不用練音階?

lillymarie

今日和阿仔的琴老師傾計, 佢話有位音樂大師話: 學生不應該練習音階, 因為音階不是音樂. 你們有無聽人咁講過?
我問老師, 你認同這說法嗎? 他說yes.
究竟音階練習是誰寫的呢? 以前的人有無練音階的呢?

bebebe12345

能夠沉迷這些基礎練習,相信絕對不多,而且少之又少!
記得APA Diploma第一年,有一個獎項是給彈音階最好的一位學生。
不是只有鋼琴要練音階.....

ada1812

我以前也問過囡囡的長笛老師同一問題,他告訴我:任何音樂都由音階構成,綀好音階,即是打好基本功,好似練功夫扎紮碼一樣,看似無謂,但好有用,例如好似一首歌是A調,如果練熟A調音階,記得邊D音要#b,吹起首歌都熟D

不過佢又話,有好多人本末倒置,只沉迷這些基礎練習,忘記演奏音樂的意義,所以有首野叫動物狂歡節,當中有段係諷刺呢D鋼琴家咁話

heiheicheung01

LM:loveliness:

elviscandy

睇下為左乜
如果為考試, 的確練習曲, 音階唔洗練, 一樣可考八級 (當然考試前要谷一谷d 音階)

為真係學倒野既, 呢兩樣當然唔少得

soundsgood

其實我個人認為練/唔練都好睇你想小朋友係做到世人眼中「識」琴定係由佢自由發展，點去探索鋼琴、享受音樂姐。

只可以咁講，練既話，理論上對考琴佢唔會有咩困難囉。

miffyjoyz

想回應第一點，好的音樂往往技術只佔1/3，這並不是不需要技術，可能佢果1/3技術已經超越了大部份人一生苦練了

我認為在談感情前一定要有技術先，先唔好講咁複雜，如果彈琴嘅人為左講feel，而將樂譜上的拍子亂彈一番，時快時慢，1拍當2拍彈轉頭又勁失控地快，咁佢係咪彈緊譜上面嘅音樂呢？我只會認為佢彈緊一堆音符而已！

我以前練琴老師一定要我跟拍子機，但有d人話唔洗跟，因為跟拍子機反而數唔到拍子咁啵，咁如果佢跟唔到拍子機咪即係佢數拍子唔準囉，彈出嚟d野係亂晒架！拍子唔準彈出嚟d野會散晒無晒張力！而我每次考琴試歌曲部份分數都係超高的，拍子機幫我真係好多！

音階當然係練習基本功的途徑之一，但係咪代表唔練音階就無法練得出一手好琴？我相信莫札特應該無乜點練過音階囉！

與其為左練音階而沒殺左興趣，我寧可俾小朋友快樂地學音樂，有好多練習曲都可以練到音階，甚至比練音階的效果仲好，當然都係要花時間同下苦功，要練到好熟好快拍子準先達到效果！

音階<~~~只係考試時考官的評估項目之一而已！

當然有人認為練音階可以練到各音階的sharp/flat擺位，但我覺得對古典音樂的幫助唔大，除非係玩流行音樂，但我估流行音樂都係練chord多d！

原帖由 suveve 於 10-11-22 13:40 發表
mouth:" /> 對於以上有些回覆實在不能認同。。。

1 例如有技巧才能談感情……

==>在音樂演奏裏好的音樂往往技術只佔1/3或者更少（馬友友講既，我亦很同意），好聽不等於好勁，一個有天份的小朋友當然不是通過8個小時的練習演奏 ...

ccling69

基本上無一定或不一定要彈scale, 如果可以接受到比較機械式的訓練, 練都無妨, 條條大路通羅馬. 而且考琴必考, 平時練過,考試唔駛咁谷.

個個人都唔同, 都無話彈或拉過邊幾本書就一定有成就, 我都唔練scale, 練歌多d, 都考到Trinity Piano PC, 係少d人識不過又唔係搵食無緊要, 人生苦短, 有咁多精彩的歌, 有時間不如彈d喜歡的. 咁前題梗係要有基本功, practice時間夠先咁講.

彈琴嘅感情要浸, 唔係技巧咁簡單, 要聽好多唔同嘅演奏家先慢慢領會. 人長大情感成熟, 自然會表達到唔同嘅感情層次, 出色的演奏家要睇好多聽好多先有可能做到, 點樣彈到感動人心嘅歌.

小朋友最緊要興趣志上, 他/她喜歡就會去做, 彈琴如果體會唔到音樂的樂趣好似浪費緊時間. 不如去做d喜歡嘅事啦

有空可以睇下本書:

黑白溢彩：荷洛維茲的藝術

相信如果學琴嘅會有更多領會

miss321

我也是"堅持學生要練音階"的，憑經驗，肯練音階的學生技巧較好。

音樂人長老

很多古典樂曲的作曲基礎其實係運用音階(scales)及和弦(chords)，兩者的指法有一定模式，練習係要學生熟習指法再套用在彈奏樂曲上，想視譜快呢個係重點之一，所以考試必考音階及和弦。

siutam

音階係必須既, 因為咁想可以訓練佢既手指(同埋好似做熱身咁), 仲可以練埋音準

wbmom

我個仔初初都係鍾意練習曲多些，因為淺（前期）果些練習曲唔需要點數拍子，多數4個音4個音，又冇乜感情，如個睇譜快和音準好，就好易掌握，但後面果些練習曲係好難拉得好，佢而家就冇咁鍾意喇！

音階方面，我地個老師都係好重視，因始終考級試都要考。

petunia

音階=基本功，是一種盲目的追求。

其實，很多作曲家作了很多練習曲，能同時練音樂感及基本功的。

只是...要識用果d書，就更加要一個更好的老師。因為有更多的老師只知道有果d書，但係本書想練d咩，佢地其實唔知。

lillymarie

原帖由 beetle 於 10-11-22 14:24 發表
suveve, 多謝妳的指正。我只是普通人家長一名，什麼也不懂。我的女兒也沒有什麼天份，所以只好枯燥的練技巧，幸好她們沒有怨言，否則我做了罪人。

練基本功好呀! 今天囝囝才對我說他喜歡練習曲多過樂曲. more fun. 我答他: 那好呀, 下次上課我替你向老師反映.
我覺得兩邊理論都有道理, 就好像讀書學語文究竟要多做補充? 還是多閱讀? 真是討論一世都未有結論.
囝囝目前只看小提琴似玩具, 說小提琴很好玩, 可以這樣, 可以那樣. 老師對他說音樂, 可能是高深了些許, 哈哈! 小朋友很簡單, 捨難取易, 最緊要好玩.

poem4

仔仔也很懶練音階，以前很多老師也沒教，直到要考級時先去學去練。

而加的老師也沒有特別吩咐他去練，或許是認為這是理所當然，認為他自己會去練，沒想到他竟沒去練？

不過，我經常會叫佢在彈琴前至少練十五分鐘scales或hanon，十分鐘都好，讓手指可以靈活一點，但大多數時候，他還是不太願意練，說歌仔入面都有很多地方讓他「靈活」手指。