KV/SC面試後反思

hin0802

我仔仔係0802，平日屋企有train開，中英相管齊下，翻nursery都好多野講，之前希望kv同sc面試可可順順利利。

點知星期五11:00 in KV，又落雨又排隊，居然可以影響禁大，可以令仔仔完全唔出聲，係感話要番屋企。反觀有個媽咪，可以準備晒麵包小食，飲品玩具，有手機video又有故事書，睇見人地個仔等左成個鐘都仍然唔扭計，醒目聽話，真係好唔開心。我唔知道人地in 成點，不過表現一定比仔仔好。如果唔係睇到有準備既家長可以感應變，我實會埋怨間學校安排得唔好，又或者運氣唔好，遇著落雨，其實係自已準備不足。

尋日星期一 9:00 in SC，天氣好左好多，唔洗點排隊，又學識準備乾糧故事書，信心大左好多。點知都係唔出聲，net問極都唔肯講自已咩名幾多歲，雖然 warm up之後，配對同macaroni都做得好好，不過開頭唔肯出聲就一定certified。反觀又有個嗲的，全程同個女用英文問周圍既事物，一要排隊就叫個女同d老師講 good morning 傾下計，又叫個女同一齊排隊等既小朋友 say hello ，就連坐佢地隔離一齊 in 既女仔都 warm up埋，笑住握手。結果我睇到佢地去 net 度既時候已經輕鬆晒，自已就只係識俾本書仔仔睇。

今個 weekend 所見所聞，令我領略左好多野。機會係留俾有準備既人，哩句話一d都冇錯。成日聽到 d 人話學校其實係 in 家長，其實係真，不過唔係睇家長背景，而係睇家長識唔識準備仔女。平時教仔仔幾多野都冇用，臨場發揮唔到都係死，要賴學校賴天氣，不如賴自已冇把握機會，在好多人發揮唔到既時候令仔仔更特出。我作為媽咪最應該努力做既係為仔仔 keep 住個狀態去 interview，今次係自已比其他家長做少左野，係自已準備不足，累左個仔，好唔開心。

所以想講出黎同各位分享下，希望各位媽都繼續努力！我應承仔仔，下次媽咪會努力，做得更好！

ho_yan2406

原帖由 luiflora 於 10-11-9 21:13 發表


錯!!我朋友就星期一IN,佢話成8千人,呵呵~~不理幾多千,不理成功OR失敗,因為年年都是機會,唔比我地今年入不到SC OR KV,而下年考入CCKG架???即使入不到CCKG,唔比我地小學考入男女拔架???不出名學校100%等於不叻人咩?? ...

佢個小朋友同我個仔一樣喎,我仔in sc時又係一粒聲都唔出,事後我問佢點解唔答問題呀?明明in前都同我講話會答問題架...
佢話眼訓..
我問:鐘唔鐘意間sch呀?佢話唔鐘意....

不過sc係佢第2間in既學校,之後in o個d佢都好好表現,第一間in都warm up一陣先開口講野~
不過佢in成點我都冇罵佢,一黎佢仲咁細,二黎我知佢係要warm up先同陌生人講野既小朋友黎,我預左佢唔出聲架喇~:

BBMUM88

Thanks for sharing !

siulili

其實有好多人係要兩個學位架，雖然我唔明白亦唔讚同，但事實如此，無奈！  好彩我對仔女都唔使再同人掙KG學位，而小學我估都無乜人可以霸到兩個學位。

原帖由 rainy0429 於 10-11-12 01:59 發表
樓主真正面,好抵讚!!

引用響小一嗰邊一個好媽媽嘅名言"每人只需要一個學位",
一日未公佈都未知結果,即使公佈左亦可以寄信叩門,即使開左學都仲夠膽死有人放位...再唔係k2實有人轉去CCKG,插班都仲得!! 路唔 ...

ew911

KV interview 有什麼要留意。Thanks!

YimhYimh

小朋友都是太小。很難說。

sufejoy

Up to now this year, my son has attended 3 interviews , St. Catherine, KV and Creative Primary's KG. When it went to the 3rd one, he is more relaxed and also willing to answer most questions. I guess kid also needs time to get used to the interview process and response to strangers.

Those kids are still so young and have a life long time to study, therefore, as a parent, don't give too much pressure to yourself (actually your kid really can feel your pressure), the most important thing is that you tried, that's enough!

Never forget, parents are their first and best teacher!

Jora

I think no matter how the kid perform, we as parents should praise them for their effort to sit for such boring and meaningless (to them) event.

For me, the interview at KV was really chaotic, coz the teacher who responsible to ask my gal question, was in such a bad attitude, even I dun wanna answer her questions, not to mention my daughter.

There're always uncontrollable situations in the interiews, just relax and praise the effort our kids made, help them feeling happy to be themselves is the single most important thing parents can do.

let's add oil together!

rainy0429

樓主真正面,好抵讚!!

引用響小一嗰邊一個好媽媽嘅名言"每人只需要一個學位",
一日未公佈都未知結果,即使公佈左亦可以寄信叩門,即使開左學都仲夠膽死有人放位...再唔係k2實有人轉去CCKG,插班都仲得!! 路唔止一條架!!

我都響小一嗰邊搏鬥緊,見你咁好發放正能量,忍唔住入嚟鼓勵吓你!!如果需要資料,可揾我哋呢D過來人傾吓丫~~

祝你小朋友入到最適合佢嘅好學校!!!

giraffezebra

完全同意

原帖由 hin0802 於 10-11-9 13:16 發表
我仔仔係0802，平日屋企有train開，中英相管齊下，翻nursery都好多野講，之前希望kv同sc面試可可順順利利。

點知星期五11:00 in KV，又落雨又排隊，居然可以影響禁大，可以令仔仔完全唔出聲，係感話要番屋企。反觀有個媽咪，可以準備 ...

彤彤Mum

很欣賞及同意樓主的想法。我囝囝都係那兩日下雨天去SC/KV interview嘅，我自問都準備得唔好。嚟緊仲有其他interview，真係要向其他家長學習學習。大家要加油，但都要懂得放鬆心情。

joyjoy815

原帖由 hin0802 於 10-11-10 18:41 發表
好多謝禁多位媽咪既鼓勵，寫得出黎其實心情已經平服左，宜家冇唔開心。過左去就算，已經諗通左，唔會過份自責，只係覺得有少少可惜。

可能因為 interview 既壓力太大，自已適應唔到。當時個種煩悶、焦急、奮怒、絕望、孤獨無助 ...

真係好好既分享...與其去埋怨天氣, 投訢學校, 不如諗D正面野..

我地想小朋友成長就係想佢培養良好既品格, 希望佢地遇到失敗既時候識面對, 勤奮有毅力， 樂觀, 謙遜, 有困難時化悲憤為力量, 如果我地係 interview 不如意時都不能正面面對, 我如何可以樹立好榜樣, 身體力行, 要仔女做到積極面對, 勇往直前, 我呢個做呀媽就要收拾心情, 努力從失敗去學習

好多人說..臝在起步點...但人生係一個個程...呢D都係我有小朋友之後先識慢慢學習....

"感激"樓主既分享...總好過一面倒怨學校安排, 嘆自己不夠運...雖然呢個遊戲根本就係8分努力得番3分成果要加番7分運氣先成功..但我就係要為左個3分成果而努力...如果唔係..就算我有運行個次...我都會欠左個3分...

p.s...見樓主既小朋友係大b..接近 age 3 其實可以開始試"因果關係＂ .我自己就試緊話俾呀女聽.."如果人地問你野..你答人..就係一個有禮貌既小朋人".開始將一D簡單既 value 解釋佢地聽 -＞　 why 要答人野...總好過"操作式"回答..唔明我地硬要佢答Ｄ咁Ｄ咁顯淺既 "姓名 / age / 男女＂問題..希望用唔同方法教識佢地係"任何場合"開金口...世界上無必勝既教仔方法..但我願意試唔同既方法。。。

qqqbaby

So touching! Thanks for sharing!

Angine

Dear hin0802,

I must say that your son is indeed a smart kid from the way he answered you! And you are a great person. Don't be upset and worried, I really believe your son will do fine.

Step back, not able to get offer from St Cat really does not mean much. There are many great kinder besides St Cat.

Good luck in the coming interviews! Add oil!

原帖由 hin0802 於 10-11-10 18:41 發表
好多謝禁多位媽咪既鼓勵，寫得出黎其實心情已經平服左，宜家冇唔開心。過左去就算，已經諗通左，唔會過份自責，只係覺得有少少可惜。

可能因為 interview 既壓力太大，自已適應唔到。當時個種煩悶、焦急、奮怒、絕望、孤獨無助 ...

qqbabe

原帖由 hin0802 於 10-11-10 18:41 發表
媽： 你係唔係唔鍾意媽咪日日都問你咩名幾多歲？
仔： 唔鍾意

我一個面試都未開始, 已經問到個女擰歪面加嘆氣(係佢對我嘆氣), 我都唔敢再問喇~

hin0802

好多謝禁多位媽咪既鼓勵，寫得出黎其實心情已經平服左，宜家冇唔開心。過左去就算，已經諗通左，唔會過份自責，只係覺得有少少可惜。

可能因為 interview 既壓力太大，自已適應唔到。當時個種煩悶、焦急、奮怒、絕望、孤獨無助、同過住努力一瞬間冇晒既感覺好難形容，翻到屋企，真係忍唔住 d 眼淚。最唔開心係因為仔仔只係得兩歲幾，我知佢已經盡晒力，冇盡力既原來係我。好彩當我情緒混亂既時候，我一句都冇鬧過仔仔，如果唔係，我會後悔一世。

星期一晚，睇開左好多，坐低諗翻成個 weekend 所發生既事，又諗翻個種無助同內疚既心情，好難受，我唔想有其他媽咪好似我感，所以我就將我見到既野分享出黎，一來可以令自已舒服 d ，二來希望幫到其他人，可以一齊輕鬆 d面對下一次 interview。

多位媽咪都安慰我，話我係個好媽咪，不過我自已知道，我只係一個好愛仔仔既普通媽咪。面試裡面，見到有 d 家長真係好叻，我唔係好似其他媽咪講得禁懂客觀分析，或者懂得欣賞別人，我當時只係覺得如果我唔學習成功家長既處事方法，我仔仔好難同佢地既仔女繼續 in 落去。經過KV/SC面試，好似有位媽咪話齋，俾左$60報名費真係得益不少，雖然有d酸酸地既感覺，心裡面其實真係心服口服，又借另一位媽咪既一句，一山還有一山高。我會向佢地好好學習。

最後，有位媽咪提我每日問仔仔一次咩名幾多歲會令仔仔唔肯再答，我用我尋晚同仔仔既對話黎多謝你：

媽： 你係唔係唔鍾意媽咪日日都問你咩名幾多歲？
仔： 唔鍾意
媽： 如果媽咪以後唔再問你，你可唔可以答老師你咩名幾多歲？
仔： 可以

原來做個好媽咪就係感開始。

sadsam

請問這所學校既學費多少錢呀？

原帖由 MaryBrown 於 10-11-10 11:11 發表
我 一定不揀 KV 和 SC。 In 它們只是要親身體驗:
學校好舊， 又多潛建物， 老師 in 到 好麻木。
最好只是它的名氣， 和 便宜的學費。 比較滿意是 York， 我 in
了 York, 它的新址靚到好像大學一樣。
我亦 in 了 另一間國 ...

BeeBee11

唔好比咁大壓力自己，輕鬆面對。我大仔係SC畢業生，嗰時去IN,我完全冇壓力，唔收咪讀返本來PN嗰間。

知道邊到做得不足，做番好，就問心無愧啦！

我嗰細女早前IN K1，我地因交通問題遲咗D(冇早15mins到)，令到嗰女表現麻麻(好彩都收咗)，所以之後D Interview係控制時間方面，要做好D。

大家努力，加油！！！

原帖由 hin0802 於 10-11-9 13:16 發表
我仔仔係0802，平日屋企有train開，中英相管齊下，翻nursery都好多野講，之前希望kv同sc面試可可順順利利。

點知星期五11:00 in KV，又落雨又排隊，居然可以影響禁大，可以令仔仔完全唔出聲，係感話要番屋企。反觀有個媽咪，可以準備 ...

靚媽媽店

oh really! May I know the name of that "Disney" International school? I would like to have a look too...

原帖由 MaryBrown 於 10-11-10 11:11 發表
我 一定不揀 KV 和 SC。 In 它們只是要親身體驗:
學校好舊， 又多潛建物， 老師 in 到 好麻木。
最好只是它的名氣， 和 便宜的學費。 比較滿意是 York， 我 in
了 York, 它的新址靚到好像大學一樣。
我亦 in 了 另一間國 ...