嘉X麗令我太失望了!!

kaka_blog

經過一年既學校生活,發現嘉X麗既老師,先無人格,後求錢財,咁差既教師質素又怎樣可以教出有好學生呢?

4001cc

死火, 我個囡可能讀下年N班. 我留左位PM班做BACKUP.  我貪近, 方便, 都聽到此校老師不好, 沒有愛心, 但無想到去到如此地步.  希望有其他學校收我個囡讀N.  那$600給他們去再培訓.

hkrosetw

嘩, 好彩姐, 果時我阿女考左成6間幼稚園, 最後york收左, 我唔想阿女讀york, 見到呢間其中一間分校, 係我老豆同媽咪住果度樓下, 想報讀, 果時佢地仲有位, 最後, 我都係決定去左york,如果唔係今日我阿女就........

chelma

我的兒子在黃埔嘉x麗讀了一年N1,我覺得並非大家講得咁差, 反而我覺得好好。當時佢仲用緊尿片,都係學校幫佢戒的,大約兩個星期就戒到啦。呢一年我係睇住佢進步，仲學到好多野，比我想像中好。老師都對小朋友好好，有少少野都會打電話俾我,反且我覺得咁細的小朋友總會互相會推撞,搞搞陣，都係好小事，反而係我同老師講無事啦，好少事。至於成日病, 小朋友一返學我就遇左成日病, 因為小朋友的菌特別勁，總要過呢個階段。

toys

佢唔係教N班果邊ga。我覺得N班聽電話個主任幾nice！

原帖由 peaceful88 於 10-7-29 15:12 發表
班主任個樣係咪似蘇絲黃？

peaceful88

班主任個樣係咪似蘇絲黃？

dollyyuki

估唔到咁多家長同我對呢間學校既觀感一樣, 我個女同我講老師鬧佢, 佢唔鍾意老師, 2歲幾都識咁講, 反而鍾意英文老師...
所以, 讀完n1之後都唔升k1, 轉校, 理由好簡單:
1) 佢一直同唔到我阿女戒片, 我d朋友既仔女返2星期學已戒晒片. 反而, 一畢業, 我阿女就完全唔駛用片...
2) 學校環境差, 又細, 又舊; 佢重夠膽死 k1 收$2980學費!! 我而家阿女將讀九龍塘學校, 都只係貴幾百蚊, 環境好好多!
3) D小朋友又咳又傷風都比佢地返學, 搞到我阿女平均一個月就病一次.

***以上只係我個人意見~

kaka_blog

我相信講左出黎就嚇親班新學生既媽媽...但呢個不知所謂既班主任係呢面做得最耐架,第日再遇到唔開心既事記得出聲!!

原帖由 luiflora 於 10-7-24 09:30 發表


你太幸運了,百年難遇的一個好老師,不如你講下果位老師叫咩名,一方面可以對佢公平D,二方面也可以讓現時在該班的家長放心D.

mena

yes my friends son study at this school said the teacher is not good and not care the kids

luiflora

原帖由 nc2000 於 10-7-24 00:25 發表
我小朋友都係N 班讀嘉X麗, 讀左三幾個月就轉校, 原因係一間沙田出名幼稚園收佢插班所以轉校! 但我對嘉X麗的感受没有你們的討厭,  但亦認同校舍太細! 相反,  小朋友由最初哭着上學, 一星期後便自己可行入課室上課, 亦 ...

你太幸運了,百年難遇的一個好老師,不如你講下果位老師叫咩名,一方面可以對佢公平D,二方面也可以讓現時在該班的家長放心D.

toys

我認為每所學校都有好和不好的老師，但比我覺得呢間的佔多少少不太有愛心的老師，我估你好幸運遇到位好的，我見都有一、兩位老師真係好有愛心，可惜不是教我小朋友。
我小朋友有好幾次連續請了幾日病假，老師都沒有打電話問侯，就算打來都是問我黎唔黎攞功課，就完全沒有提到我小朋友的病況，不止一次，所以咁我先好失望。比得咁貴嘅學費，佢哋連做吓戲都費事！！

原帖由 nc2000 於 10-7-24 00:25 發表
我小朋友都係N 班讀嘉X麗, 讀左三幾個月就轉校, 原因係一間沙田出名幼稚園收佢插班所以轉校! 但我對嘉X麗的感受没有你們的討厭,  但亦認同校舍太細! 相反,  小朋友由最初哭着上學, 一星期後便自己可行入課室上課, 亦 ...

nc2000

我小朋友都係N 班讀嘉X麗, 讀左三幾個月就轉校, 原因係一間沙田出名幼稚園收佢插班所以轉校! 但我對嘉X麗的感受没有你們的討厭,  但亦認同校舍太細! 相反,  小朋友由最初哭着上學, 一星期後便自己可行入課室上課, 亦投入學校生活, 生病没上學幾日, 老師也有致電慰問! 班主任亦很留意及能指出小朋友的問題! 直到我提出轉校, 班主任也没有反轉豬肚, 反而教我怎樣幫助小朋友適應另一所新學校! 當時眼見小朋友只有2歲多己熟習及適應學校, 又唔覺嘉X麗係咁衰, 都心大心細轉校問題, 最後都係轉了去新校, 返學第一天小朋友都没有哭, 還表現出一派淡定, 連新校老師也很驚訝, 因新新有些小朋友己上了5個月課也仍然哭着不上學, 反而我小朋友很快就懂得課室規矩及享受學習, 我和老公都認為係嘉X麗的功勞, 她讓小朋友明白上學是什麼一回事, 是一件令人愉快的經歷, 老師, 同學都很好的, 所以就算小朋友去到新校也帶着這個觀念及感受去, 亦因此令他不會害怕學校這環境, 所以我仍然認為嘉X麗給了一個美好回憶及灌輸了愉快上學給我小朋友, 令他不害怕上學這一回事!

原帖由 kaka_blog 於 10-7-22 12:18 發表
我小朋友讀沙田校,正如各位家長講,你地好多不愉快既經驗,我小朋友全部都領教過...佢地老師皮笑肉不笑,學校亞姐做野馬虎,我小朋友次次放學出黎,件底衫都無涉好,整哂出黎,我見其他家長接放學時人人都投訴..事實上佢地 ...

amypekkle

原帖由 kaka_blog 於 10-7-22 12:18 發表
我小朋友讀沙田校,正如各位家長講,你地好多不愉快既經驗,我小朋友全部都領教過...佢地老師皮笑肉不笑,學校亞姐做野馬虎,我小朋友次次放學出黎,件底衫都無涉好,整哂出黎,我見其他家長接放學時人人都投訴..事實上佢地 ...
...
點知係過去一年裡面,佢地都無法令我小朋友鐘意返學,除左英文老師,我小朋友一d都唔鐘意見到班主任..唉!! 好相信個班主任真係有愛心、用心教個小朋友既話,佢地一定感受得到,但我小朋友最後一日放學時,班主任連bye bye都唔講句”的”左我個小朋友出學校門口,呢個班主任”幾有”愛心就不言而喻啦,

噢! 原來嘉x麗(沙田校)(第一城?)係咁差.
當年我住第一城, 同仔仔報了嘉x麗和帝堡城的啟c, 最後因為見到嘉x麗的toilet好似唔係咁乾淨, 冇選擇到讀. 為了方便仔仔在啟c番學, 我仲搬埋上帝堡城住. 我真係好慶幸幫仔仔選對了幼稚園. 原來一間幼稚園係可以咁差.

kaka_blog

多謝支持..但真係希望嘉x麗校長關注下老師既素質問題,亦希望黎緊係佢地度讀既家長,遇見咁既情形多d向學校反應,唔好令自己小朋友有個唔愉快既學校生活..

原帖由 luiflora 於 10-7-23 10:10 發表


支持你!!!我真係好想問下此學校校長,咩你間學校有"先求人格"咩??唔好吹甘大啦!!!咩叫身教???連小朋友都怕左D老師,甘又點教好下一代??阿姐當小朋友好似隻野狗甘照顧,又點叫小朋友背三字經???唔好掛羊頭賣狗肉啦~~唔 ...

luiflora

原帖由 kaka_blog 於 10-7-22 12:18 發表
我小朋友讀沙田校,正如各位家長講,你地好多不愉快既經驗,我小朋友全部都領教過...佢地老師皮笑肉不笑,學校亞姐做野馬虎,我小朋友次次放學出黎,件底衫都無涉好,整哂出黎,我見其他家長接放學時人人都投訴..事實上佢地 ...

支持你!!!我真係好想問下此學校校長,咩你間學校有"先求人格"咩??唔好吹甘大啦!!!咩叫身教???連小朋友都怕左D老師,甘又點教好下一代??阿姐當小朋友好似隻野狗甘照顧,又點叫小朋友背三字經???唔好掛羊頭賣狗肉啦~~唔該!!!!

kaka_blog

我小朋友讀沙田校,正如各位家長講,你地好多不愉快既經驗,我小朋友全部都領教過...佢地老師皮笑肉不笑,學校亞姐做野馬虎,我小朋友次次放學出黎,件底衫都無涉好,整哂出黎,我見其他家長接放學時人人都投訴..事實上佢地學校廁真係所好"壓",地方又細,呢D環境因素都由佢喇,最緊要個小朋友讀得開心,點知係過去一年裡面,佢地都無法令我小朋友鐘意返學,除左英文老師,我小朋友一d都唔鐘意見到班主任..唉!! 好相信個班主任真係有愛心、用心教個小朋友既話,佢地一定感受得到,但我小朋友最後一日放學時,班主任連bye bye都唔講句”的”左我個小朋友出學校門口,呢個班主任”幾有”愛心就不言而喻啦,可能我小朋友K1唔再係佢地度讀,所以咁樣對待佢啦…但唔忿氣我地都交足一個月學費架,駛唔駛咁樣對個小朋友?? 我相信間間無學卷既學校都係商業架喇,但如果個家長都按時交足學費,完全配合學校既,班主任點假都好,都需要做返個基本既樣俾家長睇呢??

我小朋友讀呢一年內,試過好多次喊住話唔返學,話俾老師鬧鬧,我以為自己個仔較怕羞,唔敢同人說話先會咁講,但從我親眼見,原來佢個班主任都幾不知所謂,每日接放學,佢都只會同黎接放學既家長開懷social,但我地呢D要工人姐姐湊放學既,班主任就一手扯住小朋友隻手出學校門口,莫講話要佢滿面笑容,連bye bye都唔會同個小朋友講一聲,咁係咪呢個班主任需要先求人格多過我家小朋友呢? 我小朋友好鐘意英文老師,日日返黎都問住Mr.Robinson去左邊,但我問佢班主任叫咩名,佢到而家都唔知,只話我知叫鬧鬧老師,陰功!! 我係絕對贊成小朋友做錯要鬧,但亦相信老師應該要有耐心去教佢地,好話唔好聽,佢地入讀時得兩歲,老師要求佢完全配合,都必先要耐心教導,解釋俾學生點先叫正確,唔係我小朋友個班主任咁,只識鬧only,咁樣點俾好印象你呀?! 呢個班主任仲有好多行政安排上既問題,但唔想係度逐一提,費事好似唱衰佢咁..只希望呢間學校可以改善下班主任既素質,培養好我地既下一代!!

呢間學校知識教育方面其實唔錯,我小朋友返左學之後真係識左好多野,撇除老師上下員工有無愛心呢方面,佢都算係一間有點交代既學校,好相信每年都有好多小朋友去呢間學校爭學位,佢地都唔憂無人讀..但唔希望佢地有guaranteed既收生率而降低教育質素,咁樣真係好影響一班即將入讀嘉X麗nursery既小朋友及家長,學校宗旨為先求人格、後求卓越..但要體現到呢個目標,唔單單係個學生本質培育,而係一班教師既質素,真係希望佢地學校好好先”教育”一下呢班只當自己職業係一份工而無擺個心去教既老師,後而培育一群明日社會之才!!




[ 本帖最後由 kaka_blog 於 10-7-22 12:24 編輯 ]

toys

我小朋友完了n班(沙田)，也不會繼續讀，地方環境和老師都比我不太好的印象，反而外籍老師幾nice，我小朋友返未夠兩個星期他已識叫佢個名。
學校地方細，廁所感覺不太乾淨。
老師有一、兩位幾好笑容，有d就麻麻。就算我小朋友個班主任我都好少見佢笑，每次放學都好大力和行好快咁拖小朋友出來。

rubyrubylau

我阿仔讀沙田校, 不要以為真的有45分鐘英文, 是一班輪住有45分鐘, around每人只有15分鐘.

原帖由 connie118 於 10-7-21 11:22 發表
請問係邊間分校呢？我個女想報了n1

idy926

路過...我女女兩歲未夠時上佢playgroup又係狂病(shatin)，其實見倒佢個厠所都吾乾淨，同教學方法都幾悶，我女果時上堂時成日話要上厠所然後指住個門口表示要走，咁細個都借尿遁，我都吾會考慮。
之後有次我見一個teacher早上企係門口迎接D學生，一味勁抹鼻涕，病成咁都返學又吾wear mask，嘩，我吾讀佢選擇好正確！

MuiMuiQQ

我囡囡喺黃埔間分校讀咗半年多N1 , 我有以下意見可以分享 :

滿意地方 :

1) 囡囡之前喺另一間讀 N1, 返咗幾星期, 日日都大喊, 連行近附近嘅地方佢都係咁講NO NO ... 後來同佢轉咗去嘉X麗, 佢只係喺頭2~3 日喊, 跟住係完全okay ~

2) 囡囡返嘉X麗好開心, 喺屋企成日唱校歌, 又要孭學校書包... 每次行街途經嘉X麗, 佢都指住學校笑, 跟住又唱校歌 ~

3) 校長 & 某部份老師都幾 nice , 成日笑笑囗 , 有禮貌 & 好客氣 ~

唔滿意地方 :

1] 眼見好多病緊(流綠色鼻涕 + 雙眼紅紅)、 狂咳、甚致嘔都可以返學 -->> 呢一點我真係極度不滿 , 因為我囡囡讀咗 N1 之後真係病唔停, 成日都要睇醫生, 好慘

2] 學校幫唔到囡囡戒片(定係冇幫呢 ? 我真係唔清楚... 每次囡囡都有著住尿片返屋企; 我打電話問, 老師嘅答案都好含糊, 又話囡囡未 ready ; 但好多家長(其他學校)都話佢哋仔女d 學校係會主動除咗小朋友嘅尿片, 逼佢哋面對瀨濕褲仔, 而提升小朋友表達去殊殊嘅能力(但我俾咗5 條褲仔老師, 一次都冇用過, 囡囡每日都有著住尿片返屋企, 激死我 )

3] 某部份老師真係麻麻哋, 冇乜笑容 ... 問佢哋嘢先開囗答 1~2 句; 唔問佢哋嘢連笑容、普通打招呼嘅示意都冇, 成個木頭人咁(試過好幾次我接放學, 某某老師(班主任 :( )佢拖住我囡囡出嚟, 交放我手.... 個樣係冇笑容、冇招呼、冇表情... 好似勁勁勁攰咁 ~


不過因為我見我囡囡返得好開心, 所以其他不滿我就算喇, 唯有當睇唔到 ~