唔知點攪...請給意見

Daniel-Florence

小朋友3歲多, 每次去商場一見防火門, 就走過去指住問d字寫點解, 防火門通去邊等等..., 我每次都好有耐性花一段時間同小朋友講解, 什至推開防火門(沒有alarm)走幾回. 我反問小朋友防火門通去邊? 幾時用?..., 佢全部知道...
幾個月了, 都系沒有改變...
次次去商場, 變在參觀防火門, 後樓梯  
問題在那???

[ 本帖最後由 Daniel-Florence 於 11-4-19 12:23 編輯 ]

kitkitchui

比較聰明的小朋友才會經常左問右問問到你不知如何答, 家長應該開心啊!
如果真的不懂, 就對小朋友坦白, 並建議一齊上網或去圖書館找answers, 小朋友會開心d, 千奇不要嫌煩啊!

samuel89

原帖由 Daniel-Florence 於 11-6-14 16:39 發表
我其實想小朋友多思考, 多模索, 我會比耐性解釋, 比時間佢模索, 發揮.
有時小朋友可能知道的, 而"控制"我

多d諗諗:
拔苗助長--小朋友太過"快高長大"絕非好事.....
關心則亂--太過關心小朋友,容易變成環繞小朋友而轉....

Daniel-Florence

我其實想小朋友多思考, 多模索, 我會比耐性解釋, 比時間佢模索, 發揮.
有時小朋友可能知道的, 而"控制"我

samuel89

因為我覺得你位小朋友好正常, .......
佢之前問得甘"頻繁",系因為你太"認真"解答...佢好自然甘重覆問你, 直至問到佢自己都覺得毫冇新意, 就好自然會"沒有問了, 不過一見防火門, 就走過去., 玩個鎖".....

老師話佢smart kid, Playgroud 個Sirs話佢古惑. 我唔系好覺. <----我都覺佢系smart kid, 起碼佢甘細個就已經可以完全將你"控制"....

Daniel-Florence

小朋友沒有問了, 不過一見防火門, 就走過去., 玩個鎖

點解咁問?

小朋友好鍾意跑, 永遠唔會行, 追佢追到我剩返Half Live

我曾經以為小朋友ADHD, 但佢系學校ok的. 如上堂好留心等.

老師話佢smart kid, Playgroud 個Sirs話佢古惑. 我唔系好覺.

可能我資質有限, 唔知點搗...

[ 本帖最後由 Daniel-Florence 於 11-6-13 19:02 編輯 ]

samuel89

原帖由 Daniel-Florence 於 11-4-19 11:45 發表
小朋友3歲多, 每次去商場一見防火門, 就走過去指住問d字寫點解, 防火門通去邊等等..., 我每次都好有耐性花一段時間同小朋友講解, 什至推開防火門(沒有alarm)走幾回. 我反問小朋友防火門通去邊? 幾時用?..., 佢全部知 ...

本帖最後由 Daniel-Florence 於 11-4-19 12:23 編輯<-----請問樓主,經過左差不多2個月, 請問小朋友仲會唔會再問呢??

ok_ko

问都好过吾问.

ho_yan2406

我仔2歲時已開始每事問,日日都問o個d,有時我又反問佢囉,佢根本知答案但係要問下你要你俾反應佢咋嘛,你唔睬佢就問到你睬為止~
以前成日問no smoking/no eating個牌o係邊,而家問安全帶,點解呢架小巴冇安全帶,點解呢架有安全帶,駛唔駛扣?又問bus的to stop press once點解,按多次得唔得架??上車o個度有個"上"字,佢認得個上字,問我o個度寫住上字做乜呀?ans完佢只准上車唔准落車~跟住就指落車o個邊問:咁呢邊呢??o係mtr搭扶手lift時有個企鵝牌叫人扶穩,佢又問個度有隻企鵝做咩呀??
總之見乜都問,一出街把口唔停...

恩林

haha...因為你好有心機同佢解釋, 所以佢咪好enjoy你講多次囉~~
我個仔5歲都係咁, 成日問完又問, 初初我都會答佢, 但宜加我會反問佢, 你話呢~
佢就會答番個答案俾我, 其實佢係識嘅~
只係想同你講野, 想你答佢, 但又唔識同你講時事講股市....所以咪問埋d重複又重複嘅問題囉~~!

[ 本帖最後由 恩林 於 11-5-20 09:42 編輯 ]

愛貓

可能我既小朋友只係2歲半, 未到您小朋友既"每事問"階段... 所以自己聽落都幾新鮮, 幾新奇!! 感覺您既小朋友都幾頑固喎, 問完又問; 但有好奇心都係好事, 證明佢有思考嘛!

我淨係諗倒:
出門前告訴小朋友現在的目的地, 要在限定時間內趕到, 向著目標直奔... 當在途中遇到"問問題時間"時, 告訴小朋友"之前咪解釋過囉, 咁好啦, 這次是解釋最後一次啦", 解釋完, 然後快快離開...

如果唔得, 又可否"轉移視線"呢? 叫小朋友集中注意力到商場內的其他方?

另外, 可否減少到商場的次數, 多點帶小朋友到其他戶外地方, 如大草坪, 沙灘, 大遊樂場... 多點接觸不同的事物, 增強思路和見識


我都係"諗倒咩, 講d咩"... 可能幫不上大忙~

Parisienne

其實好正常，我個囡3歲半一樣成日叫我重覆所有地鐵站名，解釋所有提示標誌如 : 請勿飲食、小心車門、不准吸煙、讓座.......連扶手電梯上嘅標誌如小心夾腳等都唔放過！不過危險又阻住人通常無長細講解，但如果無人阿囡就唔肯走。都幾煩！次次撘車出街都要預早時間。我發覺佢對標誌特別感興趣，記得兩歲就問'小心地滑'你乜嘢，之後一見到呢個黃色牌就十分雀躍！後來仲將屋企書架上一對書隔反轉放在地下當'小心地滑'個牌唔俾人過！haha 不過而家無玩囉。

JanJanBB

如果因為單一這件事, 你覺得個仔有問題, 就太誇張啦!
我都常聽到朋友說自已的仔女經常重覆同一問題, 好煩。我個女都有時會。
我自已覺得個小朋友係對你答的答案很滿意很得意, 就再問羅, 好似同你玩錦羅!

如果你想改變下, 你可以一去到商場佢未問你之前你就問返佢, 等佢答你。
如果佢脾氣好的話, 你又學佢次次都問佢羅!


其實你自己放工咪又係日日都問佢"今日有冇曳?"

Daniel-Florence

謝謝妳的方法,
無論(火)(門)(消防車)(消防員), 我連商場消防閘, 滅火器, 自動門, lift, Go upstairs, go downstairs 等都講埋, 佢都明白, 中英文都識, 但幾個月都沒有改變...不斷問...

Christi

試吓由防火門轉個focus去消防車,消防員,如果附近有玩具鋪,就帶佢去睇一吓相關事物,轉移視線之餘,順便講吓有關火的各項事物;或者,唔用[火]做中心,用個[門],講完防火門,試吓講lift門,洗手間門,商店門...講吓異同,通去邊...之類...睇吓呢招對佢的效果點先.