好迷茫!

chunchun09122

hi! 我想問, 我個仔29個月今年要報k1, 佢剛評估有自閉及語言遲緩(只有18個月), 已經排左e位及開始上語言治療! 請問係咪可以報普通幼稚園?(要話比學校知佢有問題嗎?) 或報一些有 i 位的幼稚園? 點樣知道果間幼稚園有無 i 位? 邊間有私人i 位 及 s 位? 乜都唔知, 有d迷茫!!

dorming

優質治療及教育中心OR邁步兒童發展中心做平估及治療好呢？

我小朋友剛2歲(052009),健康院醫生寫左
介紹信(語言發展及社交行為)去政府專科，而家只是見了專科姑娘，
話要等6個月至有得評估，想快D所以想去私人度做。

如果係"語言治療"兩間邊間好D?
有無有經驗o既可以分享下呢？

longheifung

你可以問下社工意見.
我個仔有情緒及語障問題,排e位,不過年半了,都未有位,而i位就無考慮,因為e位可以比我跟,在家教他,似乎好d,我個仔讀主流幼稚園k1,不過在校就有很大情緒問題,老師面對此類小朋友的經驗不多,所以都好煩惱,如果佢再唔適合,我就考慮轉去i/s位,不過不是想轉就轉,都要排,唉!

chunchun09122

我想問如讀私人, 價錢多少? 有乜好介紹, 我住九龍西!!

chunchun09122

其實佢都係唔講野, 但個性好開心, 又會同其他小朋友玩, 只係喜歡玩門同死物, 唔太似有自閉, 所以我都想唔講, 而e位, 係我個心理學家話佢唔係好嚴重, 無需要排i 或s位, 其實我都唔係好明d位分別, 又唔知佢可唔可以排到果d位, 有幾嚴重先排i 或s 位呢? 佢係09年1月大仔, 所以明年才可入學, 曾經有想過比佢讀N班, 但佢有呢個問題另我又想比佢讀合適佢的果程, 真係唔知點好, 為有問下呢道d媽媽有乜意見!!

crystal媽咪

原帖由 chunchun09122 於 11-6-26 02:31 發表
hi! 我想問, 我個仔29個月今年要報k1, 佢剛評估有自閉及語言遲緩(只有18個月), 已經排左e位及開始上語言治療! 請問係咪可以報普通幼稚園?(要話比學校知佢有問題嗎?) 或報一些有 i 位的幼稚園? 點樣知道果間幼稚園有 ...

你小朋友既然評估左, 也都排緊 e位.
你可以試下同佢報幼稚園, 不過而家咁遲, 好多上午班已經full晒, 試下下午班 / 屋邨學校. 至於你話講唔講, 如果唔講, 容易睇得出嗎 !?!? 我指自閉/情緒問題, 有無其他固執野, 因好多媽咪試過, in幼稚園時覺得d老師 / 學校好多愛心, 如實同佢地講小朋友的問題, 之後好多都話要請示校長, 又話學校無老師handle到, 又話無i位, 總之就唔想收.
有i位的學校會好少少. 以下的link你click入去看看
[幼稚園暨幼兒中心兼收計劃], 內裡的幼稚園是有i位的.

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

希望幫到你, 如果都8月到未有 / 無學校收, 一係在屋企自己教住先 / 讀私人s位 / 上住一些坊間的課程  (for 自閉/語言遲緩) / 請幼兒導師再教.

---------------------------------------

題外話, 點解唔排s位呢 !?!? 因為e位是每星期上一至兩堂的, 訓練未必足夠.

yookko

可以試樂天,我個仔上過私人S位