報警拉我個仔...

1092967470

話說約半年前我個仔係學校同另一個同學仔玩,你搣吓我,佢又搣吓我塊面,我個仔又衰,搣人咗3次咁多,講係無流血喎又無損,可能個同學仔塊面紅咗一陣咁多,咁啱事發當日,個同學仔媽咪又係學校幫手做 Helper,見到此況.......真係大件事,

知情人事告知:個同學仔媽咪好激動,放學時走去跟校長投訴,仲喊咗好耐潻,差不多用咗成合紙,內容大旣講好心痛個仔比人搣,又話自己得一粒仔好緊張,仲話平日已教個仔,如果比人打,唔好還手,只可攞對方書包係咁打來出氣,所以我個仔個書包一定無走雞喇.

到第二天早上有警察到校了解,其實我都唔太清楚警察到校可以做到乜嘢,只知搞到好多人,好唔好意思,最後校長話有事程要通知我,希望我方跟個同學仔媽咪講聲對唔著.好其怪個同學仔爸爸又同我方表示好無耐.唉,都唔知搞乜鬼,搞到咁大件事,其實我個仔係k1又唔係比人搣過,因塊面損咗起蕉仲清楚見到每邊有3,4隻手指甲印.

其實呢件已過,唔想再提起,但係昨日大家都去Sunday school,係停車塲經過佢哋部車,嘩,佢亞媽截著我個仔和工人大罵,好似有病,我個仔上車眼濕濕.

唔記得提我個仔只係講緊得4歲.

719117

呢個小孩咁比阿媽保護法，遲早變港童

國家

對方媽咪太保護自己個小朋友了, 唔理係邊個搣邊先, 邊個摵多幾下, 雙方家長都要用 "教" 既方式去處理件事, 唔係只懂 "鬧" 對方, 向對方報復, 咁樣對方媽咪既小朋友只會越變越霸王, 根本唔會檢討及懂得知錯, 小朋友只會把媽咪待人接物的一套手法照單全收, 最終只會害了自己個小朋友。

CatEgg

其實個位媽媽係咪曾經受過好大的刺激,所以咁驚弓之鳥?
都登樓主慘,要花心思同佢拉据

yiuyiumom

absolutely agree!

Chris852

怪獸家長太多了!
d家長成日幫出小朋友出頭, 小朋友點會學會獨立. 成長?

恩林

唉~ 我仔仔早前係校車俾小朋友抓到塊面, 留左條5cm的血痕.....仲要第二日係我仔仔生日, 睇番d相的話, 一世都會記得d件事....

事原我仔仔想飲小朋友的維他奶, 但小朋友唔俾, 小朋友就反應過大, 抓傷我仔仔嘅面豬done.....

我個仔被抓傷我當然好心痛la....
但對方小朋友都唔係有心, 我仔仔又唔啱左先, 佢地又有可能做十幾年同學仔, 而且個家長知道後又say sorry, 又請我仔仔飲野, 我仲邊嬲得落吖~

有時都要睇吓個家長用乜野態度去處理事件, 可能樓主同個果家長見到面時, 都會客氣地同對方道歉, 但個位家長一黎就發到咁大, 作為樓主想say sorry都唔得la.....

Sumyeema1

原帖由 dch_07 於 11-5-13 13:09 發表
teaching kid is not hard, the difficult part is teaching the parent! ...

有的家長當自己是顧客， 覺得[顧客永遠是對的]， 有理無理， 都要校方滿足自己的要求。

dch_07

as a ballet teacher, I also had the experience of having kid A hurting kid B in class (age 8)- jammed her finger into a door, but no sign of swelling, and can move well, and continue dancing the rest of the class.  Both are active and "mouthy" type, like would talk back.  Right after the incident, I asked Kid A to say sorry, and at the end of class, reminded her to show her concerns to kid B, then told kid A mom.  Kid A mom is a mellow kind, see that she would go home to teach kid A.  Ha! Kid B parent called me that night (I did report to kid B mom after the incident also) saying that we should do something to kid B, like reject her otherwise is hard for her to continue dancing with us.  What a big deal.  But what can you say to parent B?  your kid is not the weak one either, she stirs things up occ as well.  The point is.....teaching kid is not hard, the difficult part is teaching the parent!

小千

好明顯個亞媽有D野喎，其實真係好少事，小朋友唔係你打吓我我打吓你，就你鍚吓我我鍚吓你嫁啦。佢咁樣對佢自己既小朋友都有不良影響。

ellako99

個AR媽好有問題喎，細路之ＭＡ，使乜報警呢？小朋友在學校經常有呢Ｄ事發生，唔係好重傷或嚴重咪叫整傷人的小朋友同自己小朋友道歉咪得ＬＯＲ。

我仔Ｋ１，暫時佢未比其他小朋友咬或打傷，也未有傷害小朋友，不過我時會諗，如果佢比人打或咬，我會要求老師通知傷害我仔的小朋友家長，唔係要佢道歉，因為家長幫小朋友道歉係冇用，好唔應該，應該由整親人的小朋友道歉，咁佢先知道乜事。我只係要家長知道呢件事之後，教返小朋友咁做唔啱。如果我仔整到小朋友，我都會要佢同小朋友道歉，同埋請老師通知對方家長。一定唔會喪鬧同學仔

chongnicole

多謝鼓勵，確實做什麼都於事無補，鬧人發泄亦無也意義，
唯有當自己吳好彩，希望亞女條痕快d退啦

klm402

好可怕, 呢d家長會教出點樣既小朋友.
自己既小朋友比人家小朋友整親當然唔開心, 但係唔開心既同時都唔應將件事搞到咁大. 不竟大家都係小朋友吧. 呢個媽媽真係傻的.

alowe

樓主先要攪清楚對方家長報警的原因和作用. 對方家長報警可能只是備案, 或是懷疑她兒子的傷有其他內情. 不可能報警拉你個仔, 因為以他的年紀, 根本不能入罪. 她可能亦想追究責任. 她可告你不能好好管教兒子, 以至她的兒子受傷害. 但因為你已將兒子交託給學校, 看管的責任已不在你而是在學校. 所以如對方要追究, 責任應是學校負.

不過你兒子的確有牽涉在事件中, 作為有教養,負責任的家長, 也可代兒子向對說聲對不起. 相信可息事寧人.如對方不接受也沒話可說.

chongnicole

我個女前一排系學校比另一個小朋友爪傷面部，而家仲有一條痕。
老師通知我之后，我馬上到學校了解。
我當時無大鬧老師，亦無要confront個小朋友的家長，要他們道歉或者賠償。
因為始終系小朋友，不是故意。

不過，be a better person的代價好大，我個心到而家都好吳舒服，每次送女返學都有少少翳住。
我覺得學校到現在仍每月收剛滿2歲的小朋友，學校充滿那些剛上課情緒超不穩定的小朋友。
見到d小朋友大喊大鬧就想起亞女件事，覺得好討厭。

piyohk

怪獸家長何至這様。

我的女兒被同學咬面(at 1 April)，發了一星期惡夢（晚上本可以自己睡，但自至每晚都要我陪她睡。否則，她會半夜驚醒，說怕怕、我不理她、和留她在學校。）面上的疤痕現在還清晰可見，但咬人的同學或家長從沒有向我女兒道歉。這又是否怪獸家長和港童的一例。

joeyma

如果佢係停車場咁發癲閙我個小朋友，我實會發癩閙爆佢！痴線大細架！！我仲會報警話佢嚇親我小朋友。