有無父母放棄I位,而選擇繼續讀普通的幼稚園?

catmervin

放棄了I位,是否可以轉E位,有無人有經驗?
I位是不是很有幫助?
如果小朋友讀普通幼稚園,可否返私人機構的課程代替I位?一個星期返一次會否無用?(因小朋友返全日制,只有星期六、日有空)

希望大家俾俾意見,謝謝!

catmervin

而家社工終於回覆左我,原來個位HOLD住左,而我同老公終於下左決定,都係要返I位。無法子,兩公婆都要返工,靠奶奶真係唔得呀,怕浪費左個E位。
真係好唔捨得而家讀緊的幼稚園,我已經交晒K1的留位費,買左校服,俾晒書簿費。唔係錢O既問題,係小朋友好喜歡返學,又好跟個班主任。而班主任又真係好有愛心,主動同我講觀察到小朋友有問題,叫我早D跟進,證明佢真係有經驗,佢仲鼓勵我去排I位,話會幫到我個仔多D,因為覺得我個仔都算受教。
希望在I位的幼稚園也遇到好老師啦。

catmervin

HOWANGBB:
請問你的小朋友去邊間機構做訓練呀?
效果好嗎?

Capricorn2521

請問各位，I位老師會吾會上完個別課後，會有家居訓練冊比返家長在家自行跟進架?  又會吾會gruop賣果6個小朋友一起做小組訓練架?

BeBe媽媽

兼收老師係1個對6個有需要既小朋友....聽落好似幾好! .....
我覺得兼收老師對我地既小朋友,係有一定認識...但佢地用幾多心機時間去TRAIN佢地?佢地係咪有愛心?真係好睇彩數!
所以讀普通幼稚園,未必係懷事!主要都係睇老師&學校有無愛心/耐性.當然又要睇下小朋友既需要啦!

HOWANGBB

我就係啦, 當初o既決定都係好掙扎架. 去年6月中接到社工電話派到i位幼稚園, 第一時間好開心, 第二天一早約i位特殊老師見面同埋參觀學校, 同埋上網查教署視學報告, 但我好失望, 間學校好細, 環境好差, 在視學報告中知道校長有時都要入課室教. 我心諗得一位特殊老師邊可能照顧到咁多i位小朋友呢..

我考慮過阿仔只語言及表達上差d, 其他應該唔會差好遠, 於是, 同社工要求轉e位, 好彩比我轉排e位. 我今年9月先有位, 足足遲咗成年. 依家諗返轉頭, 我都無後悔, 因為阿仔返普通幼稚園都返得好開心, 老師又有愛心. 雖然依然比同學慢d. (己經追咗好多)

但係返咗1年k1, 我哋都有持續參加私人訓練, 每星期1-2節.

catmervin

多謝各位的意見。
其實阿仔未確診係自閉傾向/阿氏保家,但佢明顯語言DELAY,剛三歲,只係講單字同短句,未係好識表達自己,但老師話佢跟到N1的進度,不過D固執行為愈來愈明顯。
E位而家都唔知轉唔轉到,因為個社工放左假,未有消息。
我問過協康會,D課程真係好FULL,暑假都FULL晒,而家唯有考慮私人個別訓練,請問大家有無好介紹?協康D導師OK嗎?仲有無其他機構選擇?

yookko

其實我個仔i位,e位同S位都讀過，而每個位提供的服務都好唔同，就以e位來講，佢好依靠家長同佢在家中做訓練，我本人在職，根本沒有時間跟佢訓練，而在i位時,老師好有經驗同愛心，每日在學校跟進個仔情況，實在幫輕不少，所以真係好睇個細路响邊方面需要跟進同家長是否配合到

Akoo

我個仔雖然未派到I位, 但我已經同佢轉左排E位. 原因正如大家所講, I位幼稚園老師質素參差, 同時未必日日會同小朋友做個別訓練, 咁同其他普通幼稚園有乜分別? 再者,I位幼稚園一定要返全日, 仲邊有時間做其他訓練呢? 我個仔9月將會讀一間聽聞有教無類既幼稚園, 讀下晝班, 上晝會做私人個別訓練, 其他時間就我同佢訓練, 希望佢可以跟得上. 我請教過社工, 如果小朋友識講野, 坐得定, 又無乜情緒問題, 應該可以返普通幼稚園.

ttlucky0303

我同意好睇間學校既包容...聽好多人意見唔係間間I位都好好, 其實最好既老師都係家長自己.

fatpam

If you're full time mum, it's better to choose E Service, then you can learn to teach your kid at home. You can also have some private training lessons. Don't expect too much on the teacher as you are the one care of your kid most.

yookko

本人認為,放棄I位是不智的,因為Ｉ位的老師是經過專業訓練，一些私人幼稚園根本沒有相關經驗及knowledge 去處理有特別需要的小朋友，亦因如此，這些幼稚園並不是很包容有特別需要的小朋友

如只因為家長的心理障礙而阻礙了小朋友的進度，值得嗎？