對唔聽指令的小朋友，PLAYGROUP 是否浪費金錢？ - 幼校討論 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 對唔聽指令的小朋友，PLAYGROUP 是否浪費金錢？ ...

發新帖

查看: 18470\|回覆: 31	go 對唔聽指令的小朋友，PLAYGROUP 是否浪費金錢？ [複製鏈接]

Rank: 5 Rank: 5

醒目開學勳章


	1435

1^#

發表於 10-7-15 11:34 |只看該作者 |正序瀏覽 |打印

個 B 歲半唔算怕羞，但唔聽指令，上了幾堂 PLAYGROUP 坐唔定周圍走，叫名又唔應，又玩老師的音響器材，唔似其他小朋友坐定定聽老師講野。只是間唔中才和其他小朋友玩，和聽了音樂會跳下舞咁。唔知是否要上多些 PLAYGROUP 才見效還是浪費金錢？有冇家長可 SHARE 經驗？有甚麼類型的 PLAYGROUP 會比較適合和可訓練這些唔聽指令的小朋友？THX。

Rank: 4


	554

32^#

發表於 10-8-5 16:30 |只看該作者

我阿b又係咁, 同佢去JWT做gym, 四圍走. 同佢上會所攪既playgroup, 仲慘!!! 一個導師對十幾個細路, 話我阿b有自閉, 攪到我喊左幾次

, 不停揾兒科醫生求證, 醫生話阿b唔係自閉或過度活躍.
而家, 阿b返nursey, 自己上堂, 老師話佢無野哦.
各位, 加油.

Rank: 5 Rank: 5


	3775

31^#

發表於 10-8-4 14:10 |只看該作者

我個b都係,完全唔聽指令,我已經同佢反咗playgroup3個月多全完無用,每次我都好用心好努力同佢一起上堂,印姊+爸爸全完攪唔点,

最後只有我肯同佢上,其他家長好似當在我哋係怪物咁,

老師更加唔會就你.
上緊堂個嗅b一時話要奶,一時起身走咗出去玩或圍往個卷咁跑,如果我發火罵佢,佢會大喊,仲打我.真係擔心死我

Rank: 2


	84

30^#

發表於 10-7-30 11:39 |只看該作者

我個仔又係咁, 成日都唔聽我地講架, 有時去到玩既地方, 玩一陣叫佢走喇, 佢又唔肯喎, 有時重會喊架...... 同朋友去飲茶喇, 咁我個仔又坐唔定喎, 想落地喇, 咁我朋友就當然叫我, 唔好俾個仔咁, (因佢個仔係坐定定既), 好問心妳估我想個仔坐唔定咩, 真係大家有咁既感受既媽咪先知, 其實我地都好難受架, 叫又叫唔聽, 又怕影響到人....... 亦有好多人叫我應該點點點, 應該咁咁咁做, 知佢地係好心, 但唔係講咁易做得到囉......
有時見到好多小朋友都會坐定定, 聽指示, 當然會覺得呢D小朋友真係乖喇, 但我心想, 每個小朋友真係唔同性格, 有D乖過我個仔, 有D會頑皮過我個仔呢, 無論我地個小朋友有幾難教, 我地都要接受, 慢慢教囉, 我相信重有一天佢會乖乖地聽話, 唔好俾太大壓力自己同小朋友.......

Rank: 5 Rank: 5


	1847

29^#

發表於 10-7-29 13:21 |只看該作者

Dr Poon的可在組班專區找，那兒有thread。

至於兒童無限，你用google一search就找到，好容易。

都係那句，唔好

，小朋友活潑是件好事，最緊要係睇下點教係最好。我好彩遇到好老師好pg，希望你都會。

原帖由 lsftsang 於 10-7-21 16:52 發表

邊度有 DR POON ／兒童無限的 PLAYGROUP？ THX。

Rank: 4


	641

28^#

發表於 10-7-29 00:09 |只看該作者

我個仔都係一個好自我唔聽人講的小朋友，但我成日都同佢番playgroup.佢6個月大開始番架啦，到依家2.5歲，佢都仲係咁，不過其實佢學佐番playgroup的野你是唔發覺的，好似一個海綿吸收梗的。同時你梗加要比佢番多些習慣下其他小朋友係點上堂。佢地識講野就開始去學人地做野，看到小朋友做咩佢就會跟著做......你唔好太擔心.....佢唔聽指令你可以話係佢有自信，咩都靠自己....哈哈.....

原帖由 timkoye2010 於 10-7-27 11:33 發表
其實這些 playgroup 的老師跟本不會停下來，韆就些不聽指令的小朋友，我這個不聽指令的小朋友不是攪破壞，他只是自己有自己周圍行，不會騷擾到其他小朋友學習的。所以返咗都好似學唔到嘢及浪費金錢! 因 playgroup 的 ...

Rank: 3 Rank: 3


	246

27^#

發表於 10-7-27 11:33 |只看該作者

其實這些 playgroup 的老師跟本不會停下來，韆就些不聽指令的小朋友，我這個不聽指令的小朋友不是攪破壞，他只是自己有自己周圍行，不會騷擾到其他小朋友學習的。所以返咗都好似學唔到嘢及浪費金錢!

因 playgroup 的老師不會理我們這些唔聽指令的小朋友，不會對症下藥替妳教仔，只是按程序完成便算。

很商業化`感覺

Rank: 5 Rank: 5

醒目開學勳章


	1435

26^#

發表於 10-7-21 16:52 |只看該作者

原帖由 Freesia_cat 於 10-7-16 16:10 發表
其實我覺得問題不在於是幼稚園的pg定普通機構的pg，問題只係該pg請的是怎樣的老師而已。講真我同囝囝都上過好多不同的pg，有好有唔好，好似Dr Poon及兒童無限的老師們都好好，佢地都好有耐性對小朋友，亦會教我點教導小朋友。 ...

邊度有 DR POON ／兒童無限的 PLAYGROUP？ THX。

Rank: 1


	19

25^#

發表於 10-7-21 15:48 |只看該作者

I would like to share my finding. My elder brother's son has been attending the playgroup since 2009. He improves a lot. In the past, he is shy and sometimes plays with adults only. He doesn't like the same age children. But now, he is more active and more sociable.

Rank: 5 Rank: 5


	1847

24^#

發表於 10-7-16 16:10 |只看該作者

其實我覺得問題不在於是幼稚園的pg定普通機構的pg，問題只係該pg請的是怎樣的老師而已。講真我同囝囝都上過好多不同的pg，有好有唔好，好似Dr Poon及兒童無限的老師們都好好，佢地都好有耐性對小朋友，亦會教我點教導小朋友。我覺得最緊要係點揀pg，揀一d比較open態度的，師生比例較低的，都有幫助。

原帖由 lsftsang 於 10-7-16 14:11 發表

好多謝妳的分享，不過正如另一位家長說，去正規幼稚園辦嘅playgroup 可能會好些，尤其是對唔聽指令的小朋友。因 playgroup 的老師不會理我們這些唔聽指令的小朋友，不會對症下藥替妳教仔，只是按程序完成便算。上完堂後都是 ...

Rank: 5 Rank: 5

醒目開學勳章


	1435

23^#

發表於 10-7-16 14:11 |只看該作者

原帖由 Freesia_cat 於 10-7-16 10:06 發表
見到你所講，心有同感，所以真係好想同你分享下。

我囝囝同你囝囝一樣，唔怕羞，非常好動，最憎circle time，亦唔喜歡聽指令，佢喜歡自己試。佢好細個(6個月大)，我就已經帶佢上不同類型的pg，不過我比較認同跟住小朋友性格去揀pg，基本 ...

好多謝妳的分享，不過正如另一位家長說，去正規幼稚園辦嘅playgroup 可能會好些，尤其是對唔聽指令的小朋友。因 playgroup 的老師不會理我們這些唔聽指令的小朋友，不會對症下藥替妳教仔，只是按程序完成便算。上完堂後都是我主動問老師，她說我個仔而家已經歲半，仍未識聽自己個名好有問題，提議我們改叫他中文名。聽了後很唔開心，懷疑自己個仔真係甚麼都比人差。另外，我想講其實這些 playgroup 的老師跟本不會停下來，韆就些不聽指令的小朋友，我這個不聽指令的小朋友不是攪破壞，他只是自己有自己周圍行，不會騷擾到其他小朋友學習的。

Rank: 3 Rank: 3


	444

22^#

發表於 10-7-16 13:28 |只看該作者

其實好多學校都有, victoria, 迦南, 啟思, 方方.... 我只上過一間, 所以唔可以講話佢哋係唔係全部都會幫助有專注力問題嘅學生, 而且正如我之前所講, 其實呢個年齡嘅小朋友都係咁, 之不過d老師可能比較有經驗, 會識得應付.

有興趣想知多d佢哋playgroup嘅嘢, 最好打電話去問, 因為佢哋d website通常都冇講playgroup嘅.

原帖由 lsftsang 於 10-7-15 23:52 發表

請問邊度有正規幼稚園辦嘅playgroup？那些老師會否個別幫助有專注力問題的學生？或有邊位好老師介紹？THX。

Rank: 3 Rank: 3


	267

21^#

發表於 10-7-16 10:13 |只看該作者

我會覺得係小朋友太細個了,未必知道發生咩事,但多上幾次個情況就會唔同~~

去很多

原帖由 Freesia_cat 於 10-7-16 10:06 發表
見到你所講，心有同感，所以真係好想同你分享下。

我囝囝同你囝囝一樣，唔怕羞，非常好動，最憎circle time，亦唔喜歡聽指令，佢喜歡自己試。佢好細個(6個月大)，我就已經帶佢上不同類型的pg，不過我比較認同跟住小朋友性格去揀pg，基本 ...

Rank: 5 Rank: 5


	1847

20^#

發表於 10-7-16 10:06 |只看該作者

見到你所講，心有同感，所以真係好想同你分享下。

我囝囝同你囝囝一樣，唔怕羞，非常好動，最憎circle time，亦唔喜歡聽指令，佢喜歡自己試。佢好細個(6個月大)，我就已經帶佢上不同類型的pg，不過我比較認同跟住小朋友性格去揀pg，基本上我都揀一些有reputation會較接受不同性格小朋友的pg，即至少唔駛佢地成堂坐定定那種。

但我要跟你分享的，是囝囝1.5歲時入左維多利亞pg。記得第一日上堂，一班8個小朋友都係新來報到，有3男5女，全部差不多大。我囝囝一見到玩具就要玩，而且老師叫又唔肯聽，唔肯乖乖坐底聽故事，唔肯做手工，淨係想出去玩車車...... 而其他小朋友，即使同是男孩子，都會乖乖聽話，乖乖聽指示，心中真的不是味兒...... 如是者過左數堂，次次都要不停吮阿仔，試下坐多陣聽下故事唱下歌，試下排隊唔好掛住玩，當中有成功有失敗。

有次下課後，我正在執拾東西，中文老師走過來同我傾偈，好自然傾到小朋友。佢同我講，囝囝喜歡自己試係件好事，有自己主見亦是好事，小朋友個個不同，叫我唔好同其他小朋友比較。佢話見我會嘗試吮小朋友聽下講故仔，見小朋友開始唔專心會嘗試再引導佢嘅注意力，我已經做得好好，佢叫我唔好太擔心。到第二個星期上堂，中文老師叫我囝囝幫手搬嘢，幫手把東西分給其他小朋友等等，做完就讚佢叻叻，我囝囝好開心，所以都乖乖做。中文老師同我講，我囝囝已經到左那個喜歡聽讚賞的階段，佢已經明白做某些事會得到讚賞，叫我多d在佢做得好的時候讚佢。所以我又跟中文老師學習，囝囝乖我就俾個叻叻佢，結果慢慢地開始見到結果：阿仔去音樂室途中唔會再要去playroom玩車唔肯上堂，playtime過後叫佢去洗手食茶點佢會聽，玩完玩具會執拾，音樂堂會好投入，聽故仔雖然有時都仲係會郁身郁勢，但大致上都可以。

至於英文老師，雖然我囝囝畫畫時會好messy，但佢唔會阻止佢，仲讚佢好有創意，令囝囝的自信心增加。有時阿仔在她的堂頑皮，佢都會好包容佢，仲同我講叫我唔好介意，小朋友係咁，在安全情況下都可以盡量由得佢。

我好感激呢兩位老師的包容，同對我呢個新手媽媽的指導及安慰。講真我覺得上pg唔只係為小朋友，而且亦係俾為人父母一個學習做父母的機會，所以一d都唔係浪費。而且我想同你講的是，relax，唔好太擔心，只要處理得宜，佢嘅長處就可以盡量發揮，短處盡量改善。聽你形容你的小朋友，歲半人仔唔怕羞，活潑好動，友善對人呢d全部都係優點，只要你耐心慢慢培養佢嘅專注力及耐性，咁就已經係個very good child啦！

希望我同你分享的會幫到你啦！

原帖由 lsftsang 於 10-7-15 11:34 發表
個 B 歲半唔算怕羞，但唔聽指令，上了幾堂 PLAYGROUP 坐唔定周圍走，叫名又唔應，又玩老師的音響器材，唔似其他小朋友坐定定聽老師講野。只是間唔中才和其他小朋友玩，和聽了音樂會跳下舞咁。唔知是否要上多些 PLAYGROUP 才見效 ...

Rank: 3 Rank: 3


	353

19^#

發表於 10-7-16 01:26 |只看該作者

strongly agree,最重要係父母叫得到,如不能,真係要找bb有興趣的,同埋睇下平時邊個湊再找問題根源

原帖由 sheffield 於 10-7-15 16:58 發表
請唔好介意我講嘅野…
如果小朋友唔聽指命，成日走黎走去，其實會影響到其他小朋友學習…我試過上堂音樂堂，兩個daddy mommy都搞唔掂一個仔，亞仔走黎走去，姐姐攞住d樂器佢又去搞，果堂根本就上唔到堂…
小朋友細，但還是可以學司 ...

Rank: 5 Rank: 5


	1395

18^#

發表於 10-7-16 00:38 |只看該作者

原帖由 wendycyp 於 10-7-15 18:08 發表
好同意呀... 其實我個仔第一個學期真係有影響到其他人上堂, 雖然每次我都會叫佢返過去我個位, 但坐一陣就走開. 好彩佢慢慢會有進步....

我亦見過有同學仔父母真係搞唔掂個小朋友, 大叫大喊都唔收聲, 結果要由另一 ...

Would you send your playgroup info for me?

Rank: 6 Rank: 6


	5092

17^#

發表於 10-7-16 00:32 |只看該作者

正規幼稚園的PLAYGROUP有維多利亞、好時光、德寶都有，你可以問吓你屋企附近的幼稚園呀!

原帖由 lsftsang 於 10-7-15 23:52 發表

請問邊度有正規幼稚園辦嘅playgroup？那些老師會否個別幫助有專注力問題的學生？或有邊位好老師介紹？THX。

Rank: 5 Rank: 5

醒目開學勳章


	1435

16^#

發表於 10-7-15 23:52 |只看該作者

原帖由 wendycyp 於 10-7-15 18:08 發表
好同意呀... 其實我個仔第一個學期真係有影響到其他人上堂, 雖然每次我都會叫佢返過去我個位, 但坐一陣就走開. 好彩佢慢慢會有進步....

我亦見過有同學仔父母真係搞唔掂個小朋友, 大叫大喊都唔收聲, 結果要由另一 ...

請問邊度有正規幼稚園辦嘅playgroup？那些老師會否個別幫助有專注力問題的學生？或有邊位好老師介紹？THX。

Rank: 3 Rank: 3


	444

15^#

發表於 10-7-15 18:08 |只看該作者

好同意呀... 其實我個仔第一個學期真係有影響到其他人上堂, 雖然每次我都會叫佢返過去我個位, 但坐一陣就走開.  好彩佢慢慢會有進步....

我亦見過有同學仔父母真係搞唔掂個小朋友, 大叫大喊都唔收聲, 結果要由另一位老師帶走個小朋友, 等佢冷靜下.

我個仔比較活躍, 我想佢學下有耐性, 有秩序, 唔好成日都咁心急, 所以我冇俾佢上活動型嘅playgroup, 反而揀正規幼稚園辦嘅playgroup, d老師都係教緊n1-k3, 好有經驗, 可以令到小朋友守紀律同專注, 好似一個濃縮版嘅n班.  我個仔真係比以前有紀律同守秩序, 不過真係要花時間, 唔係上一段短時間就可以睇到佢嘅轉變!

原帖由 sheffield 於 10-7-15 16:58 發表
請唔好介意我講嘅野…
如果小朋友唔聽指命，成日走黎走去，其實會影響到其他小朋友學習…我試過上堂音樂堂，兩個daddy mommy都搞唔掂一個仔，亞仔走黎走去，姐姐攞住d樂器佢又去搞，果堂根本就上唔到堂…
小朋友細，但還是可以學司 ...

Rank: 6 Rank: 6


	5092

14^#

發表於 10-7-15 17:41 |只看該作者

你BB之前有冇返開PLAYGROUP呢? 如果是初初返，佢可能未知發生什麼事，還未懂得何時坐定定? 何時取玩具和收玩具等指令。

我也是過來人，如果BB持續返了一段時間還未改善，或者要正視也這個問題，因為我囝囝初初返PLAYGROUP周圍走，唔肯做小手工，叫佢名字又唔應，又唔聽指令。或者有需要，你可PM同我傾吓。

原帖由 lsftsang 於 10-7-15 11:34 發表
個 B 歲半唔算怕羞，但唔聽指令，上了幾堂 PLAYGROUP 坐唔定周圍走，叫名又唔應，又玩老師的音響器材，唔似其他小朋友坐定定聽老師講野。只是間唔中才和其他小朋友玩，和聽了音樂會跳下舞咁。唔知是否要上多些 PLAYGROUP 才見效 ...

‹ 上一主題|下一主題 ›

發新帖

熱門主題

最高瀏覽主題