比意見應否継續學琴

neutroBB

小朋友剛考了二級got merit,　但他是個不叫就不肯練琴的人,且対樂理應知好弱,應否継續,有無媽咪有此経驗,請分享!

lamtsuiyee

可以分享一下, 我個仔一開始學都係咁, 一見到個譜難少少, 就唔練! 因為我自己都有學琴, 我就自己練一次, 仲錯, 佢忍唔住, 話我錯及好難聽, 怇即刻自己示範一次, 跟住我以後都用呢招, 仲有可以一齊Duvet..., 佢彈高音, 我彈低音, 好好玩....我依家當練琴係一個親子遊戲....

lillymarie

原帖由 neutroBB 於 10-12-7 16:10 發表
但毎次学琴加練琴真要喊打喊殺,做媽媽確實好辛苦。

佢自己鍾意學琴嗎？如果唔喜歡，又真的好難逼。有無問佢點解唔肯練琴？最緊要係溝通。不值得為練琴傷感情。

neutroBB

我都有諗学另一種樂器

Lilo

我個小朋友又係咁，同d同事/朋友講起，原來係好普遍，我個小朋友同我講佢唔想練琴其中一個原因係我成日鬧佢，自從佢考完琴我真係無鬧過佢(其實係無理過佢練琴)，加上佢老師又比d佢鍾意聖誕歌佢彈，係學校老師又叫佢係午間音樂會表演，而家日日都鬼死咁勤力練琴。比d虛榮心+有趣樂章+亞媽唔鬧，可以一試

neutroBB

但毎次学琴加練琴真要喊打喊殺,做媽媽確實好辛苦。

heiB

考到二級got merit算好啦.起碼佢有天份,我囡咪又係,自己都不肯練琴,做功課照慢,成日都話無時間練琴,但係打電腦就有時間,我連報名考琴都未開始諗.

fa_fa

其實如果小朋友考試成績咁好就唔好埋沒佢，
講真呀ヌ有幾多小朋友可以自律啦！
十居其九都要逼啦！如果逼吓都得已經好好啦！
可以叫老師比啲小朋友既兒歌(係佢識個啲佢彈)
佢會主動好多！現今做媽咪確係唔容易，
有時亦可張要求降低啲而減少磨擦。

miss321

其實小朋友有很多都冇咩自律性，要搵一個佢會自發去學習同練習的興趣需要時間，我覺得你未發掘到之前，可以繼續俾佢學琴，老實說，而家一人一樂器，學校考試又要考樂器，唔學琴你都要諗學第二樣樂器，小朋友可能一樣唔練。

concerttime

同老師夾duet都好好玩 可以試下

lillymarie

原帖由 neutroBB 於 10-12-6 16:22 發表
小朋友剛考了二級got merit,　但他是個不叫就不肯練琴的人,且対樂理應知好弱,應否継續,有無媽咪有此経驗,請分享!

我個仔都差不多，唔叫唔練，有時態度仲好差。我問佢，佢又話鍾意喎。同老師傾
呢個問題，老師就勸我俾佢繼續學，話佢已學了多年，且又喜歡，唔繼續好可惜。咁老師就建議俾佢彈下其他類型既歌，流行曲、jazz等等，看看佢喜歡彈咩歌。另外，知佢好勝，或者明年試試參加比賽，等佢有些目標。

我同個仔傾好，要學琴就定要練琴。佢鍾意1812，咁啱我地有份譜，我就讓佢自己去彈。希望會推動佢多些啦。