足兩歲就幼兒園, 您地有什麼意見?

jlui2008

我係在職媽媽, 有一對twins(女仔), 而家係奶奶, 老爺及工人湊. 我想他們足兩歲(四月)就番幼兒班, 不過是下午班.

奶奶就唔想, 因為會打亂佢地訓覺嘅時間. 但我就好想, 因為奶奶比較”眾”姐姐, 我想他們可以有記紀律D. 大家有什麼意見可以分享一下?

pomama

我認為冇人可以答你，2歲同2.5歲抵抗力的差別，始終大少少抵抗力係好少少。2.5yrs better than 2yrs, 3yrs better than 2.5yrs...亦因人而異。我囡囡返n班後的而且確病多咗，因為始終接觸人與病箘的機會相對多咗，但情況本人可以接受。另一方面看，小女對各樣嘅認知，表達能力，自理及社交能力都大有提升，所以如果小朋友體質不是特別虛弱的話，返pn班係很好的選擇。

原帖由 cincin_ko 於 11-1-17 23:17 發表
我都好2難, 好想bb早d讀書, 但又好驚佢會成日病 , 其實有冇過內人可以話我知, 2歲同2.5歲的抵抗力係咪真係差好遠?

lilychan

我相信你同奶奶都很愛錫twins，不如用小朋友的角色來談談，其實不論是全日定半日，最緊要考慮學校可以幫到小朋友什麼?如果你覺得小朋友在下列方面弱，就早一點入學，如不是就三歲入都ok!這是我和朋友總結的經驗:)
(一)社交
(二)語言(二歲是語言學習黃金階段)
(三)自理
(四)體能

pochario

我囡囡0811BB,上年12月足2歲返全日N, so far好好都無病過, 明顯多野講同八卦左.個人認為比佢返N班是好的.

snow228

如果間學校收12個月學費, 甘四月插班, 九月再重讀n1, 番四個月學要俾五個月錢(1個月暑假)同六個月misc charge 好似好唔低!

CrazyBaby1

jlui2008 - 妳可以PM我

jlui2008

好多謝大家的意見.      

我最後都比左留位費, 看看她們在4月時的狀況, 如ok,就會讀. 其實, 8月她們都是會返另一間平D的幼兒園.

CrazyBaby1
yes.. 2個返n班真係好貴, 您有沒有FB 可以大家share photo ar..   

CICI_PANG

我個仔都係今年4月就開始插班讀n班牙..
我同老公吾係話想佢返學學到d咩..純粹俾佢玩下同多d小朋友相處下架咋..
我都係俾阿仔讀半日, 不過就係am囉!!
但係到9月我地就轉第2間n班啦..
只係反正都俾左留位費..咪照俾佢讀囉!!
1個月既學費同返1期playgroup都係差吾多價錢..
諗落好似化算d..

CrazyBaby1

我同妳一樣係在職媽媽, 有一對twins(女仔), 上午係工人+公公湊, 下午係奶奶+工人湊. 今個月兩歲(1月), 佢哋會8月讀n班上午. 之前10月返過10堂playgroup, 之後無再番, 因為我覺得返完之後又唔覺得有好大分別, 可能佢哋係屋企2個可以一齊玩, 同其他得一個小朋友的比較靜又少說話唔同. 而且每次又要勞師動眾一早出去, 原本我工人係放星期六又要轉星期日, (因我係星期六, 日都放假, 我老公放星期日, 等佢可以瞓覺).  重有, 2個返n班好貴呀, 留啲慢慢用啦, 一對twins+工人, 唔出街學費+人工巳經1萬啦, 唸起都想死一年後啦, 轉返有學卷嘅學校會好啲

pandabonita

4月是插班還是新班(ie,會有orientation weeks),如插班樓主sure 囡囡可適應到ma?.轉午睡時間不是冇可能,不過bb會辛苦少少,其實4-8/9月只是4/5個月,我係你就5會4月入同埋會揀間全日和近屋企的pn

[ 本帖最後由 pandabonita 於 11-1-3 22:54 編輯 ]

chan803

原帖由 jlui2008 於 10-12-29 15:08 發表
我係在職媽媽, 有一對twins(女仔), 而家係奶奶, 老爺及工人湊. 我想他們足兩歲(四月)就番幼兒班, 不過是下午班.

奶奶就唔想, 因為會打亂佢地訓覺嘅時間. 但我就好想, 因為奶奶比較”眾”姐姐, 我想他們可以有記紀 ...

諗過 k1/n2 返邊類形的幼稚園未? 全日/半日?

會由幼兒班原校直升? 真係轉校?

你老公點睇?

我自己兩個小朋友都係讀全日 n1, 一路讀到上 n4.

與其由奶奶, 老爺及工人湊佢地成日, 我情願比佢地返學玩....

BabyYukYuk

我都唔建議太細返學，成日病再兩姐妹轉來轉去，到時仲煩!

STMFHH

唔建議咁早返全日,  時間太長而且你奶奶同老爺都未必肯啦! 如果唔想打亂佢地訓覺嘅時間, 可以返住playgroup先,  2-3 days per week, 等twins & 同學仔互動吓玩吓

GAT

afternoon class may not be a problem at all if you adjust their daily schedule well!

My experience has told me that my decision to let the child go to N1 since 2 years old is completely right. I seen a lot of progress in him after going to school. Only a few months he looked very much different - no more a piece of rice!!!

So I fully support this although I know many parents do concern on the risk of getting sick.

Bigpig_2007

如果你想個bb健康d, 我建議你最好等佢2.5歲再考慮入讀, 而且am/pm好過全日.

小朋友好彩的就發燒感親下咁, 唔好彩就好似我囝囝當時肺炎呀, virus infection呀入院, 病好d上學又來..... 我最後choose quit 轉讀playgroup K1再讀.

你可以想像在校日子有幾多? 學到什麼? 最重要係太細入學, 低抗力越弄越差!

老實說, N班只是有同學仔互動, 如是獨生子又沒人教就需要. 至於生活常識同自理, 家人可以教得好過學校既.

lyhv

唔建議咁早返學, 紀律好抽象, 咁細個你expect佢會點守紀律法?  而4月開學返得果三個月左右又放假, 隨時扣埋你個囡囡喊足全日嘅日子加埋惹到病左嘅日子佢先返得幾日學, 老師都未必幫到你小朋友太多!  另外你奶奶同老爺亦可能會因為少左時間對住個孫或見佢喊多左而更加縱佢, 到最後得不嘗失!  其實建議你不如同老公傾下, 由佢出聲同你6299講, 希望佢地明白, 唔想太縱班小朋友!  先從個根源落手, 而至於紀律, 唔一定要返學先可以訓練到!  教小朋友要慢慢黎, 加油!

小曳人

兩邊都有道理! 但係呢幾年多bb出世, 無得揀~ 唯有張就吓!
我贊成俾bb返學, 如果可以就讀全日, 唔可以嘅話, 讀住pm先, 新學年轉返am!