應該點先幫到阿仔?!

samantha_yuen

大家好, 由仔仔1歲時, 我都已經發覺佢唔多應人, 私家醫生見我咁擔心, 就寫信比我去大口環到排期, 9月24日FAX封信去, 好意外11月2日可以見醫生評估! 我仔仔而家足16個月, 問題如下:
1. 75%唔應人, 係屋企都好D, 出到街, 6親不認!
2. 教極都唔BYEBYE...
3. 唔會指野..
4. 簡單既指令唔會做....連比比都唔會.
5. 聽到哭叫, 佢又會哭叫..
6. 去到公園, 全無意識去同人玩...當其他人唔存在(但係屋企有時會同家姐玩)

而家大口環醫生只話佢疑似自傾, 出年5月再做一次評估! 亦都有中段作跟進, 比D小組活動及講座我, 亦安排社工見我.

想問邊求有D社交PLAYGROUP?!

BeBe媽媽

我好鐘意呢句"16個月大既 PG，係俾班大人們去社交的！"....HAHA

someoneelse

16個月大既 PG，係俾班大人們去社交的！

我贊成如果經濟許可下，先搵幼兒導師教下野先....因為樓主囝囝唔只係社交有問題...似乎連基本本能反應都唔夠好...

當然，一路上堂，一路俾小朋友去PG都可以上令整體學習效果相輔相成！

anan3388

當年我仔 18個月大時我都諗住找社交 playgroup, 但找不到, 參加左一個語言既, 佢坐低都唔得, 一直喊, 所以後來都 quit 左.

好在之後找到到個英文 playgroup 可以自由行下, 然後再一齊 group 唱遊, 再又自由畫下野, 叫 babXbuddies, 我覺得幫左佢第一步

不過, 始終我覺得咁細個社交班都係未好 join 到, 或者做左幼兒導師訓練先.  同埋去找職業治療師做住感統治療先都好, 又或感統小組都可以試試既

佢排緊服務未呀? 若你經濟許可, 找私人機構(能做轉介的)做左評估, 排住政府服務先啦, 條隊真係好長, 唔早 d 排真係2年都未必入到的呀

[ 本帖最後由 anan3388 於 10-12-24 22:01 編輯 ]

Choimk

原帖由 samantha_yuen 於 10-11-4 15:43 發表
大家好, 由仔仔1歲時, 我都已經發覺佢唔多應人, 私家醫生見我咁擔心, 就寫信比我去大口環到排期, 9月24日FAX封信去, 好意外11月2日可以見醫生評估! 我仔仔而家足16個月, 問題如下:
1. 75%唔應人, 係屋企都好D, 出到 ...

試試盡量增加佢同人溝通的需要和意慾，唔好咩都幫佢準備好，要作表示只俾佢（開頭要引導下佢表示嘅方法，如指，搖頭）。
唔應你，就走堆去叫及拍佢，確保佢知道和專注你的聲音。
多跟他玩，介紹不同的玩具給他試試。
多帶他外出，如沙灘，郊外行山。
如果經濟許可，找些個別訓練（如言語治療，特殊幼師，職業治療師）

dolphinmama

唔好太緊張,首先,你是否全職湊佢?他現在16個月了,你有帶他上過playgroup嗎?
坦白講,要是全職湊,但又不太懂得跟他玩,不知不覺地孩子真的會呆呆的不知做什麼好,所以,我極主張全職湊的媽媽,既然有時間,就找點playgroup給孩子,不單是讓孩子有個社交機會,最重要是媽媽陪上課時可以參考一下老師是怎樣引導孩子的,這才是最有價值的!!!!!
若你真的想知多一點playgroup的資料,請pm我,因為不可以公開講有關資料(好似賣廣告會被delete的,哈哈)
我就是一名全職媽媽,仔仔26個月大了,從11個月起返playgroup,感恩地他的發展算是不錯!

charisma07

我想你可以search你家附近的協康會，然後打個電話叫佢send d 小組資料給你看(佢地每個中心攪的活動都不同，又不會在網上刊登，所以一定要親自問)。協康會的算很便宜，又多元化。

不過你小朋友只有16個月，2歲前只顧自己玩也很正常，可能到了2歲部份問題已有改善，而且及早培訓可以很有效果。