佢係好乖的

但老師有一次用唔同顏色貼紙,我女女個顏色係好強烈對比的(一邊用黑色/一邊用彩色),平時填色都經常用黑色的~!!

你地小朋友有這樣情況嗎??
最終3歲我再同健康院講多次,先可以去評估!
但講完好似無講過甘...=.="
佢既report係同我講既一樣!

我真係好辛苦,好勞氣... 無論軟功/硬功咩方法都用過曬,都係甘!!

我岩岩返到屋企成間房打完仗甘, d昌廉趺曬落黎,成床玩具..成地玩具同紙..成張台亂​曬..成盒顏色筆..玩具掉左落街..部計​數機爛左..成支眼線液玩殘曬.​..我就黎嘔血喇><><><><><"
我唔想再湊佢喇..真係頂唔順!
同朋友講又無用,佢地唔會明白我既心態,淨係識話我呢樣,個樣~!!
唔通我想既咩

[ 本帖最後由 BABY@CHAN 於 11-7-12 12:08 編輯 ]

wan_sosin

原帖由 Capricorn2521 於 11-9-12 10:33 發表
wan_sosin,
果個係ikebukuro果仔呀，吾係我果仔呀！


ikebukuro,
學校果d冇辦法，不如由屋企果d開始先啦。按佢的能力set d難少少的rules比佢，要佢follow，做到就有獎，其實個concept都係大同小異。例如：如看電視可安坐 ...

對不起Capricorn2521,我攪錯咗!

pinkdoll

我大仔都有點專注力不足 很心散 細仔有自閉 又喜歡跑來跑去 不太可以坐定

我之前都深深感到非常無助 孩子不理人不玩耍不懂自理不懂說話 我每天上網找資料及看書變成我必定的動作

我承認我是有點不忿 不甘心仔仔俾別人看低 我看了"努力試"的書..得到很大的鼓勵..我要證明給學校看 a仔是有得救的..只要有恆心...只要找對方法是可以推得動這舊頑石的

我仔仔2歲入讀n1時(等候s位) 自理除了懂得用手吃餅及我畢好飯在匙羹裏 他才憧得拿起放進口裏(在學校因為老師很忙 他就會用手拿飯吃) 除這些之外 基本上什麼都不懂 認知是"零" 語言是"零" 社交是"零" 是一個發展只有一歲的bb 可慶幸是我仔仔都算是比較靜的a仔 所以開頭老師都接納他 但慢慢地唔多唔少都有點說話聽(很婉轉的) 我不甘心我的仔如此下去 所以帶仔仔做治療外 我亦好努力在家訓練他 我用了三個月時間 他終於得懂得自己吃飯  終於做到了就很開心的和老師講 老師都很開心 之後我又用了二個月時間教仔仔用匙羹畢水飲 之後用杯直接飯(入學開始一直要人餵)  搞點了又和老師講 .....之後是洗手...之後是自己脫鞋子(首先要找對新鞋給他 放在枱上給他玩 然後每次教他做一個step 我教他拿起摩術貼都教了二星期....)....講真所有教的過程真不容易 捉他的手去做 他是會大力縮開 然後他會發脾氣的 並發出wu wu聲.....因為我不甘心...我知道要a仔在主流有生存空間....首先一定要教懂小朋友自理....學懂了就可以和學校交待....現在我小朋友二歲十個月 懂基本自理 認知有歲半以上 開始講單字 懂簡單模仿 懂玩玩具 懂簡單表達(今晚我問他吃不吃蘋果 他大力边搖頭边說 唔呀唔呀唔呀)

亦因為學校看到我很努力地教自己的小朋友 他們可能感動了 亦看到a仔原來是有得救的 只要找對方法 每個小朋友的原因不同 一定要深入瞭解他的思想 才會明白他為何會有這樣反應 然後找出相應對策 就可以推得動這舊頑石 所以之後老師會主動和我傾仔仔的問題 我就去問治療師, 去上網找資料, 去看書, 再花時間去觀察仔仔, 在什麼情況下會發生這樣的事, 然後對症下葯, 再和老師解釋一下為何會這樣, 可以用什麼方法去做, 在許可的情況下, 老師都會考慮在學校用這些方法去配合(不一定可以的) e.g. 我小朋友行獨木橋,和跨欄要人拖住 我觀察到他是想做但信心不足 又因為細膽怕趺所以要人扶,  後來我試讓他拿著心愛的玩具行獨木橋及跨欄, 他為著可以拿著自己心愛的玩具和他一同玩獨木橋及跨欄, 竟然行得很好, 完全不需要別人在旁邊扶, 再之後, 他領略到skill及對自己有了信心, 就不需要這些玩具陪自己了...由需要人去扶助自己變為由玩具陪伴自己再進展到不需任何扶助

至於他喜歡跑來跑去的行為 自從他懂得玩玩具 和聽得明某些字 情況就越來越好, 都仍然有但減少了很多, 我只要給他玩治療師借給我的玩具 和他一同玩(做家居訓練) 他就很開心 坐定定 (這不是一朝一夕, 當中的漫長過程, 是必需經過的)

再和們分享一點事情 我仔仔很愛吃 但不懂顧及環境 一見有飯食就要馬上食 不即時給他吃的話會發出wuwu聲及發脾氣 學校和我說了這樣的情況後 我就去找資料 再觀察我仔仔 發現他原來不明白要"等待" 但叫一個a仔去明白等待, 談何容易呢......我想了又想....就想到如果我讓他知道吃飯前一定要做一些事情 才可以開始吃飯 那麼情況可能可以控制到...我就用飯前祈禱這個習慣來教他 晚晚如是 一定要祈完禱才可以吃飯 他現在見到我攞飯餸出廳 都不會發出wuwu聲 要求即刻給他吃 因為知道要飯前祈禱才可以吃飯 而且他祈完禱會很開心地拍手掌的 因為知道可以吃飯

大家一同努力 只要不放棄a仔又好, 亞氏保加又好, 過度活躍又好 一定是有方法令他們進步的 這些進步 可以超乎人想像的

[ 本帖最後由 pinkdoll 於 11-9-13 01:02 編輯 ]

Capricorn2521

wan_sosin,
果個係ikebukuro果仔呀，吾係我果仔呀！


ikebukuro,
學校果d冇辦法，不如由屋企果d開始先啦。按佢的能力set d難少少的rules比佢，要佢follow，做到就有獎，其實個concept都係大同小異。例如：如看電視可安坐食飯，個target就係食完飯先可以看電視。主要係訓練佢要服從，習慣成自然，在家服從，到學校老師叫佢坐好，手擺枱面，佢就會自然知道要聽大人話。(當然係要時間同有難度)

日日帶佢到大d嘅公園玩，消除大量體力。

我有個朋友，佢都懷疑個仔係ADHD，但都可以讀主流及帶佢去外地旅遊，因為個小朋友雖然係好活躍同成日跳跳跑跑冇時停，但佢係大人發怒時叫得停。懂得服從是非常重要。

其實我覺得，不論孩子讀間幼稚園，那個老師，家庭及父母果part嘅訓練先係最重要。記得我仔2歲評估時果個醫生同我講：如果我個仔吾識同人溝通/相處，比佢砌到1,000塊puzzle都冇用。(因佢2歲已砌倒2.5歲的puzzle)。所以，我深深明白，能夠訓練孩子家中規舉，尊敬父母，出去那裡也不會太差，這是我的信念。一切.....非一朝一夕。努力！

[ 本帖最後由 Capricorn2521 於 11-9-12 10:55 編輯 ]

wan_sosin

我都贊成求人不如求己!我都會搵書睇,自己找方法!
不過我個仔對食物方面反而影響不大,食唔食朱固力,甜嘢都係一樣.
雖然我個仔未能去評估,我都當佢係ADHD咁教!
我有朋友係做特殊學校的小學教師,佢都覺得我個仔係比平常小朋友跳多D,要時時提住,叫住.不過佢係老師,並非做評估的,所以佢都唔可以介定我個仔的情況.
其實最了解子女的,都係自己,所以自己能做的,都會盡量嘗試去教自己個仔.

見到Capricorn2521的情況,我都好為個小朋友唔開心!
因為真係條路好難!希望媽媽能搵到方法同出路幫到個小朋友.

原帖由 Capricorn2521 於 11-9-11 09:02 發表
樣樣野都冇效，睇來小朋友ADHD都好嚴重。唉.... 有冇戒食甜野呀?

如果坐吾定(依家K1?)，周圍攪，咁樣.....佢自己都學吾倒野。而且守規舉真係返學嘅basic野..... 冇主流可以接受倒(相信國際學校都有規舉)......

我想你可 ...

[ 本帖最後由 wan_sosin 於 11-9-12 00:02 編輯 ]

Capricorn2521

樣樣野都冇效，睇來小朋友ADHD都好嚴重。唉.... 有冇戒食甜野呀?

如果坐吾定(依家K1?)，周圍攪，咁樣.....佢自己都學吾倒野。而且守規舉真係返學嘅basic野..... 冇主流可以接受倒(相信國際學校都有規舉)......

我想你可能要參考吓書藉，如何改善ADHD！因為求人不如求己。

[ 本帖最後由 Capricorn2521 於 11-9-11 09:14 編輯 ]

feipo

你地的無奈, 我身同感受??新界區可否介紹??

SARAHTSANG

照顧ADHD的小朋友耐性好重要,我小朋友3歲發展遲緩6歲証實專註力不足+過度活躍,從3歲一直都現7歲係自己湊真係好辛苦在絕望之際我接受藥物治療,食藥都好煩,起初食4小時Ritaline10g經常轉藥試份量好幾次嘔到脫水及冇胃口體重下降,醫生話係正常,.........其實食藥好定仲有什麼辦法?

chit_mum

Hello, 各位, 我仔仔都係ADHD小朋友, 佢今年6歲, 岩岩升小一.  

我前幾個上左個家長講座好有用, 如果大家有時間真係要去聽.

http://www.adhd.org.hk/adhd/defa ... ntdetail&id=119

另外大家有冇比小朋友上training?

BigPig阿花

唉, 如果可以, 我都想ftm, 但阿仔要training, 又要學野, 咩都係錢, 唔做真係唔得

希望阿仔d 感統改善多d, 唔水去做ot 咁密可以慳少少

最最最重要, 我都好想多d時間陪佢教佢, 但現實真係不行, 唉!

pocoyo123

我5月開始無做野, 照顧左亞仔3個幾月, 每日同佢溫書做練習, 的而且係進步得快, 點都好過工人姐姐, 但長期唔返工係無可能, 現在已開始有經濟壓力, 唯有望下有無得中~6合彩啦~

Capricorn2521

當孩子還小時，什麼物質都係其次，最重要就係媽媽在身邊。好羨慕你們。

原帖由 wan_sosin 於 11-9-3 12:13 發表


我由呀仔1.5yrs.開始做FTM,係好辛苦!但係全程看管住個仔真係有好處,可以一有問題就教佢!
我個仔1歲左右已經有人同我講,呢個仔最好自己湊返,除咗媽媽,無乜人可以睇得住!結果自己湊反後,佢最少情緒方面好咗,雖然成日 ...

wan_sosin

原帖由 Capricorn2521 於 11-9-3 10:50 發表
聽完你講之後，都想發表一下。

我工人剛回鄉放假一個月，我就快完成全職媽媽的工作了。回顧這一個月，正值暑假，除2/4/6下午有暑假班外，時時刻刻都係要對住亞仔，我現在才感受到全職媽媽的辛苦，加上我平日不用做家務及煮飯，而現 ...

我由呀仔1.5yrs.開始做FTM,係好辛苦!但係全程看管住個仔真係有好處,可以一有問題就教佢!
我個仔1歲左右已經有人同我講,呢個仔最好自己湊返,除咗媽媽,無乜人可以睇得住!結果自己湊反後,佢最少情緒方面好咗,雖然成日最錯嘢,但最少佢會知自己錯!
我老公都唔係搵得多,只是我同老公賣咗層樓,搬咗去住一層唔洗點供嘅樓,才免強生活到,不過我除咗將自己比咗個仔之外,就無咁嘢再可以再比個仔啦!因為錢有限!

Capricorn2521

聽完你講之後，都想發表一下。

我工人剛回鄉放假一個月，我就快完成全職媽媽的工作了。回顧這一個月，正值暑假，除2/4/6下午有暑假班外，時時刻刻都係要對住亞仔，我現在才感受到全職媽媽的辛苦，加上我平日不用做家務及煮飯，而現在一下子一起做，於是就開始大聲對待亞仔，初初佢都成日"留"計，我吾睬佢，由佢哭，仲會教訓佢，日覆日，我發覺亞仔好似聽話咗，情緒又好咗，我想佢知道我的堅持，"留"計係冇用，原來媽咪係咁惡，所以要聽話。我愈來愈feel到全職媽媽對孩子的重要性，好羨慕那些全職媽媽。

原帖由 pipi331 於 11-9-3 01:30 發表
我仔仲細, 暫時主要系專注力不足+輕度自傾, 希望佢遲D唔好出埋過動, 讀寫.....
私家幼兒導師建議我呢一/二年, 儘量找人(包括自己)夾實個仔的自理&學習, 找個儘量少干擾的環境, 一對一夾個仔坐定定做嘢; E.G. 食晚飯 ...