培僑近況

Fatta

培僑一直係我心儀將來俾小女入讀的學校。一來佢係一條龍，老實講香港教育的制度實在太唔掂，為左小朋友讀乜學校，父毋同小朋友的壓力實在不小，幾年一次的叩門，interview諗起都驚。另外其實我侄女現正在培僑讀書，看到佢英文同普通話程度亦好好，而學校又有好多幾特別有趣的活動安排倒俾小朋友。最重要係佢現在好enjoy睇書。尼樣我覺得好重要，始終書本的知識係無限的。但係最近喺bk睇倒好多關於培僑的消息，換校長啦，行政混亂啦••••，我有問過我侄女換左校镸後覺得學校同以前有無分別，佢又唔覺有問題，仍然讀得好開心。有無家長覺得到底培僑換左校長後有無大改變？另外我記得當年曾陪侄女返陪僑，在校的老師全講英語或普通話，而因為學校係好自由的，所以小朋友都好肯講（我侄女本來好怕羞同無乜自信的，但因學校環境令佢肯講，所以語言進步得好快。到底現在倍僑仲係咪咁？點解會有d人話培僑英文好差呢？雖然小女只係兩歲多，但我仍然想多解此校，有無家長可以share下培僑的現況呢？

kl25173359

回復 chinzw 的帖子

樓上的發言人：雖然我有一位子女己畢業，但仍有一位子女在初中就讀，你所描述學生說粗口，上課走動，的確在一些極小課堂出現，但我的子女說，同一班，有些課堂同一班學生可以很專心，卻總是在某一些課堂玩耍，頂撞老師，這是為什麼？學生頂撞老師的確不對，但同一個現象在同一老師課堂上出現，也許學校也需要校方注意。學生是不是band1 不可一概而論，因為直資收生自主，由band 1 至band 3。都有可能收到，因此沒一個固定的band 1。何況現在這些學生都是小學升上來的，行為好與壞，小學都有責任，反卻我的子女說，上了中學，紀律要求嚴謹了，交功課要求也緊了很多。當然，你所說學生行為問題，是需要校方多加關注，多加教育。
至於你文中不斷強調中文科問題，我只能憑我子女的經歷說一說，今年我的子女畢業，他中文成績比初中大有進步，他特意去多謝她四年中文的中文老師，我的子女說，這兩三年上好中文課因為同呢個老師建立好好感情，大家上課好似一家人，老師都經常鼓勵學生。另一個老師是初中的男老師，雖然我子女上左他一年課，但就令我子女愛上中文，她說老師上課很生動，又有很多活動，好似有朗誦，寫生，拍片，辯論，而且要求我子女大量寫文，7年級就要寫600字，一開始我子女很害怕，但後來愈寫愈開心，愈寫愈多，仲有機會投稿。可惜呢位老師只係教左一年，就再教我個子女，那時我子女都失望好一陣。所以，子女遇到一個好老師真是幸福，中文科又好似沒你說的差。另外，以前曾用過一兩年校本中文科課程，雖然印刷比較粗糙，但好注重中國傳統品德，而且有好多文化專題，我好喜歡，例如講孝道。但今年，突然又用返教科書，可能同之前家長會，有家長質疑課本有錯誤有關吧！

最後多此一提，看你文字間，好似對中學中文科好不滿，如果你是家長，對老師有什麼教學，行政上不滿，可以直接同家教會家長董事反映，如果你系離職或現職老師，如你指控是真實，可向校長，甚至校董會反映，甚至可向專業操守議會反映，但千萬不要在這裡半開名指出老師姓名投訴。希望你不要怪我多事。

Peppermint

如果你不是一個要求高的家長,讀培僑其實是很化算,因為小朋友不須要補習,學費已包括一種樂器.

飛機師

有簡介會嘞...
http://www.puikiu.edu.hk/website ... atid=1&Itemid=3

longandhong

不知道學校何時會有國民教育課呢？可以給學校寫信要求豁免嗎？

kinchani

回復 JadeW 的帖子

車費是hk$2400/2個月? 不是一個月嗎??

不過如果培僑可以比我地聽完小一入學簡介會先交學費, 我相信我會有機會選培僑. 我有問他們什麼時候有簡介會, 但他們說未知, 而另一間又要交學費了, 又唔想hold住d位 (已聽了另一間的入學簡介會).

我喜歡培僑因不算谷, 又一條龍, 細妹又一定有2ND INTERVIEW. 普通話一定好. 唯一CONCERN 是不確定英文情況, 所以想聽完簡介會先. 另一間交了學費的英文是出名OK的.

JadeW

我都住得吾近！但計條數好似吾使5000！



學費2100+車費2400／2個月+午餐費約800／2個月@21／餐= 3700左右。


請問有冇人可以補充下仲有乜野使費要俾呢？

kinchani

其實我都好喜歡培僑的, 不過住得遠, 校車費貴過學費, 計埋食飯等雜費,每月要成5仟多元. 如果個細既讀埋, 真係好吃力. 真的很可惜呢..

Almondwwm

回復 JadeW 的帖子

JadeW好利害     我尋晚都有聽, 不過好多都唔記得啦...

sunday123

回復 JadeW 的帖子

謝謝你,你是個很有心的家長.

patrickBB

回復 JadeW 的帖子

JadeW, a very good summary !

JadeW

仲有教學語言:
中、數:普 (高小:數好似會轉英)
英:英
成長: 粵為主、小部份係普、高小一半英一半普/粵
其他: 好似主要係粵、小部份係普。但佢地既POWERPOINT又用英文既, 所以吾係好知係點。

中英都有教拼音、要學生朗讀給父母聽, 同有書寫字體訓練。
聽完覺得真係要睇好多書: 中英數3科都有要睇既書。
好岩我地教學既理念, 吾係做練習去學語文, 而係要睇書、講同寫去學習。

MATTHEWLOK

JadeW好多謝你的分享，我個仔仔今年升K3,亦即是開始準備申請小一面試，現在的心情非常緊張 ，最近我們亦專登去過培僑門口兩次，真係很喜歡。

希望仔仔可以有機會在培僑讀書

JadeW

數學：感覺有點像中文版enopi, 教授核心計算技巧（enopi式的加減）、解題技巧、數學規律、邏輯、綜合應用。有線上數學常識練習可免費做！以互動、活動小組活動及探究學習，令小孩互相幫助，加深課題認知！
成長：可理解作常識。分6專題學習。5、6年級開始一半用英文上堂。會有參觀、外出考察、探索等。
藝術：感覺很專業。冇家課。有藝術欣賞導賞。
音樂：1-2 學敲擊，3-6專注一樂器。學費已包專業老師授課。仲會按皇家音樂學院的樂理考試課程教授，方便學生考試。有合唱團、節奏樂團、中樂團、西樂團同中鼓團。定期有音樂會供學生表演。

體育：1-2一般項目，3-4開始教6項核心項目：足球、籃球、排球、羽毛球、游泳（按能力分班）、田徑，仲有體能。5-6專注其中一項，再加認識其他新派運動。

課外活動：聽來不多。話已融入教學裡。有校隊、制服團隊、奧數及科學。

英文有精靈班，會讀高一級。由1下開始入2年級一起上課。由老師按能力挑選。

JadeW

報告下今日小一家長會重點，俾有意既家長參考。

中文：老師話就算吾識普通話，半年後佢地口音及能力肯定叻過好多家長。會用2個月時間教拼音！書本用繁體版人教書，字語都很優美，亦會教唐詩，仲有中國藝術課，教相聲、京劇、詩詞等。功課需要每天朗讀1文、會有工作紙練習咁。很重視閱讀！

英文：用專題教學！很多閱讀寫作機會及需要。每天日記、周記，寫作老師批改會按教學目標修改注重部分，教拼音、需朗讀，每周規定書籍閱讀報告，另有自行選讀書籍需每天閱讀，會按孩子程度分級做閱讀，並紀錄進度，亦有線上閱讀課程。會有英文表演活動，教音樂、話劇、朗誦、跳舞等。

Heather

bb007 發表於 12-7-1 22:02
好想亞囝有閱讀習慣，奈何佢對睇書興趣不大，培僑有幫助嗎？

其實間間學校都話鼓勵閱讀的, 學校有薰陶, 有氣氛, 能否使孩子變得喜歡閱讀, 還是看性格. 如果鼓勵變成壓迫, 通常會興趣大減.

bb007

好想亞囝有閱讀習慣，奈何佢對睇書興趣不大，培僑有幫助嗎？