好後悔

milkonline2

囝囝囡囡考入幼稚園時大部份睇父母背景,考間間幼稚園都收,但見囝囝喺依間幼兒園讀得咁開心所以都無轉去d所謂名校,成日諗住小朋友開心快樂身體健康最重要。但經過依難過的幾個月，我覺得好後悔，好後悔無比囝囝一條龍男校，更加後悔係無俾囡囡讀一條龍女校，當時連校服都做埋學費都交埋了，我個囡仲要細囡，我真係好後悔，2007仲出生率咁高多成二萬幾人出世，兩年後依個遊戲仲難玩，真係諗起都想喊。好後悔......

[ 本帖最後由 milkonline2 於 10-11-2 09:44 編輯 ]

小謙伯伯

原帖由 PNGCC 於 10-11-19 15:54 發表
以往記起有一次有post 大讚英華好,
我記得小謙伯伯彈盡這所學校, 并意思說太約是
邀請小謙讀, 都不會讀的言語.
估不到你眼中的天才小謙也投考這所學校嗎??!!
費解!!

我在網上寫的很少，所以每篇都記得，也容易查到。閣下說的應該是我回應標題《睇完尋晚既[鏗鏘集]，大家對英華有無改觀？》的留言。那篇留言全文如下：

都說 Don't argue with success. 如果市場上有咁多人buy, 必然有他的客路，所以無謂吹縐一池春水。

但看完節目，於我心有戚戚然。

我想不喜歡開派對，不喜歡狄士尼的孩子，在英華林校長這開足六年派對，上至校長教師 ，下至工友叔叔嬸嬸，無時無刻不在角式扮演的地方讀書，簡直是活受罪。

所謂教學理念，不過是圍繞著主事者個人的心障團團轉。

一定要提點謙爸謙媽，無必要湊熱鬧，避之則吉。


上述的留言，我不知是否已到了「彈盡」的地步，但個人對於個別類型校長風格毫不欣賞，是的而且確的，文責當然自負。

然而，我自問很清楚知道自己沒有說出「邀請小謙讀, 都不會讀的言語」的權利。我只是孩子的伯伯，不是他的爸爸，就不知留言中哪字哪句能讓人有這個越俎代庖的誤讀。

一如留言所說，我確實有「提點謙爸謙媽，無必要湊熱鬧，避之則吉」，但說者有發表意見的權利，聽者有不予苟同的權利，還要追究嗎？

bobo_ling

原帖由 Charlotte_mom 於 10-11-19 17:03 發表
呀哈, 我唸起我個女
我女無咩特別長處, 小聰明就有D但又唔係咩特別勁料啦
性格都幾外向FRIENDLY, 我估INTERVIEW都有利掛

講返小一INTERVIEW, 出到黎當然好心急, 又唔想CHALK佢, 於是問佢點呀, 玩左咩, 老師有無讚你 ...

Yeah~~哇ha ha....

bobo_ling

原帖由 PNGCC 於 10-11-19 15:54 發表
以往記起有一次有post 大讚英華好,
我記得小謙伯伯彈盡這所學校, 并意思說太約是
邀請小謙讀, 都不會讀的言語.
估不到你眼中的天才小謙也投考這所學校嗎??!!
費解!!

...

超~~佢打完成編野我都唔多明佢up乜...
又唔似回應樓主, 又唔似回覆他人既留言, 純粹霸個位舒發, 迫我睇佢既日記...

Charlotte_mom

呀哈, 我唸起我個女
我女無咩特別長處, 小聰明就有D但又唔係咩特別勁料啦
性格都幾外向FRIENDLY, 我估INTERVIEW都有利掛

講返小一INTERVIEW, 出到黎當然好心急, 又唔想CHALK佢, 於是問佢點呀, 玩左咩, 老師有無讚你呀
佢話有呀!.......當時大喜, 問, 讚咩呀
個女答"老師讚我玩完D玩具自己執返"

心唸"車............無料到"
點知就入到SECOND IN, 果時唔知競爭咁大, 後來見好多叻過佢都過唔到, 就忍唔住唸, 究竟我女"叻"左D咩, 究竟係咪就憑果一下就"符碌"過關

所以只可以話係"際遇"

原帖由 bobo_ling 於 10-11-13 09:21 PM 發表
其實都係人夾人緣, 講真句當日佢in 九龍塘小學我個仔同我講, 當時齊齊in完離開班房, 有個小朋友行最尾唔閉門, 用眼神示意要我個仔去關, 因為我個仔既性格係好樂於助人, 佢就滿腹自信去關, 第1次關唔到, 再去, 重覆左 ...

PNGCC

以往記起有一次有post 大讚英華好,
我記得小謙伯伯彈盡這所學校, 并意思說太約是
邀請小謙讀, 都不會讀的言語.
估不到你眼中的天才小謙也投考這所學校嗎??!!
費解!!

原帖由 小謙伯伯 於 10-11-14 07:38 發表
小一面試以來不時探問小謙心儀所屬，喜覺小孩子面對成敗得失還勝大人。

九月時問小謙 "想讀邊間小學呀？" 他沒明言，但說想搬往鴨脷洲，又說間銀行都幾靚。

很明顯他在說 SPCC 和 DBS，便進一步問他喜歡男校還是男女校。他說 ...

YimhYimh

德育真的很重要。

小謙伯伯

小一面試以來不時探問小謙心儀所屬，喜覺小孩子面對成敗得失還勝大人。

九月時問小謙 "想讀邊間小學呀？" 他沒明言，但說想搬往鴨脷洲，又說間銀行都幾靚。

很明顯他在說 SPCC 和 DBS，便進一步問他喜歡男校還是男女校。他說 "男女校，但男校都唔錯"，是一般而言還是特指該兩校就沒追問了。

前兩天重又問他的意向，起先還怕觸及他的"痛處" (SPCC 和 DBS 都鎩羽而歸)，但他全沒其事，反而正經八百的說希望入讀英華或陳守仁 (這兩間他已進入 second in 的階段)，十分尊重現實。

"倍僑呢？倍僑點樣呀？"
"倍僑都好。"

"伯伯覺得倍僑最啱你喎，因為可以自己揀書黎讀，其他學校好多都規定你要讀d咩書。"
"學校規定都好呀。"

大概是由於倍僑面試較後，還未有進一步消息，所以小孩子心裡沒往上頭押注吧。

ICbaby

唉~同意呀~  如果間間學校都係咁O既理念就好.

YimhYimh

他很好. 你也教得很好. 小孩子应该以德育行先.

bobo_ling

其實都係人夾人緣, 講真句當日佢in 九龍塘小學我個仔同我講, 當時齊齊in完離開班房, 有個小朋友行最尾唔閉門, 用眼神示意要我個仔去關, 因為我個仔既性格係好樂於助人, 佢就滿腹自信去關, 第1次關唔到, 再去, 重覆左3-4次個老師就話,你唔洗再關門la...你叫咩名ar....(唔知係唔係老師設出黎其中一條題目)....之後我問ar 仔老師問左咩野, 佢話減數, 佢係未學過所以唔識.... 我心諗應該無行, 可能就係佢願意不厭其煩去關這對壞門而加分.....

ICbaby

會唔會父母職業問題?
好可能係你個囝好靚仔??,   如果都唔係....我都唔知喇......

bobo_ling

一od都無.....信不信由你....
佢既數特別差, 加數都未掌握得好好.....

bobo_ling

係ar~~佢係一個好有禮貌, 超禮讓既小朋友....佢成日帶玩具去遊樂場派比人玩, 自己成個大哥哥咁, 但個樣就超bb.....勁好笑的....

nc2000

名幼稚園係咪真係對考小學有關係, 我真係唔知, 但心就想係咪名好過唔名, 就好似令可信其有咁呢?
我正正面對呢個問題, A. 一間有名氣多人爭, B. 一間出名老師有愛心, 輕鬆, 小朋友當然係讀 B 開心, 因為課程以歌唱, 玩樂為主, 但你地會點選呢?

ICbaby

原帖由 bobo_ling 於 10-11-10 19:55 發表

沒有任何證書, 如劍橋starter,聖三一 e d既公開英文考試, 又沒有學鋼琴,游泳等等.....只係上學校既畫班....因為我聽有多家長安排仔女既課外活動好多, 就連劍擊都玩埋, 我個仔就沒有了, 我諗.....我都唔知點解收我個 ...

會唔會你自己平時係屋企谷佢 , 中,英,數, 常 教得佢好好 ?又大膽 所以面試表現好好 ?

traeh

我相信佢仔仔面試表現一定好好，有禮貌夠精靈。事實上，好多名校收生，首要都係睇面試表現。

原帖由 ICbaby 於 10-11-7 16:18 發表
唔好意思, 好奇一間, 你話你囝囝唔係咩名幼稚園, "悲情城市"入面既公屋屋村, 沒有任何證書, (我都覺得唔係重點), 但係你話你囝囝冇任何技能之下收左你囝囝(1間), 2間 2ND IN, 你所指冇(任何技能)係指咩野?, 如果 ...

bobo_ling

原帖由 Almond. 於 10-11-10 23:58 發表
你個仔個樣係咪好討人喜歡？生得靚仔／靚女，一眼就比人吸引到，就算面試時有什麼差錯老師都會原諒佢。

bb樣黎ga....

Almond.

你個仔個樣係咪好討人喜歡？生得靚仔／靚女，一眼就比人吸引到，就算面試時有什麼差錯老師都會原諒佢。

原帖由 bobo_ling 於 10-11-10 19:55 發表

沒有任何證書, 如劍橋starter,聖三一 e d既公開英文考試, 又沒有學鋼琴,游泳等等.....只係上學校既畫班....因為我聽有多家長安排仔女既課外活動好多, 就連劍擊都玩埋, 我個仔就沒有了, 我諗.....我都唔知點解收我個 ...

bobo_ling

原帖由 ICbaby 於 10-11-7 16:18 發表



唔好意思, 好奇一間, 你話你囝囝唔係咩名幼稚園, "悲情城市"入面既公屋屋村, 沒有任何證書, (我都覺得唔係重點), 但係你話你囝囝冇任何技能之下收左你囝囝(1間), 2間 2ND IN, 你所指冇(任何技能)係指咩野?, 如果 ...

沒有任何證書, 如劍橋starter,聖三一 e d既公開英文考試, 又沒有學鋼琴,游泳等等.....只係上學校既畫班....因為我聽有多家長安排仔女既課外活動好多, 就連劍擊都玩埋, 我個仔就沒有了, 我諗.....我都唔知點解收我個仔ar.....