播道VS 真道小學 ? 好頭痛, 不知道如何決定

rm3202

有冇就讀 播道 & 真道 小學 之小朋友家長可否給些意見 ? 因兩校也取錄了小女現在只可2選其1.
好頭痛,因兩間也是心儀之直资小學, 真的不知道如何決定才好!! Pls Help!!

如要放棄其中1間. 本人是否要親身通知先前已注冊之直资小學或是由新注冊之直资小學會代為通知?
Thanks .

catcatmom

deleted,deleted,

[ 本帖最後由 catcatmom 於 11-6-30 23:12 編輯 ]

bowling123

只是路過的. 但想同littlefaith說sing 加油呀! 有時見到唔係事實就要加以說明之. 真相只會越辯越明. 說明係有必要. 至少使問一方和學校得到公平對代.
最怕係聽人講, 傳聞...等等..

rm3202

Thanks all!

Arosa

i'm just a passer by, with a close relative studying in Logo since its beginning.   

I remember once she showed me a piece of chinese article that they were going to study (in putonghua) in class.  Wow! it was vvvvvvvvery difficult.  As what i gather from my relative, i dun think Logo's syllabus is "simple"

As some parents say, EC is very tempting given it's English primary school.

littlefaith

原帖由 粉紅虎 於 11-6-25 01:47 發表
上年我沒有揀這兩間學校,因為不是我杯茶, 剛巧見到這topic, 只想分享, 無意重傷任何一間學校, 讀真道這位媽媽每星期見兩日, 大家都會講學校情況, 以上所講全是實話...

我係知道真道唔係叫常識課, 係叫社會.科學.倫 ...

別緊張，我沒有說你在說謊，只不過我覺得你引那「真道家長」所言，如瞎子摸象，並不能反映事實。

有興趣對真道了解多一點，可以看看以下連結：
http://www.uncledos.hk/modules/newbb/viewtopic.php?topic_id=6130&forum=3

rm3202

catcatmom,

Yes, IB approved.

粉紅虎

上年我沒有揀這兩間學校,因為不是我杯茶, 剛巧見到這topic, 只想分享, 無意重傷任何一間學校, 讀真道這位媽媽每星期見兩日, 大家都會講學校情況, 以上所講全是實話...

我係知道真道唔係叫常識課, 係叫社會.科學.倫理, 我諗住打少d字, 咪打常識課囖.

catcatmom

真道已辦了IB課程嗎? 好奇一問.

littlefaith

原帖由 粉紅虎 於 11-6-24 18:47 發表
剛巧有兩位朋友的仔仔讀這兩間學校p.1, 只係想分享這兩位媽媽的睇法....
真道...

這校行IB 課程, 適合一些諗住將來送小朋友出國的家庭, 我朋友是其中之一位, 她喜歡這校的原因是,輕鬆愉快學習,學校唔谷,功課又少, ...

此外，真道是沒有常識科的，取而代之是「社會」、「科學」和「倫理」三科，相比起其他學校常識科「蜻蜓點水」式學習內容，這樣分科更能令小朋友清楚、深入學習三個範疇的知識。

例如「科學」科，這一科重實驗，幾乎每堂都有實驗做，小朋友一早已建立從實驗中了解大自然的習慣，而不是凡事只信課本(我有同事的女兒就讀某港島名校，到中三連Bunsen burner都未用過，只係學Bunsen burner不同部分英文名稱，同埋安全守則，非常examination-oriented)。

「倫理」科會教小朋友如何建立一個家，做一個好家長，性教育等等。

「社會」科我女FS1(小一)要學睇地圖，認主要國家嘅位置、國旗、同埋特色節日等。

除咗以上三科，仲有「媒體」科，不只是外間所講學攝影，還學空間、黃金比例，高小會學拍片、剪片，但我最欣賞係呢一科仲會教小朋友做記者同埋咩叫「傳媒良心」，等啲小朋友一早已經明白唔可以信哂傳媒。

至於「音樂」、「藝術」、「體育」，真道都非常重視，從來唔會當呢啲係閒科，亦係我同太太好欣賞真道嘅其中一個地方。

真道課程，在許多「考試主導」家長嚟講，毫不實際，但對希望培育高瞻遠矚、具世界觀、理性而有良心嘅小朋友，真道會係其中一間值得揀嘅學校。

[ 本帖最後由 littlefaith 於 11-6-24 22:42 編輯 ]

FeiSeeNai

我也認識一些真道家長對學校不太滿意。也有一些表示小朋友很喜歡上學。個人認為好看小朋友性格及家長如何配合。

至於真道課程,可能第一、二年比較傅統學校淺吧。(但英文reader就以播道較真道淺了。)高年級的家長告訴我程度頗深,小朋皮一點也不輕鬆。如中三已用中四的Econ書,小四/五要作英詩。我上了廿多年學,一首詩一未作過呢。^-^

littlefaith

原帖由 粉紅虎 於 11-6-24 18:47 發表
剛巧有兩位朋友的仔仔讀這兩間學校p.1, 只係想分享這兩位媽媽的睇法....
真道...

這校行IB 課程, 適合一些諗住將來送小朋友出國的家庭, 我朋友是其中之一位, 她喜歡這校的原因是,輕鬆愉快學習,學校唔谷,功課又少, ...

好奇怪，我女讀真道，但同你講嘅有啲出入。

首先，學校係有「考試」，不過個名叫評估，平日有持續性評估，另加全年兩次「期終評估」(=大考)，持續性評估一般係考現時學緊嘅嘢，「期終評估」一般係考兩個學段(真道全年5個學段，約等同外間學校一個學期)嘅嘢，「期終評估」前校方會派發「評估範圍」，並會將有關文件上載學校內聯網，否則，我哋又點同個女準備？

你朋友既然係家長義工，理應對此事瞭如指掌，很奇怪為什麼會跟你話「考試沒有範圍」？

此外，我都有將真道筆記跟外間學校同級課本筆記作比較，基本上程度差不多，所以，你話真道好淺，似乎有點偏頗。

[ 本帖最後由 littlefaith 於 11-6-24 19:37 編輯 ]

粉紅虎

剛巧有兩位朋友的仔仔讀這兩間學校p.1, 只係想分享這兩位媽媽的睇法....
真道...

這校行IB 課程, 適合一些諗住將來送小朋友出國的家庭, 我朋友是其中之一位, 她喜歡這校的原因是,輕鬆愉快學習,學校唔谷,功課又少,又無考試, 這校是每周用評估方式, 沒有書本, 各課都派note作筆記, 所以要用好多file, 每日功課只有兩至三樣, 有黙書, 中英各黙過生字5個左右, 這校常識教d課程跟一般課程的學校唔一樣(教飛機起飛原理,教相機原理等..)  媽媽對這校都有少少怨言, 學校通知有評估周,但係又唔比範圍比學生溫習,考試後又唔會派卷,跟本唔知小朋友哪一方面比較約, 啱啱前兩天見這位媽媽,學期尾會有一次考試,但係都係無範圍, 讀返之前的note.
這位媽媽有做學校義工, 佢話d學生活躍到不得了, 頂唔順....
我也是一年班的家長, 我有看過佢地的note, 中英數都比較淺, 都唔知係我囡囡學校深....還是這校淺....

播道

這位媽媽我地好少見, 每次見都係閒聊幾句, 這位媽媽對校評價好好, 首先學校好注重宗教理念, 功課約每日5-6樣, 昨日見到這位媽媽及仔仔, 我問小朋友你讀得開心嗎? 他說很喜歡返學... 我聽得資料唔多,所以不便多談...

我個人會揀播道, 因為全英, 亦可能我認識真道比播道深....

rm3202

anymore comment?

rm3202

littlefaith & FeiSeeNai Tks!

FeiSeeNai

rm3202,
小女九月才小一。

如你是基督徒,願神給你清晰指示。我們有可能選錯,衪一定不會的。

littlefaith

原帖由 rm3202 於 11-6-23 21:28 發表
FaiSeeNai.
妳小孩子幾大？讀幾年級？so far妳及小孩滿意真道嗎？讀得開心嗎？學業成績同其它同級不同校學生相比如何？
因真道頭3年主張愉快學習，我想知道會否追不上其它小學？謝謝！ ...

真道係強調頭兩年愉快學習，但學習一啲都唔鬆懈，我女今年FS1功課、測驗已經忙個不停。愉快學習，係指响學校學生會學得好開心，更易吸收。至於程度，又唔覺跟其他小學相差太遠。加上經常有「公開課」給予家長，家長可以清楚知道學生學習情況及進度。

rm3202

any more comment? Tks

rm3202

FaiSeeNai.
妳小孩子幾大？讀幾年級？so far妳及小孩滿意真道嗎？讀得開心嗎？學業成績同其它同級不同校學生相比如何？
因真道頭3年主張愉快學習，我想知道會否追不上其它小學？謝謝！