若有私小學位, 仍可參加小一派位?

Charlotte_mom

收唔收到政府信, 係睇學校做法的
如果學校根本唔在乎學生去唔去大抽獎, 就唔會報個名俾edb知, edb亦唔會發信問家長仲抽唔抽獎
如果學校係想阻止學生join大抽獎, 就會報個名俾edb知, edb亦會發信問家長仲抽唔抽獎 (我都收過果封信, 信上面清楚寫住, 知我已註冊xxx私校, 如果我決定繼續join大抽獎, 為免浪費學位, 就會通知xxx私校)
所以如果家長決定抽, 而私校又真係想知, 係有辦法知的, 所以搏唔搏, 真係要睇下係邊間私校, 同埋家長覺得想唔想搏喇

beebe

亞女已被九宣收左，無收過任何信。到小一派位，無問題有位派.  通常家長會考私小做後備, 若派位不理想, 都有間好學校作後備, 不用太擔憂

Charlotte_mom

一但去直資註冊, 就要簽UNDERTAKING放棄政府派位, 唔好話大抽獎, 就算自行有30分都無用! 即OUT (自行已有OFFER都要即時放返出黎)

原帖由 MoominLo 於 10-8-16 12:33 PM 發表
唔好意思，咁我想問直資一唔一樣，有位無得大抽獎??

ziyi

如果你接受了直資的學位,是一定沒有大抽獎的,除非是大抽獎後才接到offer

原帖由 MoominLo 於 10-8-16 12:33 發表
唔好意思，咁我想問直資一唔一樣，有位無得大抽獎??

MoominLo

唔好意思，咁我想問直資一唔一樣，有位無得大抽獎??

chingchingb.ma

如私校有將已註冊名單上報教育局,教育局會send信比有關學生詢問會否放棄第一階段自行分配或第二輪6月大抽獎。如學生confirm繼續自行分配或6月大抽獎,教育局亦會將學生資料通知番私校。

各私校做法唔同:

(1) 有d私小(e.g. KTS....唔知仲有邊間)容許已註冊嘅取錄學生參加大抽獎,亦唔會將資料上報教育局,咁註冊咗嘅學生係唔會收到教育局嘅信。

(2) 有d私小容許已註冊嘅取錄學生參加大抽獎(e.g. GH, SFA....仲有好多),但仍會將資料上報教育局,咁註冊咗嘅學生就會收到教育局嘅信詢問意向,教育局亦會將學生嘅回覆通知私小。

(3) 有d私小絕不容許已註冊嘅取錄學生參加大抽獎(e.g. SSCPS要家長簽份declaration承諾放棄大抽獎, 高主教...唔知仲有邊間),呢d私小相信絕對會將資料上報教育局,如教育局通知番學校某學生仍繼續參加大抽獎,學校會取消該註冊生嘅學位。

原帖由 goldenbaby 於 10-8-14 02:08 發表
如題.

怕唔怕教育局會將參加小一派位名單通知自己間私校呢?!

[ 本帖最後由 chingchingb.ma 於 10-8-15 00:29 編輯 ]

chingchingb.ma

冇問題!!民生小一招生日期係喺6月大抽獎放榜後,所以入form申請民小嘅時候,一定攪晒珠,知道晒結果。

原帖由 dlmcdlcl 於 10-8-14 23:22 發表
我知道, 民生小學係唔比參加大抽獎. 如果要攪珠, 就唔可以一條龍上民小. (呢個係讀民幼既做法)

如果係考佢地既小一就唔知會唔會一樣都唔比大抽獎. ...

dlmcdlcl

我知道, 民生小學係唔比參加大抽獎. 如果要攪珠, 就唔可以一條龍上民小. (呢個係讀民幼既做法)

如果係考佢地既小一就唔知會唔會一樣都唔比大抽獎.

joemyt

2年前，亞仔已有私小收左，無收過任何信。到小一派位，無問題有位派，雖然最後都無讀私小。

tungmom

係一定會，教署會寄信俾家長，上面已列出你子女考到的私小校名，你需要填交回條表示你是否仍然會參加統一派位。私校做法間間唔同，大部分都俾你照派位，有Ｄ唔俾，有Ｄ講明如參加派位便會由取錄變後備生。放榜後要打番去私校講重要唔要個位，若心大心細，想等埋叩門結果，甚至開學前才放棄都可以，當然你越早放留個位，學校就可以早Ｄcall waiting list啦！

原帖由 goldenbaby 於 10-8-14 02:08 發表
如題.

怕唔怕教育局會將參加小一派位名單通知自己間私校呢?!