學費咁貴, 有d頂唔順

karaqueenie

2011年九龍塘think成 $6900 學費 (全日班), 加埋其他書簿費, 校服費, 膳食費, 車費, 淨係返學都要用 $8000一個月, 兩公婆得 $30000一個月人工, 如果計埋小朋友的生活費, 已經用左三份一, 仲未計出去學野, 一讀就要三年, 夾夾埋埋三年就要用 $30萬, 話時話, 都夠比佢去英國讀一年書

其實又未至於負擔唔到, 不過身邊的朋友總係同我講: 小朋友咁係個, 唔值得投資咁多錢, 幼稚園生涯, 小朋友主要都係開開心心就得架啦, 但我又覺得, 係咪應該襯小朋友細細個就打好基礎, 以後就事半功倍呢?

真係好煩

miffyjoyz

原帖由 cherrieshum 於 11-1-24 19:23 發表


你真幸福！收入高，又唔使比家用。羨慕！
我倆收入雖與你們接近，也是住政府的！但就要養老人家，出糧立刻不見1萬以上，又要養幾條化骨龍！超辛苦，但仍給兒女們讀無學券的幼稚園。 ...

我覺得我OK幸福啦，比上不足比下有餘啦，不過我做女時俾好多屋企，責任完成，而家將個波俾返2個細佬啫！HEHE
我又真係唔覺得間幼稚園對小朋友影響咁大，我覺得學卷幼稚園都可以好好
其實要教好小朋友，家長嘅角色真係比學校更重要。我比較重視個女嘅語言發展，我就將D錢花晒起哩方面，其實可能大家都要洗咁多，但我唔會集中起幼稚園度囉，寧可俾佢去學D其他野見識多D

cherrieshum

原帖由 miffyjoyz 於 11-1-24 16:45 發表
人貴自知

你真幸福！收入高，又唔使比家用。羨慕！
我倆收入雖與你們接近，也是住政府的！但就要養老人家，出糧立刻不見1萬以上，又要養幾條化骨龍！超辛苦，但仍給兒女們讀無學券的幼稚園。

miffyjoyz

人貴自知<~~其實講得好岩！
如果自己不自量力去高攀，會俾到咩信息小朋友呢？佢起學校生活又將會如何呢？
雖然未必個個同學寶馬賓士接送，但應該大部份都有車接送同幾乎個個都有工人跟住架啦！
小朋友都會傾計，一陣個個話自己DADDY唔係醫生就係律師，咁樓主嘅小朋友如果比左下去會點呢？唔變自卑咪變擦鞋仔囉！
哩個結果係咪樓主想見到呢？
望子成龍唔係錯，不過唔一定名貴幼稚園先教出好學生！
我兩公婆月入近5萬，唔洗俾屋企，住政府宿舍月租千幾蚊，請左個工人，無養車，女兒都係讀學卷學校，我唔認為自己係負擔得起哩個金額，根本唔係哩個LEVEL，我寧可花錢俾佢學多幾樣野，萬一手緊都仲有得CUT嘛！
奉勸樓主唔好搞到自己無彎轉！

Radiomama

你想小朋友讀國際學校定本地小學呢? 如果心儀本地的直資or 官津名校, 根德園 or SC 先至係佢地杯茶喎!
另外以現時最平的國際學校ESF的走勢, 不是英基幼稚園生, 又不是外國人的話, 其他國際幼稚園的學生連面試機會都無!

ho_yan2406

原帖由 cherrieshum 於 11-1-21 08:38 發表


阿媽很有問題，可能是情緒失控。其實，小孩不讀名校也能成才，你看有幾多醫生、律師、會計師等都是出自屋邨階層，你估他們全是讀名校的嗎？？ ...

太緊張........諗埋一邊.........ai~~~

bb0322

我都記得住居屋，好似唔係公務員。

chowhui97

咁又係... 好多時係環境迫成, 有啲小朋友生長係富裕的家庭反而唔識珍惜, 生長在窮的家庭為咗要改善屋企人的生活會俾心機讀書的人可能仲多...

cherrieshum

原帖由 kathyl331 於 11-1-20 21:03 發表
突然唸返起前兩年有單慘劇，兩公婆住深水步公屋，老公做公務員月入五萬，老婆就家庭主婦，個小朋友就讀英基，結果中學唔收，攪到個阿媽抑鬱，飲飲下茶突然衝出街跳樓死，有時真係覺得好唔值!! ...

阿媽很有問題，可能是情緒失控。其實，小孩不讀名校也能成才，你看有幾多醫生、律師、會計師等都是出自屋邨階層，你估他們全是讀名校的嗎？？

ho_yan2406

原帖由 kathyl331 於 11-1-20 21:03 發表
突然唸返起前兩年有單慘劇，兩公婆住深水步公屋，老公做公務員月入五萬，老婆就家庭主婦，個小朋友就讀英基，結果中學唔收，攪到個阿媽抑鬱，飲飲下茶突然衝出街跳樓死，有時真係覺得好唔值!! ...

o個個好似唔係住公屋,住居屋....
o個個小朋友好可憐

chowhui97

6 位數字一個月.. 好好駛喎!!!

維記都收咗我個女, 有機會可能做同學仔!

kathyl331

突然唸返起前兩年有單慘劇，兩公婆住深水步公屋，老公做公務員月入五萬，老婆就家庭主婦，個小朋友就讀英基，結果中學唔收，攪到個阿媽抑鬱，飲飲下茶突然衝出街跳樓死，有時真係覺得好唔值!!

kathyl331

人人心中把尺不同，好難有一套標準，不過講真，10000一個月的學校，我估比得起的學生家底都唔差得去邊，你搵得三皮幾野一個月，將來佢大大下就識得同同學仔比較，可能衍生的cost仲更加昂貴!!! 我兩公婆加埋六位數一個月，我都想女女有好的教育，佢依家都係讀衛理堂，依家維多利亞收左，我地都唸過度過，仲未下決定!!

ho_yan2406

原帖由 chowhui97 於 11-1-18 23:08 發表
其實THINK又唔係你地講到咁Premier, 我有同事嗰女讀緊, 我同事都唔係搵好多, 亦唔係楂benz之類.. 大前題係樓主屋企加埋得30k一個月, 請問你地係咪唔駛供樓? 唔駛食飯, 唔駛俾家用, 自己唔駛駛??

幼稚園只係一個開始 ...

盡能力俾自己覺得最好的俾小朋友<==agree:)

chowhui97

其實THINK又唔係你地講到咁Premier, 我有同事嗰女讀緊, 我同事都唔係搵好多, 亦唔係楂benz之類.. 大前題係樓主屋企加埋得30k一個月, 請問你地係咪唔駛供樓? 唔駛食飯, 唔駛俾家用, 自己唔駛駛??

幼稚園只係一個開始咋, 我都AGREE盡能力俾自己覺得最好的俾小朋友, 不過真係要量力而為啊…

馬騮仔

樓主..
你打算比你小朋友行國際這條路嗎..?
如果係的話..呢個價只係基本..

但如果5係..真係洗得好冤枉~
我女女已前都係kln tong 一間英文幼稚園讀..但5係我心目中0既效果..
加上而家佢入左區內band 1 0既傳統小學..除左英文輕鬆少少..其他真係追到我地嘔..

而家睇番果時月月洗成6000學費..真係好傻..
所以細佬我以家都係比佢讀普通的幼稚園了~

希望幫到你..

skywalker2007

大家都好有道理, 其實莫講話搵幾多, 而家幼稚園學費真係加得離譜. 只係幼稚園, 將來重要讀小學,中學, 大學, 興趣班, 樣樣都係錢, 有2個細路仲X大一倍, 所以條數好襟計. 我同C6都有傾過, 亦去過九龍塘果D出名幼稚園參觀 同面試, 值唔值真係見仁見智, 可能對考直資有優勢,但係個人覺得幼稚園老師好現眼, 無愛心, 一班有咁多人, 老師連名都唔記得晒.  我地決定俾小朋友讀村校, 一班得十幾人, 校長老師好鍚好緊張小朋友, 仲成日打電話同家長傾小朋友既野, 又多活動教學,其實都唔近屋企, 要買多架每日車佢返學放學, 只係返N班, 但係小朋友好開心, 一見到學校就好興奮, 家姐個仔都係讀呢間無人識村校, 英文基楚媲美外藉小朋友, 今年考出名D直資小學一面試就收, 勁過晒出面D名校幼稚園生. 咁係唔係一定要讀九龍塘名校呢, 樓主要三思. 小朋友仲要學好多野, 我地寧願用果D錢同佢報音樂, 運動同其他興趣班.

TOKIN

It is more expensive than DSS or private local schools.
But, it is kinder level only.  Is it worth ?

calbee6

唔好討論人地搵幾多錢啦，根本依家幼稚園既學費又係貴得離譜。讀完係唔係值回票價又另一回事，太多變數啦。父母既家庭教育先有把握。