收信後的一些感想，不喜勿插

nicolandavy

給各位bk父母,

相信最近好多幼稚園已公佈面試結果，收到取錄信的當然會開心到彈起，但只有waiting或已被rejected 的，請冷靜和别氣餒，因為我們身邊的這位兩歲人仔，一定感覺到父母發出的負能量的！

在埋怨自己或小朋友當日表現可能未如理想而導致不獲取錄的家長們：停啦，過左去已成定局，仲諗返轉頭做乜？

在埋怨自己的大仔為何不及細仔，或自己的細仔一定蝕底的家長們：算啦，反正學校的收生標準跟本就從來未曾正式公佈過，何必要夾硬話大仔一定有著數呢？

在收到結果是waiting list 的家長們 （包括我自己在內）當見到其他人在報喜或在考慮應讓小朋友讀邊間而睇到牙痕痕時，我們應慶幸尚有很多學位會因此被放棄，我們就可冷手執個熱煎堆！

rejected 的家長們, 請別氣餒！估計會如此著力為小朋友搵幼稚園的，大多已安排小朋友就讀兩歲班，只是想替小朋友爭取更好才會參加今次這遊戲。大不了就原校升上去（好似我咁）~

最後，衷心祝福各位家長能為小朋友找到適合的學校！漫漫長路中，請緊記小朋友才是我們的中心，引述之前看過的一篇文章「不要為了面子而不愛孩子」

bb0322

見到大家嘅post我都好感動。我幫阿囡報左三間所謂的名牌幼稚園，全部rejected！

依家報左樓下的幼稚園，唔洗搭車，感覺可能仲開心左。

busy_penny

twinstar99

寫得很好，很感人！

kb7724

support support!
我地做父母既, 最緊要係子女開心! 書, 一定有得讀既, 2歲人仔就要佢地面對失敗, 實在太殘忍了~
失敗既家長們(包括我)大家要互相鼓勵一下, 吸收正能量! 千萬唔好將唔開心建築響小朋友身上~ 更加提醒自己唔好同其他家長比較, 最怕有d家長明明學校唔收又話收, 講到自己個仔間間都收咁....最討厭 )

加油加油~

mademoiselle

小朋友有壓力，我覺得係源自父母！只阿囡報N班時，冇1間收佢起，我已經完全感覺到，咁細個就要經歷高高低低，其實都幾可悲！我都只希望啲囝囡有個快樂咁成長，做父母嘅做到幾多就幾多，無論佢哋會變成點，我哋都係會咁愛自己啲囝囡。

希望各位做父母，遇到差嘅，唔好氣餒，遇到好嘅，要好好珍惜！

加油呀！support~~~

d-ma

very touching passage, thanks for sharing!!! Childhood period is very short and pass fast. I think 0-6 years is a very important stage for the grow up of a kid, it may affect the whole life if it is not positively treated.  So, let's enjoy the times with your lovely baby.

vic6

樓主及以上咁多父母的post,好多都好有意思,好感動.

其實,正因為我們愛惕囝囡,所以先會為他們諗更多更多......將來,但有時,我們認為最好的,未必是他們最喜悅和合適的. 所以我地要relax,比多d空間小朋友,使佢地有個快樂的人生(童年)是最重要的. 正能量好重要, 大家加油!

Toffeenut

呢篇文章寫得太感人, 我都想喊了... 可能因為我太愛我的孩子了吧...

nicolandavy

睇完一些火爆的對話後, 好想推返自己既感想出黎.

再加一篇在FB睇到的文章...

http://www.facebook.com/?ref=hom ... 36&id=679773279

唔知你地去唔去到呢條link. anyways, 我們做父母的, 應該好好地於"孩子的快樂童年"及"父母對孩子的期望"間取得平衡, 要記得, 孩子的童年, 只有一個. 不要親手毀了它...

MASAYA

原帖由 boat8 於 10-12-1 22:36 發表
個人睇法，一定有，講真我帶我囝去in，我都會望吓個老師合唔合眼緣，雖然係人揀我，不過我都會望吓順唔順眼，諗吓萬一收咗我囝，佢讀得開唔開心。
...

因為合眼緣這些感覺不會筆記下來，幾千人過後還會記得誰合眼緣嗎？
如果靠相片...相片跟真人的感覺可以很不同 @@a

boat8

個人睇法，一定有，講真我帶我囝去in，我都會望吓個老師合唔合眼緣，雖然係人揀我，不過我都會望吓順唔順眼，諗吓萬一收咗我囝，佢讀得開唔開心。

原帖由 MASAYA 於 10-12-1 13:44 發表


眼緣有關係嗎？ @@a
幾千個小孩每人見數分鐘，我以為只有合符老師手上的問題越多越有機會取錄
不是質疑，只是好奇一問

fishballbaby

睇到依D咁正能量既POST真係開心，這些才是BK應有的和諧氣氛，較早前實在太多針鋒相對既POST，惡意踐踏別人，甚至在鬧交咁，希望隨住遊戲的完結，這兒變會一個平靜、互相鼓勵大家的和諧社區。

原帖由 DammiMa 於 10-12-1 18:17 發表
Agree ~ Don't give up !!

DammiMa

Agree ~ Don't give up !!

原帖由 nicolandavy 於 10-12-1 06:48 發表
給各位bk父母,

相信最近好多幼稚園已公佈面試結果，收到取錄信的當然會開心到彈起，但只有waiting或已被rejected 的，請冷靜和别氣餒，因為我們身邊的這位兩歲人仔，一定感覺到父母發出的負能量的！

在埋怨自己或小朋友當日表 ...

erniec

我都係第一次聽有bk媽咪會give up St. Cat AM offer咋，你真係好為小朋友著想，好難得。我自己去報d heat學校唔多唔少係有d群眾壓力(我都係報左2、3間咋)，見個個媽咪都咁緊張，自己唔做d野好似對阿囝唔公平，咁咪俾佢試下，亦當一次經驗，真係有好多體會。我自問唔算有一個快樂童年，阿媽果d好舊既家長式教法，所以我一定要讓阿囝快樂地成長

ltangm

原帖由 nicolandavy 於 10-12-1 14:23 發表
多謝各位的認同！希望我的分享能令因面試結果未如理想的家長們釋懷! Enjoy every moment of life! Don't be too resulted oriented. Relax~~

yes, enjoy the every moment with our kids.

ltangm

原帖由 nicolandavy 於 10-12-1 06:48 發表
給各位bk父母,

相信最近好多幼稚園已公佈面試結果，收到取錄信的當然會開心到彈起，但只有waiting或已被rejected 的，請冷靜和别氣餒，因為我們身邊的這位兩歲人仔，一定感覺到父母發出的負能量的！

在埋怨自己或小朋友當日表 ...

totally agree.
my son got rejected for both KGs.
i will run the life long journey with son.
all parents - add oil.