上午返私人S位，下午返主流幼稚園，大家點睇？

Olympian

大家好，我囝囝今年九月就3yr-old，現在返私人S位，九月份想安排他下午返主流幼稚園。

我經已為他報了名。該幼稚園離私人S位20分鐘路程，就在我家樓下。私人S位12點放學，而幼稚園就下午1:15上課。

想大家比下意見咁的安排好唔好？

我好擔心佢辛苦，但係又想佢可以多D社交的機會，有多些正常小朋友的刺激比佢。

唔知有冇家長咁樣做緊，可否分享下？

pocoyo123

我都讚同在呢個社會, 一定有好同壞之分, 就算睇電視, 佢見到有人做左d壞行為, 佢會問我, 媽咪, 點解呢個哥哥咁做呀, 咁唔啱呀, 差人做咩唔拉佢等...........最記得, 以前佢能力差時, 成日去玩, 唔識排隊, 唔識分享, 我成日教佢, 教識佢后, 去到出面, 有d所謂正常小朋友, 虾佢, 打尖, 玩完又玩唔比佢, 佢問我點解d小朋友咁嘅, 佢地咁做無人閙嘅, 佢一路哭, 我一路講, 呢個社會有d人會做d壞行為, 我地係要去用腦袋思考邊樣錯邊樣啱, 人地啱我地就讚佢, 人地唔啱你就唔好學, 話比大人聽, 知唔知
呢d野我由細已不停同佢講, 好以過馬路, 有人紅燈過, 佢就會問點解人地過我地唔過, 跟住有一次我同佢紅燈過馬路, (因交通燈壞左),佢立即話我做錯, 我同佢講媽咪錯係可以原諒, 因為壞燈,呢d 都係要慢慢教, 我想講係我地係要教個小朋友分辨是非, 不是一定在學校, 有時生活上發生的, 會令佢更快知乜野可以學, 乜野可以唔學

overcomer

"從來無提過點幫助", 咁你有冇直接問老師有什麼方法呀? 你試吓直接同老師講你的憂慮, 你話見仔仔學到壞習慣, 所以諗緊好唔好退學, 睇吓老師點講。你又可向學校申請去主流試讀, 搵間收生不足O既主流學校讀。 應可試讀3個月, HOLD住個S位, 3個月後你覺得OK就轉校, 唔OK就返去S位。 (不過收生不足O既學校, 一定唔少特殊小朋友, 收生好的學校又冇乜位了)

有普通主流幼稚園學生, 返學後學到流利粗口, 媽媽調查後發現, 原來那小朋友係從校車司機學到粗口的, 不過全車小朋友, 大部分都冇學講粗口, 係有人特別容易學到。 去到邊都有唔好O既壞榜樣, 唯有盡力灌輸正確嘢俾小朋友, 盡力解釋佢聽點解唔好學, 我知你已盡力, 小朋友唔容易教, 唯有繼續努力。

overcomer

我親戚個仔係會模仿其他小朋友o架, 又會跟著人跑和做一些動作, 但如果佢有唔好o既行為, 就立即制止佢, 罵他, 叫佢唔好學洩o既小朋友, 跟著佢就冇染上壞習慣。對特殊小朋友都係要管教和灌輸正確觀念。

可能你話好難教, 其實就好似一般小朋友咁, 佢地讀主流, 有些會學壞, 有些唔會, 有些聽人教, 有些唔聽人教, 特殊小朋友都係咁。

kelvin_hmlau

其實都係分兩派, 有d 阿媽話讀S位好好, 有d 就話學到壞習慣.

係社交班我發現話S位好果個小孩係屬於冷淡型, 唔會受其他同學影響. 話S位唔好果個小孩, 係會同另外一個小孩玩到 high high 地唔識停. 我唔知分別係唔係呢度.

overcomer

我親戚個仔讀政府s位, 佢就讀得幾好, 佢仔仔冇學到壞習慣, 進步很快, 佢覺得全面過私人s位添。 其實讀乜學校, 都可以學到壞習慣  要學壞習慣的話去邊都學到, 普通學校都有特殊需要學生, 也可能有人尖叫,坐唔定等, 有好多應該入s位o既, 因父母接受唔到, 咪又繼續在主流浪費時間, 終日遊魂和有怪行為。老師都執唔到佢地。

我係女仔

原帖由 ikebukuro 於 11-4-18 01:20 發表
咪就係人做乜，佢做乜囉！見人哋沖埋去撞牆，佢又學人走去周圍撞，佢以為係玩之嘛，又唔會識分好與壞，凈係覺得又幾得意喎，攪到我成日嘥時間去糾正番，佢學就用一分鐘唔駛，叫佢改就要用超過一個月時間，呢個都只係其一例子，仲有學人大叫 ...

我仔仔正係同你仔仔情況一樣呀
我仔仔去公園玩佢既行為仲比人問有無兩歲添, 因為佢亂咁跑黎跑去, 鐘意搞下東, 搞下西, 但又唔咪真係去玩果樣野喎, 例如xx轉,佢上去企唔夠幾秒鐘就落反黎, 即係人地幾個小朋友上去玩, 佢又上去湊下熱鬧咁羅

我係女仔

原帖由 ikebukuro 於 11-4-16 02:27 發表
我個仔三歲幾喇！返咗一個月左右，就學衰嘢喇！都唔知係咪佢現正處於模仿階段，不過，好嘅又唔見佢學，衰嘢就一大堆！就係見佢成日人做乜，佢做乜，所以先至想嘗試俾佢返普通幼稚園，就算跟唔到大班，都睇吓會唔會模仿到少少好嘢返嚟！
...

我仔仔岩岩3歲, 佢都係模仿階段,但佢又唔知人地做緊咩 學人D野好叻呀,總之人地做佢又做,  但佢成日無反應同講野得幾粒字, 所以無法先入S位, 我仔仔而家都讀緊屋村幼兒園, 8月入S, 排左咁耐入左先算

[ 本帖最後由 我係女仔 於 11-4-17 17:31 編輯 ]

Olympian

點解怪怪呢？

Olympian

我都聽過有有小朋友係咁，跟住家長佢轉返私人S位。

請問你個仔幾大個？返左幾耐Ｓ位才學到壞習慣？

排左咁耐先放棄個S位好可惜咁。

原帖由 ikebukuro 於 11-4-14 17:48 發表
如果返緊政府S位，但係越返越差（不停學咗D怪動作，如撞頭、fing頭、轉圈、斜視，未返S位時係無嘅），咁你哋會否考慮轉E位+下午普通幼稚園，定係繼續原校讀S位（淨返上午，已問中心ok!）+下午普通幼稚園？（需則亞仔仲係坐唔定，未必一定跟到普 ...

powersuit

請問您小朋友入哪一問中心，我兒子今年九月會入s位我也考慮祇讓他讀半天S位,下午to普通幼稚園,

謝謝!

angels'mom

原帖由 Olympian 於 11-4-9 17:07 發表
佢而家幾點訓架?

平日仲有冇時問同佢玩下?

而家大約9時多瞓，早上8時前要起床，好似唔係好夠咁，不過即使在星期日不叫他起床，他多數在8時多都醒的了，所以應該OK吧。

平日當然有時間玩啦，不過我們亦要儘量加入訓練元素，包括認知及大小肌，所以有動態亦有静態的，好彩他都有興趣做

Olympian

佢而家幾點訓架?

平日仲有冇時問同佢玩下?