Boxhill 很 commercial !!! 我很失望及不滿!!

gp811

我的小孩今年K2.  Ma On Shan Boxhill 竟然用沒有門的開放式設計音樂室作為課室 !!!  

原因是一直以來學校最賺錢的是 Bunny Class (即 nursury , 大部份家長安排BB 讀一年BOXHILL, train 好英語以考九龍區名校).     所以學校用3 個課室開 3 班 BUNNY CLASS.  餘下的3 個課室分別安排 2 班 K1 & 1班 K2, 而我小孩是在另一班 沒有課室的K2.  

BOXHILL 收費超高大家都知 (每月HK4,150 X 11 個月 + 約HK4,000 什費), 年費近 5 萬, 學生都無課室, 真是好過份!!  

再者, 每班少於20 個學生有有兩位老師, one class teacher plus one teaching assistant.  這正是家長願意付較高學費的原因.  但不幸地, 我小孩的 K2 班只有一位老師!!!  學校解釋因我小孩班有11 個學生, 沒有超出教署 1:15 的上限.  其實這也是開校以來第一次的做法!!

我們這班不幸的家長真的極不滿, 極無奈.  K2 是小孩最重要的一年, 因小孩在K2 尾段要開始考小學.  轉學校可能對小朋友造成影響, 加上現在大部份好學校也沒有K2 空缺. 正因如此, BOXHILL 一直沒有預先通知我們這班家長這史無迎前例的安排, 而 對於我們的不滿也置之不理.  

今時今日的BOXHILL, 處處錢掛帥, 學校安排影學生相, 最低消費成 HK300.  學校旅行都成HK200 一位 (因學校賣團比本地旅行社).

個人認為, 做生意要賺錢是理所當然, 但辦教育的, 是否要多一點良心呢?? 如果前校長仍在, 相信會好好多!!!!

miss_bb

我唔認同boxhill好commercial，我女兒响Boxhill TKO讀緊K1, 佢由1歲半左右開始就返那裡的playgroup, 那時boxhill開了唔係好耐, 未讀之前都覺得佢playgroup同幼稚園比一般貴一點,但那時可以試堂, 我便替女兒試一堂playgroup, 覺得很好,老師好nice,試個一同上堂時有啲bb唔適應陌生環境係咁喊, 佢哋都有方法即刻轉移bb啲attention令我bb咁緊張, 同教埋佢daddy點處理, 好有愛心同耐性, bb又學到嘢,又開心, 仲要學到應有的discipline同禮儀, 上咗幾個月我就決定女兒足兩歲在12月插班讀pn班, 因為覺得boxhill環境非常新、潔淨、 好靚，每一個位置(無論小朋友遊戲的地方、班房、走廊，甚至擺放小朋友用具、鞋格同廁所都好靚好細心，大堂有一個好大的活動空間, 如果你將boxhill同一啲好大的幼稚園比較一定無得比, 但我唔覺得佢係好細。

佢讀pn時2個老師對17個學生, 現在是2:20左右, 對小朋友嚟講, 課室亦夠大,
遊戲活動空間好足夠, 相比其他所謂好大的幼稚園, 佢哋啲班數較多, 老師學生比例又高,其實咪又係一樣.

至於教學，我小朋友現在讀K1了, 讀了快1年, 聽、說英文非常好，認讀很多英文詞彙，很多字我都冇教過佢亦冇諗過佢會識，但佢竟然識晒，例如圍裙、毛蟲、唔同星球啲名、唔同蔬菜、交通工具等等, 因為佢哋唔單止上堂，連學校生活上每天已慣用日常生活的英文。佢竟可以同我先生個外籍上司(蘇格蘭人，講英文有特別口音，很難聽得到)對答如流,連我自己也聽不清楚全部呢。有時, 佢又自己响度講普通話, 又唱歌。

全間學由校長、老師至到書記、清潔姨姨都好有愛心同禮貌,每天唔止同你打朝呼，仲會分享小朋友响學校o既學習、活動情況，真係好好。我好記得我個女最初返ｐｎ第一個星期日日狂喊、喊到尖叫成間boxhill都聽到佢把聲，去年校長Ms Amanda好有辦法，唔咪剩係只安慰話媽咪會嚟接番佢，仲嚴肅認真地話比佢聽哪些行為係唔應該亦無需要的，每天放學都走嚟同我講佢有咩進步，屋企可以點配合，再過几日，個女就冇再喊。又有一次放學個嬸嬸特登行埋嚟話我知我個女戒片戒成點。個女病咗冇番兩日學老師又打電話嚟問候, 第二日返番學書記、老師好開心輪流比個big hug佢，佢哋每一位唔係剩係對我個女係咁，我見係對每一位小朋友都係咁關心、咁有愛心。佢哋每一位員工都好記得每一位小朋友個名同佢哋特別ｏ既嘢，會主動走到家長面前講每一個小朋友的情況。

每一個月學費４千幾,同出面冇學劵啲幼稚園相差唔多，但已全包了書薄、茶點、雜費，完全沒有額外要交的費用，我覺得佢哋有咁ｏ既學習環境、咁樣的老師、員工、咁ｏ既團隊，咩都值。最重要係睇小朋友每天返屋企都好開心、好鍾意返學，你又知佢學咗好多好多。我住在附近，返學放學唔駛舟車勞動，落雨又唔會淋到，我自問：仲想點？

至於影相，家長可選擇影唔影，＄２００一打影側側地面，但真係影得好好，影到好smart.

或許講多了，但我看見這個題目，只想為這間幼稚園和他們的老師說句話。

applebb06

hidykwan

當我見到呢個標題,令我驚訝有家長對Boxhill既誤解,我個女由N1上K1讀Frog B Class, 係因為讀得IS就預左比一般學校較費,一分錢一分貨, 當你入到學校見所有野都由下至用品，玩具，校舍以至老師，都比其他幼稚園新同好，所有老師流利英語，每個星期寫係手冊個編英文通告既深度同誠意，就算學費由$3600加到四千幾都值得, 雖然個女只得三歲，但佢係Boxhill學到好多既英文生字同講出黎流利英語對答已經值番晒．．．
其實好多野唔好睇表面，基本上每一班都有二至三個老師一班，佢地老師既年齡都比較後生又好有愛心，比起我見過其他出名學校的先生教左好多年已經有惡形惡相更討好，而且我地做家長由N1開始，每個星期都要同小朋友一齊做個份英文閱讀報告，唔係家長有錢就可以應付到，相反學校對家長都有一定要求，希望小朋友既家長都有一定英文水準，希望開呢個topic個位家長，比的時間小朋友同學校，相信除左錢呢個所謂問題外，你將會好快見到小朋友既得著，比起其他來得更有價值!　

onchai

Hi, nice to meet u! My son is Jeramie (Frog A class)... how about ur daughter?  

原帖由 CindyMak 於 10-9-13 11:20 發表
我囡囡都係讀Boxhill @ TKO K1呀！
雖然學校細d，又係新學校。但係佢地師生比例係2:10！
老師好好，課程(相信是由MOS copy過來)又十分好，校舍又新又clean。我真係越來越喜歡呢間學校。

本來打算排Abacus，遲d轉去(silbling pri ...

CindyMak

我囡囡都係讀Boxhill @ TKO K1呀！
雖然學校細d，又係新學校。但係佢地師生比例係2:10！
老師好好，課程(相信是由MOS copy過來)又十分好，校舍又新又clean。我真係越來越喜歡呢間學校。

本來打算排Abacus，遲d轉去(silbling priority)。但係最後決定application都唔交。都係Boxhill 好！

onchai

我囝囝係ＴＫＯ分校讀緊Ｋ１，開學至今我地都好滿意，囝囝好鍾意返學，成日同我地講返學好開心，好鍾意所有老師，亦有明顯進步，學校與家長溝通做得好好，so far唔覺得好commercial...

skmibb

開學到現在，我都頗滿意。每星期，都會寫過去一星期及來近一星期會做甚麼。

erichkl

我也覺得 Boxhill 很好！ 我女兒在那兒從N1 下學期插班(因她是細B)開始，一直到K2 上台畢業典禮表演，她對在 BH 上學是為一件樂事！ 看她在這幾年的成長，雖然她不是那種天生異品的天才，但我們倆非常滿意，老師對每個學生都很關心，很有方法發揮學生的強項 和 改善學生的弱點。

今年2010年畢業的學生，除了有畢業典禮DVD 光碟外，還有一本校刊！ 當然這些都要錢，但物有所值。 雖然BH 是一家學校，但要維持經常性開支、課外活動、節日party等，全都要錢，沒錢賺的生意，哪會有校董贊成？ 最重要是教學的質素是否合理。 唯一我倆覺得很可惜的就是這本校刊少了花花校長，非常為她不值！ 她真是一位很出色和對學生很有愛心的校長！

沒有小孩在BH 上學的家長，可能會懷疑我是BH 的人，特意唱好。 但那些有小朋友在BH 上學的家長，我相信99% 都會認同它是一家好學校。

patshing

贊成!
BH 喺MOS 真是算一間好的KG了

而家細仔都同我講很喜歡返學
新老師亦很交帶
我都不再擔心了~~~

原帖由 BALLNET 於 10-9-9 03:25 發表
My son attended both K1 and K2 in Boxhill, and he loved the school so much. I don't feel the school is a very commercial-like kindergarten, in fact their fees are quite economical in comparing with ot ...

applebb06

KT1028

int'l 真係要有錢之人才讀得......

elizatyy

原帖由 applebb06 於 10-8-21 16:40 發表
我的孩子也是在這個課室上課的。當初得知孩子將要在這個沒有課室門，由音樂室改建而成的開放式課室上課後，我也有點詫異。到了上課當日，我帶着孩子走進課室作實地考察，發現環境並不太差。除了課室比較狹小外，課室裏應有的基 ...

學生照，要800元一打???

BALLNET

My son attended both K1 and K2 in Boxhill, and he loved the school so much. I don't feel the school is a very commercial-like kindergarten, in fact their fees are quite economical in comparing with other IS.

I agreed with patshing that Ms Joanne is a very caring teacher, it is so fortunate that my son was in her class. Now my son is in RC year 1, my preliminary plan was that if my son could not get into RC, I would still let him continue his K3 at Boxhill. I would say overall Boxhill Ma On Shan is a good school and my child had definitely benefit a lot from it especially his good accent and fluency in English speaking.

mukyin

讚!

原帖由 applebb06 於 10-8-21 16:40 發表
我的孩子也是在這個課室上課的。當初得知孩子將要在這個沒有課室門，由音樂室改建而成的開放式課室上課後，我也有點詫異。到了上課當日，我帶着孩子走進課室作實地考察，發現環境並不太差。除了課室比較狹小外，課室裏應有的基 ...

patshing

我大仔K2時那2位老師十分好
尤其是Miss Joanne,佢真是一個很好的老師
她不單止對孩子很好,而更是用心care 他們
她還很漂亮~~~:)
大仔能做她的學生,真是天父的恩賜

applebb06

patshing

我兩個仔都讀 BoxHill
大仔今年入了RC
細仔K1
大仔曾經轉過學校(K1)二個月,因為搬屋(far away),但最後遠d也返BH....因轉去那間更加更加commercial
大仔讀 N class 下午班時得十個人
細仔讀 N class 下午班有二十幾人
十個同二十幾個人比較,質素一定無得比

我亦observe緊細仔的進度....

mini_cc

我個仔宜家同時返緊Boxhill同Tutor Time, 相比TT....我可以講Boxhill係超值,學費5折囉.....TT一年9萬幾(今年又加了)~
講真有人話一分錢一分貨,我自己其實唔多覺,呢D私營幼兒園唔係為搵錢真係無人信,不過我可以話你知TT比Boxhill更加commerial,佢地最鍾意無喇喇攪d field trip出o黎同你講當日無堂上,你要去又再要比"車錢"佢地學校.......每個月都差不多有
ps:剛o係TT影o左班相同証件相盛惠$400,reprint仲要再貴d,唔知咩道理

至於師生ratio......我之前學人去in日出康城間學之園,佢答我2:28(其中一個係teaching assistant)............一聽見就覺得似"牛棚".....

[ 本帖最後由 mini_cc 於 10-8-19 19:19 編輯 ]