製作Portfolio分享 - Part 1

Happyfather2007

日前有朋友問我點做阿仔個Portfolio考小一 (小兒九月升小一), 我回覆了一個很長的email.
想來也可以拋磚引玉, 在此與各位分享一下.


不過先旨聲明, 我唔係吝嗇, 亦唔係小器, 我無成個portfolio copy俾個friend參考, 就係唔想佢先入為主.
既然大家有心為小朋友做個portfolio, 就一定要有自己既思考同風格, 咁先最真實.  講真, 您問我個portfolio做得乜野叫做好, 我唔識答; 您問我個portfolio幫到考小學幾多, 我亦唔知.  不過, 我只係可以同您分享, 我做完個portfolio, 我自己好滿意, 因為我唔覺得係苦差; 我亦認為我已經可以將最想人地了解我個仔既野, 係portfolio入面講哂出黎!

言歸正轉, 以下係我幫阿仔做portfolio時的所想所思, 與大家分享:

家長心理質素
首先, 為小朋友做portfolio, 家長一定要有好既心想質素, 千祁唔好當係交差; 亦千萬唔好諗住係網上搵個template照抄; 又或者俾錢人地幫您做.
因為無論人地graphic做到幾好幾靚, 結果都係倒模一樣, 完全無靈魂, 無主題.
既然您已經選擇陪小朋友玩呢個殘酷既遊戲, 點解唔當係一個親子活動, 開開心心做好佢?

Portfolio點做好?
1.
主題
坦白講, 家長為仔女做個靚靚既portfolio, 最終都只係有一個目的, 就係想為子女爭取一個最好(家長認為!)的學位.  直接d講, 您都係想sell您個子女最好既野.  所以, 做portfolio第一樣野, 就係要攪清楚, 究竟您想sell您個仔女D乜先? 在開始準備做portfolio時, 您一定要嘗試仔細想想您既仔女有邊方面您想highlight.  例如: 可能您幫佢參加過好多比賽, 攞過好多獎, instead of您將佢既証書一張一張陳列出來, 不如您嘗試將佢參加過既比賽歸類, 原來有體育, 有音樂, 有美勞…結果, 您就會發現, 您個仔您個女既發展都好全面喎, 所以個portfolio既main theme就可以係凸顯您個仔您個女係樣樣皆能既小朋友.
又或者, 唔係喎, 我無同個仔參加好多比賽喎, 只係學下游水, 學下英文! 咁咪無野寫? 點會呢? 您個仔既生命係活架麻, 攞獎只係生命中既一少部份.
您可以嘗試從佢既興趣諗下, 佢鐘意發白日夢, 做勞作喎, 咁您咪highlight佢係幻想力強, 有創造力既小朋友囉!
阿爸阿媽鍾意行山, 個個星期日都捉埋個女去行餐飽既, 個portfolio咪又可以highlight呢樣野囉.

如果您問我, 小朋友學琴棋書畫, 中英數普德法日語, 比比皆是! Portfolio固然要寫, 但係當個個都係羅列一大堆certificates, 咁究竟您個小朋友同人地個小朋友有乜分別呢?
以我幫我個仔做既portfolio為例, 我劈頭第一頁就起個
“我有一個大家庭” 為題.  點解? 好簡單, 因為我有三個小朋友再加一隻貓! 喂, 呢d咪最基本您個小朋友同人地既分別囉.
您估而家咁多小朋友有細佬妹架?
咁咪好玩囉! (成唔成功係其次) 當然, 深入一層, 我亦係想話俾人地聽, 我教小朋友, 其中一樣理念就係”以家為本”, 有儒家 “修身齊家”既意味.
如果有機會 (雖然我無!)您個仔您個女second in / third in, 人地攞住您份portfolio同您傾，您咪又多D野講囉! 您話喇, 咁點可以就咁抄template呢?
                                                                                 (待續...)
2.

winchoy16888

多謝分享

Happyfather2007

To yypapa

其實呢個係一個好好既機會, 讓作為父母既我地, 去總結一下自己仔囡的總體發展係點樣?  加油呀!

yypapa

好 buy "主題"  個 concept。但唔知點做得好

原帖由 virginia_328 於 10-7-16 12:45 發表
happyfather2007

多謝你嘅分享, 啟發了我的製作方法 !

virginia_328

happyfather2007

多謝你嘅分享, 啟發了我的製作方法 !

isis_dad

It's great ! Thanks for your sharing.

Christi

me too...thanks for sharing.

moumou

多謝無私分享。十分認同你的做法，期望待續。