對囡囡失望

karen2323

小女今年五年級，學校不斷提醒學生要注意成績，因下學期開始要報分了，但我個女的成績比四年級時全部退步了，鬧又鬧過，勸又勸過，但佢都係懶懶閒，有時為了成績和她的關係越來越差，有時也感到失望及灰心，請問各位我應怎樣做？

goodenough

樓主的女兒現在還在五年級上學期，還有時間追。試下陪同小孩子一同溫習，看他的功課，了解為甚麼會錯，找出原因。
(據我的經驗，小兒子錯的地方好多都是唔小心，陪同他一起溫習，我覺得可改善他的專注力，而且閱讀時更加深入。)

WYmami

努力是成功的必要元素.

我沒有說我囡囡沒有努力, 只是她努力後仍得不到成功. 而且不善表達.

我覺得祈禱能幫助, 而這是神的恩典. 所以想和大家分享.

我不想講多誤會多. 我要說的就是這些.

LittleKidult

有信仰係好, 但唔好下下都靠神或乜野, 如果真係有神, 神都唔會比一個剩祈禱而唔努力既人有好成績......

ling0928

我個仔都是今年 P6, 我都好明白各位媽咪緊張心情, 但大家要努力, 不要放棄 !!! 我自已比較好彩, 仔仔可以 keep 到, 老師還跟我說可幫他找一此 band 1 中 學校; 重之, 未到最后不要氣餒  !!!

MonMonLam

原帖由 Siuchoi 於 10-12-8 13:42 發表
我大女今年P.6, 我同你講, 我個大女之前p.5都係好hea, 最好咩都唔好煩佢, 咩都唔好預佢, 同佢講, 就係一個hea爆既態度.....當然.....1st 呈分試考得好差......我一直咁多年都有工作, 直至剛7月, 決定辭職.

由P.6開 ...

我仔仔同你大女既性格一模一樣.... 都係好 hea.....
hea 到我好驚, 好彩佢今次終於的起決心勤力左,
有左好成績, 佢今次都好開心.... 大家加油呀....

oscarmama

如果不努力，不付出，只是每天在祈禱，什麼都不做，只是守株待兔，等賞賜，我相信任何一位神都不會給你收獲。

[ 本帖最後由 oscarmama 於 10-12-9 15:25 編輯 ]

Sherryko9

古人走到絕望時,會"不問蒼天問鬼神".有宗教信仰係好,但凡事首要盡力而為,次要順其自然,力求安心(純個人觀感).

WYmami

看到大家, 我也是身同感受.
我囡囡之前很想努力, 但成績一直不如理想. 我叫她要比心機, 她也愛理不理的樣子, 真的令我很難過.

好在我身邊有一群天使提醒我, 我們可以依靠神, 我們可以祈禱. 其中有一位天使對我說她女兒常常祈禱之後, 科科成績都很好, 可以拿到A. 這使我受到領悟, 於是也誠心祈禱, 不但自己祈, 也和囡囡一起祈. 終於我們領受到神的大能, 神賜恩典給我們, 不論我們誠心求什麼, 神都會賜給我們. 我叫囡囡考試前可以祈禱, 她做了, 她說祈了禱之後真的沒有那樣驚.

現在成績出了, 恩典(奇蹟)真的出現了, 我囡囡的中文成績竟然是全級第一, 她之前次次都是60多分, 常常在合格邊緣徘徊. 當然, 我囡囡一直都不抗拒語文, 而且也很喜歡看書, 但中文成績就是很令人擔心.

我相信, 神是賜平安和智慧給我們, 使我們可以除去恐懼. 除去了恐懼後, 我們的能力才可以發揮, 榮耀天父的光.

感謝主, 感謝偉大的神, 原來我們是不弧單, 只要靠近神, 凡事神都會賜給我們.

如果你還沒有信主, 可以試試帶他們上主日學. 我覺得主日學也是一個很好的地方給小朋友學習.

oscarmama

Yanamami

多謝你

大家一齊努力呀!!

ALAL

事事儘力,但求無愧於心!

Yanamami

osmm,
努力呀! 你小朋友果班應無問題, 唔洗驚喎.

原帖由 oscarmama 於 10-12-7 21:50 發表
我仔今年都係5年級。佢都開始反叛，有時鬧情緒，發我脾氣。其實我知佢明白今年好重要，所以佢有壓力。我都盡力禁住自己，先了解佢發脾氣原因，但有時禁吾住就鬧咗先算。
4年級時我比佢放縱d，因為我知5年級會辛苦。但今年開學前 ...

RSG媽媽

我個女都係咁呀 講極都係咁
咪咪摸摸 無記性 大頭蝦
同佢傾過 佢又唔係唔緊 佢都知好緊要
好彩我一早預左佢會唔得
揀左間直屬學位多既學校
唔係既話可能入左band3中學

Siuchoi

我大女今年P.6, 我同你講, 我個大女之前p.5都係好hea, 最好咩都唔好煩佢, 咩都唔好預佢, 同佢講, 就係一個hea爆既態度.....當然.....1st 呈分試考得好差......我一直咁多年都有工作, 直至剛7月, 決定辭職.

由P.6開始, 我一直陪住佢一齊, 2nd呈分試剛在上星期開始, 我和她一起去看中學, 佢都仲係hea hea地.....直至......佢遇到一間佢喜歡的中學後, 我便打蛇隨棍上, 係佢耳边不停游說佢要點樣努力才可以成功, 我搭住佢慱頭話, 我地一齊打呢場仗, 唔係得你一個架~~  你係大將軍,打前鋒, Daddy負責策劃諗計, Mami負責後勤工作!!  我見佢係明白同估唔同我咁同佢講.....

呀女之後態度改變了很多, 都幾努力, ha~~ 我亦冇時冇刻陪住佢, 煮好多佢like既野比佢食~  靚湯佢飲, 2nd呈分試昨天考完了, 結果係點, 我地預計唔到, 但係有收獲, 就係佢現在唔敢再咁hea了, 好似成熟左, 呢個過程, 有淚也有笑, 無論結果如何, 我地也要好好享受一下過程~~

Siuchoi

我大女今年P.6, 我同你講, 我個大女之前p.5都係好hea, 最好咩都唔好煩佢, 咩都唔好預佢, 同佢講, 就係一個hea爆既態度.....當然.....1st 呈分試考得好差......我一直咁多年都有工作, 直至剛7月, 決定辭職.

由P.6開始, 我一直陪住佢一齊, 2nd呈分試剛在上星期開始, 我和她一起去看中學, 佢都仲係hea hea地.....直至......佢遇到一間佢喜歡的中學後, 我便打蛇隨棍上, 係佢耳边不停游說佢要點樣努力才可以成功, 我搭住佢慱頭話, 我地一齊打呢場仗, 唔係得你一個架~~  你係大將軍,打前鋒, Daddy負責策劃諗計, Mami負責後勤工作!!  我見佢係明白同估唔同我咁同佢講.....

呀女之後態度改變了很多, 都幾努力, ha~~ 我亦冇時冇刻陪住佢, 煮好多佢like既野比佢食~  靚湯佢飲, 2nd呈分試昨天考完了, 結果係點, 我地預計唔到, 但係有收獲, 就係佢現在唔敢再咁hea了, 好似成熟左, 呢個過程, 有淚也有笑, 無論結果如何, 我地也要好好享受一下過程~~

多啦小生

各位的情況我也感同身受，但我仲慘，囡囡今年Ｐ６,以往成績平平,於５年級開始發奮,第一次呈分試都ＯＫ,但她仍努力今次第二次呈分,但不幸於考試前一天給同學感染水痘,令精神大打折扣,不能集中記億温習,狀態大失,雖然得校方相助,開特別室給她考,但恐怕今次成績都是嗚呼、哀栽！真是倒霉兼無奈ｏ

oscarmama

我仔今年都係5年級。佢都開始反叛，有時鬧情緒，發我脾氣。其實我知佢明白今年好重要，所以佢有壓力。我都盡力禁住自己，先了解佢發脾氣原因，但有時禁吾住就鬧咗先算。
4年級時我比佢放縱d，因為我知5年級會辛苦。但今年開學前我軟硬兼施，一方面話佢知考得吾好就入吾到心儀學校，一方面鼓勵佢，同佢講今年媽咪會陪住佢行。平時佢懶就間中鬧吓，鬧完又話佢能力係得嘅，點解為咗一時之快就無毅力，最緊要話佢係"得"嫁。
我平時輕輕提起2、3間我想佢入嘅中學，當然係話好多人都想入嘅中學啦，吾好話係媽咪想，叫佢自己去間學校個web-site睇吓，等佢了解吓。之後話佢知入間學校嘅要求。
我覺得運動可以幫佢减壓，所一星期4日運動(包校隊)吾會減
以上嘅動作我係交蒂咁做，要持久咁做，有時都好攰。
到目前為止，佢尚算係我預計之內，掌握之中，希望支持到最後
大家努力！！

Marwkc

Karen2323, 妳現在面對的情況一如我5年前的一樣, 我個仔在以在5年級的呈分試跌50名, 當時個心真的涼了一截, 鬧又唔係, 內心爭鬥完一輪之後, 最後係放棄, 唔係放棄佢, 而係放低自己的執著, 尤得佢自己發展, 雖然見佢仍然是懶懶閒, 但成績都可以慢慢向前, 雖然最後拉平均只可以維持在band 1尾, 最後可以跨區入讀英文中學. 所以唔好放棄, 只要俾佢知道妳幾時都支持佢, 係佢身邊, 總好過同佢嘈, 搞到大家關係唔好, 因為上咗中學後面對的問題仲多, 仲難搞.

Sherryko9

"...如果甘辛苦,我寧願去一間差...."我會甘諗,所謂1間差的是指相對,還是真係"差"的中學?如果相對,我唔反對呢個小朋友想法,但如果真係"差"的意思,我會諗果小朋友"懶",唔想付出努力,只求有個位吧了!呢種想法...... 未來亦不敢想像

原帖由 CrabPincers 於 10-12-7 14:29 發表
其實好多小學友, 係五, 六年級時, 突然發力, 其實都吾可以話突然, 係人地之前一直埋首苦讀, 甘多年之後先發揮到出黎, 而成績一直keep 到中間既, 又丟以輕心, 人地一發力追上, 就變左你果個小朋友退步

所謂不進則退l ...

CrabPincers

其實好多小學友, 係五, 六年級時, 突然發力, 其實都吾可以話突然, 係人地之前一直埋首苦讀, 甘多年之後先發揮到出黎, 而成績一直keep 到中間既, 又丟以輕心, 人地一發力追上, 就變左你果個小朋友退步

所謂不進則退law
如果個小朋友講得, 要甘幸苦先入到呢間中學, 我寧願去另一間差d 既, 你都要諗諗, 係吾係比得太大壓力個女