小朋友比老師針對

candy1905

我個小朋友讀緊小學2年級  因為氣管唔好 所以有好多時會請假 成績都唔太好 應該因為咁 佢班主任成日針對佢  默書0分 要佢成個星期既全日小息都罰企係教員室出面 試過食午飯果陣 我個小朋友比同學整到成身果汁 同老師講 點知老師理都唔理佢 今日仲離譜 因為呢幾日我個女都冇返學 今日返去 佢老師叫佢打比我 同我講 如果今日唔交埋d書簿費 下年冇得係到讀  但係前幾日冇返學 都未收到通告 係到應該話聽日交啦 而且我打去校務署 d職員都只係話係呢幾日交就得 點解會講到 "唔交下年冇得讀"??  我想請問一下 我應該點做 投訴係應該向邊到投訴先呢  我小朋友讀大角咀基全小學既 3q各位家長

Rainy

唔交書簿費下半年無得讀呢句好離譜....

你問下佢, 係你話無得讀定係學校話無得讀, 定係教育署規定? 就算真係無錢交, 都未使無書讀卦.

老實講, 幾頑皮同幾成績差既學生, 老師都無理由可以針對的, 因為佢係做老師.. 老師覺得學生有問題係應該與家長多溝通, 尋求方法可以幫到小朋友, 而唔係做埋d小動作!

YolandaTam

原帖由 ysnmama 於 11-7-17 09:28 發表
我也認同應以正面方法去解決問題. 如果身體差. 去那裡讀書也有影響. 加上小學課程深. 真的較難跟上.

老師需要處理很多問題. 可能真的對些成績不好學生有微言甚至好像針對. 但日後長大後. 亦很多機會面對相同問題.  ...

講得真係再正確沒有了

ysnmama

我也認同應以正面方法去解決問題. 如果身體差. 去那裡讀書也有影響. 加上小學課程深. 真的較難跟上.

老師需要處理很多問題. 可能真的對些成績不好學生有微言甚至好像針對. 但日後長大後. 亦很多機會面對相同問題. 同學, 同事甚至老闆針對等. 為何個個不針對. 要針對你? 一定有原因. 亦控制不來. 既然你也知道原因. 可對症下藥. 慢慢將孩子再帶出來. 身體健康其實最緊要. 沒健康什麼也做不來.

唔係化

原帖由 YolandaTam 於 11-7-16 04:40 發表
樓主, 我諗對你哋嚟講, 最重要嘅唔係個囡俾老師針對, 而係搞好身體同成績!

同你分享吓(如有得罪請別介意): 我囡而家喺34網某名津校讀書, 升小二.  佢都係身體好差, 上學期請病假8日, 下學期病假10日, 仲入埋院.  佢 ...

你EQ好高, 處理得好好, very good!!

talknwrite

最壞的老師不是比氣你受的老師

是任何事都不管的老師.

請假曠課, 無所謂, 隨便
唔交功課, 無所謂, 隨便
成績唔好, 無所謂, 唔係佢自己仔女.
無簽通告, 無所謂, 貴客自理
仔女在班上睡覺搗亂, 無所謂, 都懶得理佢, 由佢自生自滅,
夠鍾就收工, 有事唔好找佢, 佢亦唔會找你.

大家相安無事就可以了.

老師肯話你的仔女, 罰你的仔女, 即係話都關心佢.

YolandaTam

樓主, 我諗對你哋嚟講, 最重要嘅唔係個囡俾老師針對, 而係搞好身體同成績!

同你分享吓(如有得罪請別介意): 我囡而家喺34網某名津校讀書, 升小二.  佢都係身體好差, 上學期請病假8日, 下學期病假10日, 仲入埋院.  佢係鼻同氣管都差.  更弊嘅係, 佢喺一間屋邨學校讀幼稚園, 結果上學期全級考包尾咁滯, 英文默書温咗都唔合格.  你話老師有冇針對, 就睇吓你點睇啦, 個囡成績唔好, 都唔好指望老師會好好態度, 我囡下學期數學大考, 就因為數學老師"針對"佢(佢實作評估低分, 就叫佢"睇吓人哋啦", 又因為佢啲字唔靚成題打個大交叉)冇咗5分...

但係喺下學期, 我哋大家都好努力急起直追, 喺佢冇病嘅時間我哋開足turbo睇課外書, 做練習, 串生字,結果默書有90+分, 名次升咗20+, 攞咗進步奬.  而家暑假, 我哋幫阿囡報名學游泳, 希望可以改善佢嘅身體.  

自己個小朋友成績唔好, 老師態度惡劣, 做父母嘅有hard feeling在所難免, 但係抱怨歸抱怨, 都要打起精神解決問題.  我明白, 有時小朋友狀態欠佳, 默書點温都0分係好無奈, 但係唔好放棄, 俾小朋友知道身體唔好唔代表可以唔努力讀書, 盡咗力就可以啦!

樓主, 帶小朋友多啲做運動, 尤其係帶氧運動啦, 佢身體好啲, 讀書都會好啲架.  唔好太介意學校嘅態度啦, 而家啲人係咁架啦, 唔好嬲壞自己呀!  加油!

unfair123

其實在bk講可以幫你吐苦水, 舒緩壓力. 但對e件事沒有幫助, 只會越描越黑.

1. 你會否認識同校家長&老師? 睇下佢地點評價e個老師, 然后再親自到學校看看女學習實况, 再找校長解決件事.

2. 要在女面前批評e個老師, 咁做只會將d負面野帶番學校, 做成相会對示, 令情況更磡

3.找補習或其他方法追番d功課, 因為長期落后, 對女升學都有影響.

望早日解決.

qkhui

多謝你的讚賞..
其實我會比較感恩在小學階段有不是太好的情況給仔仔面對.
當然會另他們不開心(我也會很心痛). 但我會解釋給他們知, 社會就是這樣, 我們要時常去思考, 為什麼對方會這樣做 ? 另仔仔明白及感受到, 給人傷害的感受. 要切記自己不要犯同樣的錯..
同時, 我也會告知他, 世界一定是好人/好事多過壞人/壞事, 所以我們不要對世界的人和事失去信心.

cccolin

我覺得你講得好岩呀!!

6853849

比Ｄ時間學校，有時老師話盡快覆我，都隔左成個禮拜之後架。

redkoni

原帖由 candy1905 於 11-7-12 15:22 發表
我覺得佢係因為請假多同埋成績唔好所以針對佢 我而家只係希望下年唔好再係佢做班主任姐 之前仲試過收左d作業 過2日話唔見左 叫我去買返 但係我係肯定佢係收左 點解咁樣要我買返 佢整唔見左就叫我買返 咁我咪好唔得閒...之後過幾日本作業又走返出黎 佢就冇再交代點解喇...

這位班主任有問題,班主任就算搵家長,會直接打電話找你傾,不會三番四次叫你個囡打電話俾你傳言,小朋友咁細個你估實傳得準確,有啲莫不關心的感覺,你既然擔心,要親力親為去學校了解清楚,搜集多啲資料和證據,投訴教育局才有把握. 津校就算你欠費,佢都不能踢走你的小朋友,除非你自動申請退學.  小朋友有病要睇醫生,好番就要溫書,如果唔溫書返學做乜,默書食蛋就是無溫書,唔好只是投訴別人,自己都要檢討如何配合上學.

畢加思索

溝通始終是解決問題之良方。

moonychan

樓主, 唔好唔開心, 最重要真係可以升班後唔係呢位班主任.

qkhui

噉你個老師真係有o的問題wor.
我想知你囡囡個班主任係年長定係年輕 ?
老師說"白痴"當然不對. 為人師表, 一定唔可以.
你要好好解釋給囡囡知. 在每個地方都有這樣的人, 而且證明, 書讀得多, 學識高不是最叻. 懂得專重人, 欣賞別人的長處, 才是最叻

candy1905

上面TiTiTiTi 你話我點講都得 唔信你可以唔洗留言 唔係所有家長都真係有時間留意學校資訊 通告都未收到 點留意呢  我覺得你係搵交黎嗌囉

candy1905

我覺得佢係因為請假多同埋成績唔好所以針對佢  我而家只係希望下年唔好再係佢做班主任姐  之前仲試過收左d作業 過2日話唔見左 叫我去買返 但係我係肯定佢係收左 點解咁樣要我買返 佢整唔見左就叫我買返 咁我咪好唔得閒...之後過幾日本作業又走返出黎 佢就冇再交代點解喇...