2010~2011 小一家長請進!

aquarius828

感謝神! 仔仔慶幸入到循小(下午班)! 希望大家聯絡下啦!

aquarius828

各位早晨丫!

e個版面麻麻地咁, 好似密咗d咁==

係丫, 聽日開始考試啦, 大家記住加油丫! 希望個個都收到好嘅新年禮物啦!

小鄧

唔緊唔要"有時係因為本身性格係咁, 本身性格就好難改, 唯有大家tune返同台同步, 就大家會開心d。如果唔係, 就有機會係我地理得佢太多, 所以佢好安樂, 咩都唔使理, 所有事情好自然會發生囉。有時我想佢自己去緊張既野, 我就會同佢講, 這件事之前媽媽會幫忙做, 現在你大個仔, 媽媽相信你有能力去做好佢, 你自己試下啦, 得左。功課方面, 都由開學試到現在, 都改變左好多, 以前是旦做完, 現在自己在交俾我睇之前會再睇一次先, 自言自語話寫得唔好要改左先。當然好多時都仲係傻傻下, 錯好多囉, 我笑笑口問佢係唔係瞓住做, 佢就知自己衰左, 即刻Double check。上年99%功課都唔記得寫名, 冇日期等, 講左一年, 佢得返10%唔記得寫, 好大進步。因為我同佢講份功課做得咁好老師都唔知邊個做, 好嘥, 冇日期就唔知你幾時做,做得好都獎唔到印仔, 又好唔抵。這番說話講左1年先work, 個個小朋友的能力唔同, 加油呀!

aquarius828

小鄧:

攪乜笑丫, 真係比仔仔激c就有份, d人成日同我講: "唔緊要啦, 大d就得架啦, 個人會定性d架啦, 會小心d架啦"......但點解我唔覺架 佢成日都十下十下咁, 乜都是是但但, 求求其其.... (尤其d功課丫, 哈哈哈)

小鄧

Aquarius,

你好攪笑呀, 放假咁大件事仔仔都冇講? 我仔仔最緊張就係放假, 所以我地一早mark 左, 不過都唔記竹同爺爺講唔使接放學, 好彩發現得早, 通知到佢。

aquarius828

各位早晨丫!

講樣烏龍事你地聽.... 我今日照舊同仔仔一早起身就返學啦, 同平時一樣, 匆匆忙忙趕出門口, 去到校車站啦, 等丫等丫, 見同站個姐姐未嚟, 又見校車遲遲唔嚟, 跟住我已覺得奇怪, 於是拎本手冊出嚟睇下個校曆表, 睇一睇, 先知原來今日係放假, 咁我地只好又返番屋企, 仔仔又話要買麵包, 行一陣... 你地話我地幾大矇~~ 所以我一返到屋企, 第一件事就拿拿聲mark低番哂d假期係月曆到先, 費是下次又擺烏龍..... 其實次次仔仔都識得講, 第日唔使返咁, 唔知點解琴日又無講到... 我又無為意, 結果就.......

[ 本帖最後由 aquarius828 於 11-12-8 10:14 編輯 ]

小鄧

仲未計老師送呢, 我屋企最多係間尺, 我有一次執屋, 執出好多文具用品, 由幼稚園、生日會到現在、全新的, 未開袋的, 好多好多, 我結果要用一個櫃來放, 最後我帶晒返公司, Thomas 類的送晒俾同事個幼稚園仔仔, 其他的, 送左俾另一個同事, 因為佢有返教會, 佢話教會內有好多好窮的小朋友, 啱晒。依家個櫃鬆左d, 我亦下定決心唔再買, 希望好d。

aquarius828

各位早晨丫!

仔仔可能知道屋企多刷膠, 所以真係唔識珍惜丫! 因老公會買d一盒一盒有30粒嘅返嚟, 所以仔仔知道用完又會有, 所以我地口講成日叫佢要珍惜都無乜用咁 我估佢真係要親身體驗吓d落後地方先會感受到囉~~ 我同老公又會同佢去"den"下彩虹, 去d乜乜樂園果d (因為有時見佢讀書咁辛苦, 都想佢玩下開心下)咁去得果d地方, 又會"den"到下d小禮物丫, 文具返嚟, 所以佢會覺得容易得到丫!

原帖由 小鄧 於 11-11-25 11:32 發表
揭書問題我仔仔都有, 爛係唔好, 其實係我地做媽媽接受唔到佢爛晒, 但佢自己覺得冇問題。我就試過同佢借圖書館的書時, 剛剛發現有d書俾人撕爛晒, 用筆畫花晒, 最正一次係睇到最後一頁唔見左, 唔知大結局, 我就同仔仔 ...

小鄧

揭書問題我仔仔都有, 爛係唔好, 其實係我地做媽媽接受唔到佢爛晒, 但佢自己覺得冇問題。我就試過同佢借圖書館的書時, 剛剛發現有d書俾人撕爛晒, 用筆畫花晒, 最正一次係睇到最後一頁唔見左, 唔知大結局, 我就同仔仔討論這些書, 問佢鐘唔鐘意d書攪成咁, 講講下佢就明白要好好保護d書, 依家就自己攪到包書膠甩左, 自己會叫我幫佢貼返好, 慢慢來啦, 我講左1年.....。
擦膠事件, 我都一樣, 次次有粒新的就將佢碎屍, 又係我地唔忍得囉, 默書我都忍心唔俾新佢, 同佢講你冇擦膠用就要小心d唔好寫錯字囉, 寫錯冇得擦就唔好啦。仲有, 我會帶佢去文具店,仔仔見到擦膠勁開心去選, 我就任佢選, 選完之後佢話要買, 我就話買啦, 臨俾錢時就話都係唔好買, 因為佢對d擦膠唔好, 成日都碎晒, 咁靚既擦膠碎左就唔靚啦, 不如你識得好好用擦膠時一我地再去買, 結果佢就改左這個壞習慣了, 咁當然就要有口齒買返一粒靚擦膠俾佢啦。當時我都留意左佢兩個月, 當然俾粒新既佢, 明陰佢, 擦膠冇再惡化就又行文具店, 跟住就讚佢對擦膠好左, 買一粒佢最鐘意的, 勁開心囉。

你又試下, 不過就要多d時間, 記性要好, 媽咪要講得出, 記得返, 做得到。

aquarius828

各位早晨丫!

小鄧: 我都有咁諗嘅, 但係.... 我真係驚個進步空間越嚟越大呢 我睇都要諗諗計鞭策下佢先

琴晚我先鬧完佢一餐, 提佢唔止數佰次架啦, d書成日大力"歇", 攪到d書成日爛, d刷膠比完一舊又一舊, 有時已經叫佢用返d細細粒粒架啦, 等佢試下果d滋味; 但一到默書丫果d就忍唔住都要比返原整一舊佢, 一返嚟又係咁; 加上佢做功課時又散漫, 所以琴晚終於忍唔住就話咗佢一餐; 一大聲話佢, 佢就起勢係咁做, 唔通日日都要大大聲聲話佢先得, 如果日日都要咁, 咁真係c唔少細胞囉

小鄧

你見到佢真身又唔會覺得有咩特別, 是四眼仔一名, 之前眼鏡是淺藍色, 朋友話佢勁似四眼雞丁, 依家換左深藍色就話冇咁似, 我好唔明, 明明四眼雞丁個眼鏡是綠色的。

成績算有交代了, 我地阿Q d, 仔仔仲有好大進步空間, 可以繼續努力。

aquarius828

hihi,

小鄧, 我都好想見下你個仔丫, 佢真係好攪笑丫! 我都比佢笑C... 但講真一句, 你仔雖然咁作, 但應該都總有分架喎(個人覺得架咋---> 起碼都有1分啦) 我個仔作句都係咁上下架咋, 老師直頭打個QUESTION MARK落去, 連我睇完都唔知佢想UP D乜, 原來佢話有D字唔識寫, 咪"了了地"咁寫囉, 咁幾個字都"了"的話, 成句都唔知乜嚟囉, 哈哈哈~~~

你個仔好叻丫, 我仔就比科英文同數學拖低哂丫, 佢4科平均分得75分到咋... 唯有寄望下次考試啦!

原帖由 小鄧 於 11-11-24 11:26 發表
我個仔就係成日都好攪笑呢, 我覺得佢大個左會係做d帶俾人歡樂既工作。

4份測驗卷, 平均都有80分, 我好滿意呀! 你地點呀?

小鄧

我個仔就係成日都好攪笑呢, 我覺得佢大個左會係做d帶俾人歡樂既工作。

4份測驗卷, 平均都有80分, 我好滿意呀! 你地點呀?

hellokitty2002

我睇完都笑左出黎...

原帖由 小鄧 於 11-11-23 11:03 發表
中文測驗卷都派左了, 我覺得好似冇上年那些卷咁深, 定係小朋友開始適應呢?

IQ笑話分享︰
測驗卷有作句題, "預備", 我仔仔作好一句, 冇寫錯字, 但係一分都冇, 原因係佢句野寫----我在預備吃糖。

另一句要作"先...然 ...

loveAM

我只仔中文都測得好好，令人驚喜！我初時都以為份卷淺，仲聽聞班班都好多人高分，我睇完份卷，其實同以往差不多，係我地啲小朋友進步左。

小鄧

中文測驗卷都派左了, 我覺得好似冇上年那些卷咁深, 定係小朋友開始適應呢?

IQ笑話分享︰
測驗卷有作句題, "預備", 我仔仔作好一句, 冇寫錯字, 但係一分都冇, 原因係佢句野寫----我在預備吃糖。

另一句要作"先...然後...", 佢就寫成----我先吃糖, 然後睡覺。

問佢仲咩咩都寫吃糖? 吃飯唔得咩? 佢話佢都好想寫吃飯, 但係唔識寫個飯字囉! 哈哈, 我地成家人笑左好耐。

小鄧

一定再有機會聚頭啦, 學你話, 12年喎, 咩都得啦!

我都有帶零食俾佢, 仲帶左好多tim, 簡直係搬左屋企個食物櫃去, 仔仔掛住走去玩, 我就幫下佢手派晒俾d同學仔, 人人開心囉, 回程時佢自己都唔覺得少左野食, d同學對住佢笑笑口, 好開心話佢d野好好食囉! 我仔仔玩到連有小賣部都唔知, 有公園都唔知, 只在球場上已經好滿足。

今日唔會有咩報喜啦, 中獎的都是計劃之中的, 要報喜的多是6月份呢。

aquarius828

各位早晨丫!

小鄧, 我地終於見過面啦, 但傾計時間唔多, 其實果日都好難得有哂a, b, c, d班嘅家長架, 可以傾下計, 時間多d就正啦!

果日旅行完, 仔仔喉嚨痛丫, 哈哈哈, 之後帶佢去睇醫生丫; 果日佢地真係發哂達, 任食零食無人話, 但食得鹹魚就要抵得渴, 呵呵!

今日小一自行派位放榜啦, 唔知有無新家長入嚟報下喜呢可?

小鄧

咁又一day啦, 希望大家明天旅行開開心心, 玩得投入, 玩個痛快。

aquarius828

小鄧:

你講得無錯丫, 成績好嘅要keep住, 所以要博命; 成績唔太好果d, 就要博哂命去追頭d; 至於成績差果d, 直頭要博哂條命起誓追; 所以都係不同程度嘅為成績而博命...

你仔仔心地好好, 好識得為人著想, e樣嘢真係難得架, 如果要我撰, 有個成績好, 但唔好心地嘅; 一個成績麻麻嘅, 但好心地果隻, 我一定撰後者, hehe~~ 不過最好就係兩樣都有啦, 人本性就係貪心, 想一得二, 所以我覺得首先係要大人改改先, 而唔係小朋友丫, 哈哈哈.....

原帖由 小鄧 於 11-11-16 15:26 發表
咁就明天call你啦! 今次只許成功, 不許失敗。

有時回想起, 結婚接新娘時, 新郎哥都係話咩聽晒老婆話, 咩d錢俾晒佢咁, 其實要提下d將會結婚又會生bb的準新娘要加返句, 有仔一齊教囉。

我地都好慨嘆, 成績好的小朋友 ...