求救,俾D意見

chunchun_ma

阿仔現兩歲9個月,年初發現語言發展慢,開始上語言訓練班。5月底去藍田兒童發展中心被醫生評估為有少許自閉徵狀,兼且語言基礎得12個月...中心社工於是建議申請入讀兼收/特殊幼兒中心,(但要等起碼一年才有位). 到今個星期二再到中心見語言治療師做評估,話只得15個月言語基礎,建議我們去報私人的密集試訓練課程(逢星期一至五,每日3小時),不要讀K1啦!!!
上網查過, 中環的Step 有密集試訓練課程, 但阿仔現在才開始適應K1幼稚園的生活, 如唔讀,又好似少咗D與正常(懂說話)小朋友相處的机會, 因為密集試訓練課程都係困在班房, 唔似幼稚園的生活多姿多采。
有無過來人的家長可俾D意見, 條路應點行?多謝!!!

kelvin_hmlau

chunchun_ma, 請 check PM again. 之前攪錯左第二個 Mami.

kelvin_hmlau

bobolam, 請 check PM.

pollybell

讀N1會適合些,如果只係語言問題,唔需要密集式訓練,專攻語言加N1已經足夠.

scholar

兩歲9個月,語言基礎得15個月,讀k1是太勉強了,不如讀返n1,打好基礎.

大多數"自閉傾向"其實只是發展遲緩,只視乎你囝囝情況.

密集課程唔會悶,跟幼兒園差不多,只係更少人,更好玩.但如果只係差語言,又未必需要密集.

kelvin_hmlau

chunchun_ma, 請 check PM.

why-me

我仔當初都係"自傾"3T都唔掂, 係有幼稚園收佢讀N位, 但亞仔真係返得唔開心, 唔合群, 你要知道只要你個仔冇打人, 佢地一般都唔會要求你個仔退學, 只會由得佢"柄埋一邊, 咁樣只會浪費你個仔時間, 要知越早訓練越好.
以上亦係我經驗, 後來我唔比亞仔讀N1, 轉返私人S位, 即一日3小時, 入面4-6人小組, 一組有2個老師+1個助理, 可以照顧每個學生情緒反應, 最重要係知道我地個仔有什麼問題, 可以有適當教導, 加上每星期有3T訓練, 我個仔返了一個月已可以安坐於酒樓與我們完成晚餐.

原帖由 chunchun_ma 於 10-9-13 00:54 發表
阿仔現兩歲9個月,年初發現語言發展慢,開始上語言訓練班。5月底去藍田兒童發展中心被醫生評估為有少許自閉徵狀,兼且語言基礎得12個月...中心社工於是建議申請入讀兼收/特殊幼兒中心,(但要等起碼一年才有位). 到今個星 ...

kelvin_hmlau

路過, 比d 意見:

1. 你的兒子很年輕, 不知其他能力如何? 如果智能 ok, 得到適當訓練, 進步空間會很大的.

2. 自閉兒'群'埋的正常小孩係學唔到社交的.  因為呢d就係天生應該有但佢地欠缺的東西.

3. 在一般幼稚園會學到普通知識. 在密集班會學到自理, 安坐, 減少發脾氣等. 每星期會有個別 ST/OT/幼兒訓練.

4. 認識有d 家長上午讀密集, 下午讀主流, 不過會辛苦d. 下午主流會少d 學生, 讀程無咁深.

5. 如果將來進步很大, 我諗都無人理會佢幼兒時有無讀過特殊教育. (正如無人會問 Bill Gates and Steve Jobs 點解無 degree).

6. 小兒在暑假讀過兩個月私人密集課程. 其實不止你講個間, 想要資料可以 PM 我.

7. 其實父母陪同小孩游走於主流和特教中, 目標都係想清除佢地學習上的障礙, 可以上主流小一.

加油吧!

mybabynbaby

密集試訓練課程好似係小班制,少至6至8人度, 灣仔有間陳X川好似似0的學校, 不過我覺得最好去普通學校小班上課,始終見小朋友多0的,心情都好0的, 同埋你係住0個區?如果唔係日日出去,對小朋友黎講都幾辛苦.
普通學校上午班較多人, 老師未必照顧到, 不過就方便去其他地方訓練, 因為好多COURSE都會下午進行.
下午班就會小0的人,老師會容易留意到佢既情況.
同埋你要給學校知道仔仔大致情況, 等佢地都可以照顧仔仔多0的.
我冇去密集試訓練所以未能比較, 另外你可以考慮去你所排緊I位既幼稚園度讀普通位, 雖然冇特別服務, 但0的老師一定有豐富經驗去點應付小朋友

另外除左言語治療,你都可以同佢上一0的社交班, 大肌肉班, 興趣班..ETC~~

[ 本帖最後由 mybabynbaby 於 10-9-13 07:06 編輯 ]