澄清深灣軒啟思同學疏忽照顧

gaworld

本人對一件發生於早前有位女孩因在當時就讀的深灣軒啟思幼稚園嘔吐一事作出更正.事有位家長因女兒身體不適嘔吐而發表了一則主題,而這則主題被很多家長看後而認定啟思疏忽及不理其女兒而打消了很多原來打算給孩子報讀也卻步.本人的朋友在當時得悉事件後直接向啟思當時的園長查詢.本人朋友表示當時那位園長在接到她的查詢後,整間幼稚園的負責主任,管理及老師等馬上相約本人的朋友進行一個會談.原來事件是:當時那女孩在班房發病時,老師馬人送她出去其它位置照顧,並吩咐工作人員及姐姐等幫助女孩換衣服及另外照顧,及後女孩有位契婆在女孩媽媽還未到達前先到達,並接了女孩離去.但行出校門不久女孩再次嘔吐,那位契婆當時即馬上把女孩帶回校園,女孩於校園大門外再一次嘔吐,當時負責的員工包括姐姐便馬上看給照顧,當時那位契婆與姐姐一起為女孩清洗,或許當時契婆也一起來清潔的原故,有關姐姐未有發現女孩襪子未被更換,及後被那位媽媽發現,誤以為幼稚園疏忽.在那一則發表內,好像沒有提及過有位契婆的出現?有位平時照顧女孩的契婆在,又怎會表示當時看見女孩一個座在等,沒有人理會呢?希望那位家長清楚的詳述經過,不要令幼稚園被誤會.在啟思上學的小朋友,每位也表示開心,喜歡上學的.而那位家長的小朋友是否已另覓妥女兒的K1心怡幼稚園而作出那則發表?又問在她女兒上學時候,有發生過其它不滿嗎?那位家長的契婆有沒有把經過全部說清?啟思的理念對小朋友來說不壞,而環境又不錯,為何其他家長不在查清答案而單靠單方面消息來認定事實.本人只不過是對某些事情的單向而向有心的家長提點一下,並無什麼特別.希望各家長對每事先自行求証.不要傷害無辜.

magchui

確實啟思是我一所一向心儀的學校,因為我覺得感覺好,有辦學良心...我仔仔入左其中一間分校,但係因為搬屋問題,臨時要轉出9龍,所以請學校幫忙,因為真係唔忍心睇住岩岩兩歲大就要日日搭個半鐘車,轉4次車先返到學....諗起都怕怕,校長答應會幫我問其他分校,或者校車到屋企既分校,一定會答覆我,當時我冇要求校長對我做D咩,只係佢自己好誠懇咁話叫我等佢電話,結果當日我電話不離手,等左3日!!最後我自己到其中一間近屋企既分校,直接要求轉出唻,封信係兩頁密麻麻既手寫中文信,帶埋仔仔同老公請假,去到學校,只係俾人截左,信都冇睇過亦冇問冇聽原因就話冇位,我地話想同校長傾兩句,佢就話我唔岩手續,應該搵返原先學校既校長,咁我話其實同校長傾過,不過佢未覆,佢話唔得,一定要書面通知校長...我話但係佢已經知我情況...佢都唔聽,只係接過封信(掉埋一邊都冇人知),我仔仔早在年頭已經去過2ND IN,當時3個人IN兩個位,IN完都話我仔仔OK,進步好多,但係當佢知道我仔仔係細仔(因為我多口),就轉口話唔收不過WAITLIST,有人唔讀會通知我,好啦...我知我有個好朋友退學打去問,佢地又話學校會有安排...當然不了了知啦,因為我個仔係細仔,正校唔收呀麻,又成日耍我....咁我當日除左俾信,仲交埋APPLICATION(PN同K),咁我有同佢地講,如果真係轉唔到可能要放棄學位另搵新校...我地離開大約兩個鐘,學校打唻問我係咪放棄原先分校學位,(我心諗:都未搵到另一間,邊會呢?)佢話叫我盡快決定再覆佢,我心諗:我留位費又交左,又註左冊,因為已經9月頭,你地一早打唻話有2ND IN俾我仔仔,等到2月都冇聲氣,要我打去問先有,話WAITLIST又係冇下文,拖左成年啦,而家又話要我即刻答你個學位,又話如果我繼續係分校就唔可以交APPLICATION,會係寫信俾校長K1轉出唻(但係唔包得既),如果唔讀就只可以選擇一份APPLICATION,PN/K1,咁我話你地唔收細仔,K1唔收咪REPEAT PN咯,佢冇俾解釋我,淨係話一係K一係N咯,佢地咁好人,成日都話以小朋友為先,小朋友要咁辛苦去返學,你地一D同情表現都冇,咁試問我又點會讀呢?多人掙又點?我老公一向對呢間麻麻,因為佢好多朋友都係教書,話呢間接唔到小一課程,小朋友好辛苦,有個朋友個仔因跟唔上要出貓,好心痛..跟住迫住轉左去貴既國際學校....老實講,我退左分校個位,亦唔會選擇考K/N,我唔係果D WAITING緊要散播傳言,因為我已經搵到一間心儀既,啟思再不會係我考慮之例

gaworld

係真.係我朋友在向幼稚園查問後講的,我可以肯定我朋友絕對唔係講大話,佢個小朋友都係讀啟思,因她在知道那件事時去向園長查問得知的.她為人每事也不會靠單方面,何況佢當時也懷疑,因為佢個細路在N班事有些問題,園方每次也幫小朋友辦妥得很整齊整潔,因此佢也懷疑事情當中是否存在誤會而親身向園方查明.佢個細路現在仍然讀啟思,她前兩日還向我表示啟思班老師教導孩子關心別人,因為佢個小朋友的一班有同學因病請假,老師致電那家長表示:如果小朋友可以,便給孩子上學,因其他同學仔在上課前,會作出表示為什麼同學幾天也沒有上學,懂得關心同班同學,還渴望同學回校園一起上課.當時我朋友也很突然為什麼這麼小的孩子會真的當心,老師回應是的,因為老師會在上課前給小孩教導班房的情況,為什麼某同學不在,更會給孩子們解釋,作出教導及問各孩子們會否希望同學快些康復一起上堂,像這樣,孩子們會學懂關心身邊的人.

幸福女子

如果實情是這樣就好了, 小女雖然只在深啟讀過N班而沒有上K(不是因為學校的負面消息而轉他校...), 但小女N這一年讀得不但開心, 而且還學到很多東西, 老師和姐姐們都很好..所以當閱到有關事件時不禁感到諤異, 但始終我不是當事人, 不能只因為我自己的感覺而盲目批評/支持有關言論..