請各位幫忙俾D意見,究竟仔仔似邊種傾向?(急問)

R小姐

Dear 各位媽咪,
係咁既,我個仔就黎兩歲九個月,岩岩喺1/9/10正式讀K-1,
先講吓佢平時性格,喺屋企都係冇時停,鐘意周圍走,好少坐定,
不過佢有興趣既野,佢都會坐定定做,eg:佢鍾意睇既DVD,
佢可以坐定定睇完又睇都得,如果睇厭左就梗係同圍郁啦..
=_=,但佢喺發展/學習同理解方面都係OK完全冇問題,
尤其記性好好,講一,兩次就會記得(補充:尤其對佢鍾意既野,簡直講一次已經記到實...)
依家唯一既係表達能力仲係未可以講到一句句子,暫時都係呢D先係講4個字一句--->老師早晨/唔該媽媽/唔該亞爸...
佢喺情緒方面係完全正常,從來都冇發覺佢行為古怪/異常/失控,完全冇,但有時掛住玩/有野吸引,佢就唔會望你,
要叫佢望住我,我就會望住.
唯一發覺佢同一般小朋友唔同,就係佢有潔癖,呢樣野喺佢歲幾開始發現,直到依家就黎兩歲九個月,依然都係咁,仲越大越要乾淨/隻手唔肯拎野食,起初以為佢懶得拎,但用叉或牙籤拮住佢係會拎,到左就黎要返學,我同婆婆就強迫佢拎餅乾/曲奇,(因為呢兩樣食物都唔可以拮黎食),佢好勉強拎起,隻手會拈左餅碎/曲奇碎,佢就係用手拍,多數會打開隻晒手好似唔想要隻手咁,食飯時有一粒飯喺咀角都會指到你抺左為止/玩緊佢最鍾意既野就一定要擺得好好,歪少少都唔得...(佢既Info介紹到呢到先)
依家問題就係,佢返左第一日學,老師同我講佢第一日返學既情況俾我聽;話佢坐唔定,話佢果時會聽,立即坐底,但老師行轉背佢就又唔肯坐,老師話佢好少同老師有眼神接觸,對鍾意既野先有興趣,唔係樣樣野都岩/可以引到佢注意力,所以又認為佢專注力不足,老師問佢野唔係次次答---->其實呢樣佢喺屋企都會咁,我有時叫佢叫我(即係叫媽媽),佢多數會奸笑走左去(PS: 佢肯定係聽到,因為佢奸笑,並唔係好似聽唔到),我同佢講,好啦,你唔叫媽媽,媽媽唔彩你啦,佢聽完立即叫媽媽....-_-,呢樣野歲半開始到依家有時都係咁,好間唔中先一叫佢就叫我....-_-
老師講完以上佢上堂情況之後,已經話覺得佢同其他廿五位小朋友唔同,第三日已經話寫信轉介我個仔做評估-_-"
(補充:之前老師有問過我個仔識左咩知識,我答佢個仔識講24個英文字,6個顏色,1-10數字,數字就用左3,4日左右識講/識認...老師聽到就問我有冇帶佢Check IQ,我答左冇,因為唔覺得佢有咩問題,太蠢或太叻,兩樣都唔係)
依家同大家講完一大輪,想問吓各位有經驗既媽咪,我個仔大概有冇問題?因為我上網搵過[自閉]/[過度活躍]同[資優生]都有好多特徵相似,所以我都睇到好亂,唔知佢有邊種傾向,大家有冇仔/女係類似我個仔咁款架?
Sorry,太長篇,唔好意思,多謝各位解答:)

SandyCPS

R小姐︰

其實最好就是去做評估，佢地專業D。

您仔仔的行為特徵，有D似亞氏保加症，一般話係自閉症的一種，或是高功能自閉症。但有些專加認為亞氏保加症是獨立的。

有仔仔都有您提及的某些特徵，剛於9月初做了評估，指他是亞氏保加症特徵。

-潔癖，固有模式、思想，不易改變
-對某些興趣特別迷上
-少對人有眼神接觸，即使有很快便望向其他地方
-活在自己的世界內
-因有語言能力及智力，不易被發現，只以為他是比較「有個性」而已。
-有非言語上的溝通困難

http://www.ied.edu.hk/aspire/aspire_2.html

(這是蕊展計劃網頁有關加氏保加症的資料)

希望幫到您。

Sandy

原帖由 R小姐 於 10-9-10 00:35 發表
Dear 各位媽咪,
係咁既,我個仔就黎兩歲九個月,岩岩喺1/9/10正式讀K-1,
先講吓佢平時性格,喺屋企都係冇時停,鐘意周圍走,好少坐定,
不過佢有興趣既野,佢都會坐定定做,eg:佢鍾意睇既DVD,
佢可以坐定定睇完又睇都得,如果 ...

kelvin_hmlau

看來似自閉和/或ADHD多d.

有時真係當局者迷. 既然老師叫你去做評估, 小兒當初都係比老師發掘出來去做評估, 你應該感謝老師才對.

你都係做完評估再算, 對症下藥. 如果唔想等政府, 私人評估, e.g. 邁X, 協X 都 OK. cost 4K.

我的經驗係, 暫時唔好當佢係資優. 小兒兩歲懂唸唐詩, 三歲數到一億, 36 種顏色連湖水藍, 鐵血色都懂, 其實都係自閉症.

mybabynbaby

1,佢好勉強拎起,隻手會拈左餅碎/曲奇碎,佢就係用手拍,多數會打開隻晒手好似唔想要隻手咁,食飯時有一粒飯喺咀角都會指到你抺左為止
2,最鍾意既野就一定要擺得好好,歪少少都唔得
>>係固執行為
3,依家唯一既係表達能力仲係未可以講到一句句子,暫時都係呢D先係講4個字一句--->老師早晨/唔該媽媽/唔該亞爸...
>>語言慢左0的, 有冇3詞句子"俾波波媽咪", "我要食餅"..等
4,問佢野唔係次次答>>專注力不足
5,好少同老師有眼神接觸

老師聽到就問我有冇帶佢Check IQ>>好奇怪, 因為IQ要等到5,6歲先有得CHECK
自閉都要5,6歲先CHECK到...
可能係自傾, 可能係冇事~~
我地始終唔係專業, 要搵專家睇就好0的
如果有懷疑去做評估好0的..

trinitycvc

你個仔同我個仔d特徵一模一樣, 但我個仔係有輕度潔癖, 好怕 dirty, 我都好想知究竟係邊種傾向?

請各位幫忙解答, 謝謝!