編班考試定生死 學子慘淪白老鼠（太一叮）

elbar

「各位同學，你哋一定要為學校爭光，為學弟學妹考好呢場試！」乜嘢考試咁巴閉呀？原來日前考嘅係中一編班試，新生入學後讀中文班定係英文班，就睇呢一鋪嘞。據講考試結果仲會影響佢哋原先就讀小學未來四年嘅派位組別。

事關重大，各學校都嚴陣以待，中一派位後就第一時間要小六學生返學校溫書，特別係狂操英文。其實，好多學校早喺一年前，學生啱啱升小六就安排佢哋惡補，每日放學後留低溫一粒鐘，全年風雨不改。校方攞歷屆編班試模擬試題畀學生做，溫到滾瓜爛熟為止。考試前半個月更係加碼，每日操三四粒鐘。

回歸後，特區政府愛國心爆棚，全力推動母語教學，點知搞到唔湯唔水，學生中英文都唔掂，更弊嘅係產生標籤效應，英中、中中壁壘分明。係人都知道，香港地不嬲重英輕中，家長都想自己嘅仔女英文誇啦啦，於是乎，英中招生打崩頭，中中就冇人吼。當局冇晒符，又話搞「微調」，批准部分中文中學開英文班，透過編班試分班。

嘩，直情係一試定生死！各小學有乜法子唔搏命逼學生惡補。咁就難為咗班細路咯。嗱，有啲小六生每日喺學校操練三粒鐘試題，返屋企又再溫習三粒鐘，仲要睇英文課外書。咁搞法，莫講話細路，就算大人都頂唔順。難怪好多學生都直言「壓力好大」。

小六學生其實一年要應付四次考試，編班試只係其中之一，仲有呈分試、畢業試、全港性系統評估，次次生死攸關。大佬呀，小六學生十一二歲咋，點可以承受咁大壓力！

講開又講，現時中小學生真係唔易做，事關班政府高官食飽飯冇事做，成日心血來潮搞乜嘢教育改革，一時話推動母語教學，一時又話要「微調」。又話要推行新高中學制，仲要開設冇人講得清楚學乜嘢嘅通識課程，總而言之，一波未平一波又起，將學生當白老鼠玩到殘。叮！

幼小嘅心靈點可以承受咁大壓力呀？難怪近年周不時有學生自殺，呢，近日就爆咗四單。據撒瑪利亞防止自殺會數字顯示，舊年十至十九歲青少年嘅自殺死亡個案，比○五年飆升四成三，其中學生自殺個案更比○八年增加一倍，當中唔少係不堪壓力輕生嘅。

太一叮忍唔住要問各位高官：你哋閉門造車推出一個個無厘頭改革嘅時候，有冇諗過，咁做會將學生推上絕路？如果自殺嗰個係自己嘅細路，你哋仲會唔會咁搞？

kitty

我都有同樣問題,我女同朋友個仔果間都係,入到精英班就叫做其中多兩科用英文教,朋友個仔就MATHS同SCIENCE,我女果間就GEOE同HIST,有D仲中文用普通話,咁我又係心諗到了中二咁如果入到精英班同被OUT出精英班咪好難適應,唔湯唔水仲衰!

原帖由 CrabPincers 於 10-7-16 10:12 發表


今年我幫個女將一間中中, 但會開一班英文班的學校填係第三志願, 我打過電話去問, 點樣可以讀到英文班, 老師答我係跟編班試去定個學生可吾可以讀到英文班, 吾係跟家長意願, 呢個我都知

之後我再問, 甘到中二呢?  ...

Sindy

原帖由 cookingmama1208 於 10-7-16 17:10 發表
根本就不知所胃的制度, 我們以前都沒有分英中或中中嫁啦, 為何而家要攪到咁亂, 到頭來咪又係苦了學生們! 我們可憐的仔女!

搵議員問,個議員助理話無問題喎.......一年中,一年英都無題喎,都唔知係咪夾埋架

cookingmama1208

根本就不知所胃的制度, 我們以前都沒有分英中或中中嫁啦, 為何而家要攪到咁亂, 到頭來咪又係苦了學生們! 我們可憐的仔女!

龍舌蘭

原帖由 CrabPincers 於 10-7-16 16:36 發表


但有無諗過, 個小朋友個適應問題?
我最concern 既係, 你學學下英文既terms, 忽然係中二時, 轉返個中文既terms

我信, 勉強無幸福, 但點都好過一年中, 一年英先law

呢個只係我自己諗法者, 我知道有d 英中, 如果小 ...

唉, 我意思係學校呢個辦法, 只想過將英文跟唔上的轉出來, 沒諗過可以轉入去.............. 一出英文班, 以後都是中文班嘍..... 想讀, 咪妳地家長幫下嘍...

judy

原帖由 CrabPincers 於 10-7-16 16:41 發表


無錯, 金文泰都好多學生入到cu

我係覺得, 一係全中, 吾好中一時用英, 跌左出黎, 中二時轉中, 中三成績ok, 又轉返英

我覺得甘既話, 真係一係讀全中, 一係讀全英好過 ...

同意。

CrabPincers

原帖由 judy 於 10-7-16 16:37 發表


你跳左一步。

要同大学"含"接嘅先决條件係考得入大學。依家雖云入大學易咗，但都係得18%到。

同一個人，我唔信用中文學習，考試時成績会差得過用英文學習的。

既考得入大學，我唔信同大學"含"接唔到。 ...

無錯, 金文泰都好多學生入到cu

我係覺得, 一係全中, 吾好中一時用英, 跌左出黎, 中二時轉中, 中三成績ok, 又轉返英

我覺得甘既話, 真係一係讀全中, 一係讀全英好過

judy

原帖由 兔仔得媽 於 10-7-16 16:14 發表
我都話hong kong goverment係白痴，攪什麼中中、英中，我個仔小五但成績只在中間，你話有無chance入英中？入唔到英中係咪升中後逢星期六、日去返英文全科班，咁將來先同大學含接？

你跳左一步。

要同大学"含"接嘅先决條件係考得入大學。依家雖云入大學易咗，但都係得18%到。

同一個人，我唔信用中文學習，考試時成績会差得過用英文學習的。

既考得入大學，我唔信同大學"含"接唔到。

CrabPincers

原帖由 龍舌蘭 於 10-7-16 16:32 發表


可能只想到出左英文班仲有幾多機會可以入返英文班...

即然英文班讀唔掂不如用中文仲可以學好d基本知識?

但有無諗過, 個小朋友個適應問題?
我最concern 既係, 你學學下英文既terms, 忽然係中二時, 轉返個中文既terms

我信, 勉強無幸福, 但點都好過一年中, 一年英先law

呢個只係我自己諗法者, 我知道有d 英中, 如果小朋友係分班試時, 考得吾好, 會call佢地summer 既星期六返去補課

母語教學都實施左甘多年, 結果係點? 如果成績係好既話, 今年就吾會攪個微調出黎, 我覺得個微調還玩c 人

龍舌蘭

原帖由 CrabPincers 於 10-7-16 14:28 發表


先吾好講label 呢個問題先啦, 夠竟有無諗過學生的適應問題? 今年英文, 出年中文, 後年英文.............

可能只想到出左英文班仲有幾多機會可以入返英文班...

即然英文班讀唔掂不如用中文仲可以學好d基本知識?

兔仔得媽

我都話hong kong goverment係白痴，攪什麼中中、英中，我個仔小五但成績只在中間，你話有無chance入英中？入唔到英中係咪升中後逢星期六、日去返英文全科班，咁將來先同大學含接？

judy

其實, 呢間中學, 係吾係有小小係左派呢? 我吾多熟呢間學校, 當時打去問資料時, 都係臨放榜前, 想搵定d 可以叩門的直資, 所以先打去問

係左派。

CrabPincers

原帖由 judy 於 10-7-16 14:38 發表


照計直資可決定自己的教学語言政策。點解要咁做呢？

我都吾知點解
但呢間直資的英文班, 都係得4科係用英文教, 當中包括英文科

http://www.chsc.hk/secondary/tc/schooldetail.asp?sch_id=1396&scl_District=others&District=WC

其實, 呢間中學, 係吾係有小小係左派呢? 我吾多熟呢間學校, 當時打去問資料時, 都係臨放榜前, 想搵定d 可以叩門的直資, 所以先打去問

judy

原帖由 CrabPincers 於 10-7-16 14:29 發表
我問左兩間, 一間津校, 一間直資

照計直資可決定自己的教学語言政策。點解要咁做呢？

CrabPincers

原帖由 Sindy 於 10-7-16 14:25 發表


其實原意係咪咁轉法架?咪仲衰過全英/全中?

我會覺得係law
我問左兩間, 一間津校, 一間直資
兩間都甘答我, 中一靠分班試, 中二看中一考試的成績

我都有問, 甘中一考試成績吾好, 中二用返晒中文書呀? 個學生點適應呀? 佢地同一個答案, 叫個學生勤力d 讀書, 中一都跟吾到, 唯有中二讀返中文班(大約係甘上下既意思)

之後我再提不起勁去問第三間............

CrabPincers

原帖由 KWT 於 10-7-16 13:03 發表



如以成績論英雄,即是話這些中學生要年年面對更大考試的壓力,爭取入英文班教學.

你做父母是否放手不管?如果d中學生今年讀英文班,明年成績只可讀中文班,他自己是否可以接受這個標籤. ...

先吾好講label 呢個問題先啦, 夠竟有無諗過學生的適應問題? 今年英文, 出年中文, 後年英文.............

Sindy

原帖由 CrabPincers 於 10-7-16 10:12 發表


今年我幫個女將一間中中, 但會開一班英文班的學校填係第三志願, 我打過電話去問, 點樣可以讀到英文班, 老師答我係跟編班試去定個學生可吾可以讀到英文班, 吾係跟家長意願, 呢個我都知

之後我再問, 甘到中二呢?  ...

其實原意係咪咁轉法架?咪仲衰過全英/全中?

judy

原帖由 KWT 於 10-7-16 12:57 發表
最慘是通識科,好似什麼題材都可以叫通識,考試出題厘定學生水準,什麼叫達標,什麼又叫fail呢?總知,玩死人.

唔想死多两錢重，讀中文通識啦。

我估通識應有一定課程范围。学了通識，煅練了思考。見到甚麼問題，都可有紋有路分析作答。我想重點不在觀點答案，而是能否"有紋有路"地作答。

我帶阿大去考会考，見到啲考生在試場外盡最後努力背答案。將來通識，如何背呢？

KWT

原帖由 洋洋 於 10-7-16 11:46 發表
即係，淨係影響有中,英文班嘅學校?
跟住就係每年入中文或英文班?

如以成績論英雄,即是話這些中學生要年年面對更大考試的壓力,爭取入英文班教學.

你做父母是否放手不管?如果d中學生今年讀英文班,明年成績只可讀中文班,他自己是否可以接受這個標籤.

KWT

原帖由 judy 於 10-7-16 11:01 發表


取消會考，迎來334，一試定終身，點会少壓力呢？

最慘是通識科,好似什麼題材都可以叫通識,考試出題厘定學生水準,什麼叫達標,什麼又叫fail呢?總知,玩死人.