根德園面試黑面東茹教職員超過份!!!!!!!!!

CHERRYJUMP

今朝一早面試,無乜人,大約只有五,六位小朋友,唔洗排隊,但要從校車與校車中間穿過才進入到個小空地,問個工友叔叔指示入課室,不過好快就入去IN啦,坐定定玩小積木,我地IN時氣氛好好但見到係面個小朋友都坐係度,有A老師有B老師(B老師超黑面有仇個隻),突然小朋友好似怕左個B老師咁,一路閃出個課室門口,一路大叫爸爸,連門口有幾位好心老師都幫手請佢返入課室,年青D的A老師好好心咁叫返個小朋友,但另一個東茹頭B老師(估佢身份應該大D),見個小朋友咁,佢就一手拎佢地份FROM好串好無禮貌好大聲咁話:佢IN唔到啦!出去啦!..............A老師 & 門口的老師們當時靜晒..她們眼神交流左一陣.."囧"個家長同個小朋友就出左去啦..!!整個過程唔夠二十秒.....只係二十秒!!我地都無WARMUP....
我覺得好過份囉!!
B老師唔高興都唔應該咁樣講嘛!!
我地又IN緊...小朋友識聽嫁!!
真係極之無修養!!
我親眼睇到都FEEL到有少少可怕!!何況是兩歲人仔...
入到都要諗過先.....都唔係為孩子著想...
其實大可以B老師唔出聲...IN完米算囉....點解要係D小朋友面前咁講野呢?好覺得都幾心痛...如果小朋友聽得明!!
請問大家對呢間有乜評價?
我眼見的只是個別老師的態度惡劣....我完全...我諗是整個教育介都唔可以接受的一句說話....

CHERRYJUMP

而家係你侮辱人家囉!!............"冬X頭"

恩林

我覺得如果有小朋友喊, 或者失控, 老師都應該請小朋友同家長出去, 因為會影響其他小朋友的表現, eg, 一個小朋友跑, 必定有其他小朋友跟住跑, d個時間家長又要係老師面前contral個小朋友, 但又唔可以鬧佢, 咁真係好難做...

另外, 失控/喊的小朋友的家長, 喺其他家長面前都會比較焦急, 想小朋友立即收聲, 往往會真情流露, 反而會俾老師一個唔好的印象, 所以離場未必唔係好事~~!!

iluvchun

我係過路, 我覺得要做幼稚園教師, 係應該真心鍾意小朋友同埋有無限耐性.  我交得個小朋友俾間學校, 我希望佢開開心心咁過童年.  學野係可以開開心心咁學


我既工作係經常要接觸客人, 無論d客幾咁無理, 我都唔可以當住佢面表現不滿.  有d客甚至唔肯俾錢但迫我出貨, 我都仲要好有耐性地向佢解釋


去得interview既都只係兩三歲既小朋友, 怕醜/坐唔定都係好正常.  kv要收d坐定定聽話既小朋友, 佢可以in完慢慢揀, 但唔需要當住小朋友/家長面前講出一d傷害性既說話

ericwwl

世上總有事，有人喜歡，有人不喜歡。來這個討論區的人，相信都是有兒女，而且都是有兒女適齡入讀幼稚園，我自己都是。
我同情樓主遭遇，亦明白你感受。趁今次更加要主動及正面向子女分析，活動教學。
我同意很多人回覆，我係70後，今天各級學校之情況是我們香港人自己做成。由幼稚園開始到中學，什麼都要比較，學校名氣、子女技能、放假去那旅行..... Showoff 比各人知，以致長大後同我們一樣。
凡事應促導他們易地而處，每個有人出現的地方都會有好人和惡人，應否以貌取人?凡事都投訴，社會會和諧?
學校提供知識和活動，作為父母都應該盡力去協調學校，不要將責任全歸學校。

[ 本帖最後由 ericwwl 於 10-11-30 12:51 編輯 ]

恩林

我想講少少心聲, 雖然我兩個仔都冇in過kv, 但咁多年in幼稚園經驗, 越四萬咁嘅口個d老師, 個間學校就越滿足唔到小朋友學習嘅需求.....
越黑面個d, 係越有經驗....

早幾年in 民生同培正, 老師雖冇上述個果東姑頭老師咁, 但亦唔會四萬咁嘅口, 一眼睇得出好有經驗, handle d小朋友好好....

當日我仔仔in 咁多間學校, 如果我因為覺得黑面而唔入dd學校讀書, 今日我就一定後悔....

老師的教學是重要, 但大方向都係睇學校的教學做法......

[ 本帖最後由 恩林 於 10-11-29 23:09 編輯 ]

boboT

我諗 interview 係去蕪存菁嘅活動. 大家覺得 kv 唔好就唔好讀喇. 留返比我隻 B 讀啦.

Winnietao

好認同mclook既講法, 不過有時interview 都好講運氣, 如果in你既小朋友果個老師係一個較為資深既老師, 佢會識带领和引導小朋友去答問題,同埋從小朋友既反應, 會觀察知道小朋友叻唔叻...係咪聽教既小朋友等等.. 但係如果遇到一個經驗較淺既老師就.... 有好多野唔係自己可以control 到, 不過作為父母, 好明白樓主既感受, 因為唔係自已小朋友唔得,就算唔得,老師都唔應該有咁既態度

mclook

我是一位老師.. 也是小朋友的媽媽..易地而處,我明白若果我像樓主一樣在interview時看見這種情況, 我也會覺得很不安.. 這是很自然而又完全沒有不妥的情感表達, 看見樓主的post, 我反而會引以為鑑.. 當學校需要我去幫手interview時, 我也要警惕自己要有禮貌有耐性, 因為老師是代表學校的.. 若果老師也不可以表現應有的禮貌, 哪如何說服別人她能教好學生呢.. 不過我也相信這只是個別情況..

原帖由 dolphinmama 於 10-11-29 01:46 發表
每位家長都是"家長"的角度去看這件事,而我,是以"老師"的身份看這件事,要是家長們沒有從事過這個職業,很難理解的......現在的我不再是什麼老師了,做了師奶,但我仍然記得自己過去的職業,要教好學生已不容易,現在的社會 ...

美人魚LX

“東茹頭”？？？
系唔系話“冬菇頭”呀？

就算人地不好，不理咩都好，都不應該侮辱人地形象吧!

mokstick

原帖由 pumpumpurin 於 10-11-28 11:30 發表
你有冇事呀...家長帶d小朋友去interview就要聽佢地講d咁既說話呀???
你呢d係乜野道理..

路過....其實大家討論下姐,5洗咁勞氣....(不喜物插)

dolphinmama

每位家長都是"家長"的角度去看這件事,而我,是以"老師"的身份看這件事,要是家長們沒有從事過這個職業,很難理解的......現在的我不再是什麼老師了,做了師奶,但我仍然記得自己過去的職業,要教好學生已不容易,現在的社會,更加鮮見會"尊師重道"的人,因為我們受了"人工"就要服務好孩子及其父母吧!
各位,我知道我再為任何學校任何老師說"好話"只會換來"狂插"了,所以仍舊是那一句"不喜勿插"!

原帖由 pumpumpurin 於 10-11-28 11:30 發表
你有冇事呀...家長帶d小朋友去interview就要聽佢地講d咁既說話呀???
你呢d係乜野道理..

pumpumpurin

你有冇事呀...家長帶d小朋友去interview就要聽佢地講d咁既說話呀???
你呢d係乜野道理..

原帖由 dolphinmama 於 10-11-21 01:36 發表
何解大家只覺得是老師的錯!?其實今天有得in的小朋友,如所知沒錯,應該是2nd機會,照咁睇學校原本今日係可以不需接待各位的,那麼已經俾足機會而孩子仍然不合作,大家又叫老師情何以堪!?

沒錯,那位老師大聲了嚇到各位的 ...

ngmyan

YES YES YES

原帖由 Syim 於 10-11-23 10:31 發表
其實睇你好唔好彩…

CHERRYJUMP

同意:) :) :) :) :) :) :) :)

原帖由 milkybb 於 10-11-23 09:08 發表
其實我覺得去幼稚園interview，正好給你了解學校是否你杯茶，我相信每一個家長都有自己的喜好。
我係kv面試期間，也是遇上一個很串﹑很cool的老師，每次答完佢問題，佢的反應都係好cool，又或者說＂係咁啦＂但另一位老師問我個囝那位，就 ...

milkybb

其實我覺得去幼稚園interview，正好給你了解學校是否你杯茶，我相信每一個家長都有自己的喜好。
我係kv面試期間，也是遇上一個很串﹑很cool的老師，每次答完佢問題，佢的反應都係好cool，又或者說＂係咁啦＂但另一位老師問我個囝那位，就很有愛心引導佢答問題，我想可能是專登試埋家長既EQ，所以都好盡力當無睇到那位老師的無禮態度。當然面試後，我都有考慮過若果有幸KV收了囝囝，是否給他入讀。原因唔係在於只遇上一位態度比較無咁好既老師，而係囝囝比較活潑，可能活動教學較適合他，而且學校好似唔多活動設施。。。。。。等等的考慮，所以我認為無需要為一位老師而動氣，我相信每一間學校總會有這類老師的存在～

susannah

原帖由 zoesychan 於 10-11-22 21:48 發表
KV 係要求小朋友自律, 因佢地係大班教學, 佢地係唔會PREFER果D 易喊, 坐唔定既小朋友 ..

同埋果老師都只係講話個小朋友IN唔到姐 .. 無鬧佢無盛 ...

Agree!

zoesychan

KV 係要求小朋友自律, 因佢地係大班教學, 佢地係唔會PREFER果D 易喊, 坐唔定既小朋友 ..

同埋果老師都只係講話個小朋友IN唔到姐 .. 無鬧佢無盛 ...