我個女34個月, 被評遲左9個月

ttlucky0303

我個女34個月, 好唔開心,上星期同佢去做評估, 只有25個月, 好心痛...姑娘話佢口肌能力弱左少少, 但沒有流口水, 咬野唔係好夠力.
佢而家未可以講到句子, 只有"食蛋",食飯,"去廁所", "一齊玩呀", "媽咪攬住", "媽咪,返黎啦"..等2-4個字既短句, 未能運用你,我,佢...另外英文只會講keyword, eg:"mammy, on the bed lay down", "sit down"同生字....等, 如果問佢問題一時答yes, no..一時會跟住你講野(當我罵住黎問)
我地以前平時同佢講中文, 遊戲時間就英文, 而家我就全中文, daddy平時同佢講中文, 遊戲時間就英文, 工人全英文, 因為買左套英文教材,所以同佢玩英文教材時會用英文, 佢識既物件都係講英文(eg:數字, 動物, sofa, table, chair..etc) 因為佢以英文先入為主.
想知我地係唔係一定要停哂0的英文, 有咩改善地方??!!

ttlucky0303

又有進步, 真係好開心, 女女經過一年既努力, cac評估佢遲緩6-7個月, 估唔到進步左咁多..

keithngwcm

Hi Muima,

除了語言, 請說一下小朋友是否有其他問題, 例如運動失衝, 智力, 社交, 身高體重, 食物敏感, 專注力或其他障礙, 可以是嚴重或輕微.

謝!!
Keith

muima

hi 各位,

CAC confirm 小朋友有語言delay (around 1 year) & 有自閉傾向,  真係好擔心 & 唔知點幫佢, 應該找什麼course 咩佢讀? 坊間實在有太多唔同機構&training 但價錢真係唔平,  請問大家有沒有一些 意見, 可以share, 我應該從那方面入手?

ttlucky0303

yookko ,

你好, 多謝你既分享, 唔知你可否再分享多0的你既努力, 有時我都做到冇咩頭緒..., 我都希望我小朋友可以好似你小朋友咁成功...

yookko

TTlucky0303,　其實你真係唔需要咁心痛同唔開心，delay 9個月真係好少嘢，最緊要係你做緊嘢，相信好快追番上來，我個仔智力同語言能力在2.5歲時被評delay左年半,經過不斷努力，今年入小一，智力同語言已完全與同齡小朋友一樣，我唔係想得到別人的讚美，而係想你們要繼續努力，唔好錯過他們訓練的黃金時間，到你之後望番轉頭，你會覺得一切都是值得

littlehei2008

好多謝妳回覆!  

我都同囝囝開始報一些小組及個別的訓練, 在家都同囝囝"再"多些傾計, 希望會好快追得上程度喇, 大家一齊努力呀!!!

ttlucky0303

我都只係搵自己屋企附近既中心, 我小朋友係私人言語中心做緊訓練, 兩星期一次, 另每星期六帶佢去協康, 耀能ETC社交班OR興趣班, 每星期同佢上單對單訓練(呢個係我朋友幫佢做, 因為我朋友係幼稚園老師), 另仲外佢一夠3歲半就同佢參加一0的興趣班..

CAC評佢發展遲緩, 我覺得佢有少少自傾問題, 因為同佢講野時眼神好差, 同唔係主動開聲個0個, 要人地問佢先開聲..

而家同佢做訓練大半年, 佢進步左好多, 肯講多左野(仲係2-4詞既句子), 主動表達, 同你講野時眼神多左, 明白我地講野多左, 問佢學校生活可以簡單講到0的出黎, 同埋個日同左咩同學玩

係屋企同細路玩, 又會照顧細路, 當然仲有同細路爭寵既時候啦~

大家一齊努力呀

littlehei2008

我囝囝快 3 yrs old, 評估了, 結果是語遲了10個, 請問妳們可不可以給我介紹一下"個別評估治療師"和"小組訓練"呢?  係呀, 仲有我囝囝有輕微自閉, 所以真係擔心, 希望有經驗既媽咪多給我介紹吓!!

Thanks a lot!!!

ttlucky0303

Keithchloe,
初初知道消息心情有幾咁唔開心, 我地家長最清楚.評估有冇講佢遲幾多??佢識講英文句子, 佢係同人對答定係自己無啦啦講?
有冇言語治療師同佢跟進? 你可以打去健康院排政府服務.

不過你睇你決定想佢全中文定全英文, 我之前都係咁一開始都係教小朋友英文, 發覺佢中文有問題, 先知問題出現, 而家你地可以先選好一個LANG, 你想佢同你地溝通係用中文定英文? 佢同外界小朋友係用中文定英文?

當然英文可以唔放棄, 每日用少少時間教佢英文, 但你地同學校最好都用全中文, 佢既中文自自然然會好.
另外我個女仲有上社交班同言語治療.
希望可以幫到你.

Keithchloe

原帖由 ttlucky0303 於 11-3-23 16:47 發表
其實我知9個月唔係好多, 亦知道佢已經好努力, 盡量做好我的要求同練習, 不過有時朋友話佢既時間有0的唔係好開心, 好想唔理, 好想唔聽, 不過入左腦,有時都會偷偷地哭 ...

Yesterday we went to Child Assessment Centre and found my son (3 years old 4 month) "語言社交較弱". We are so worried.

Actually my son study in International Class since 2 years old. He can speak fluent English, with complete sentenances. However, he is shy and weak at speaking Cantonese. We hope him to develop better in English. However, now he is very weak at English.

We don't know what we can do to help him, we start to speak Cantonese at home with him, but surely he is much worse than other child with similar age.

Could any one can suggest him the way to help him? Thanks

ttlucky0303

其實我知9個月唔係好多, 亦知道佢已經好努力, 盡量做好我的要求同練習, 不過有時朋友話佢既時間有0的唔係好開心, 好想唔理, 好想唔聽, 不過入左腦,有時都會偷偷地哭

szeszes

樓主, 你小朋友 delay 左9個月, 都好快可以追到

我仔6歲, 之前一直健康院既言語發展都 pass, 5歲我地再要求去做轉介, 才知有問題, 心理專家話中左 "狡窄興趣" 係自傾小朋友

之後, 搵私家 check 言語發展, delay 左2年,  6歲只有4歲既理解及表達, 而家努力訓練, 聽到呢個 result, 好心痛, 覺得點解咁遲先知 (因為仔仔一直只係講野句子短, 表達 ok)

呢2個星期明顯係... 好多野講, 好多野問, 樣樣都想知

[ 本帖最後由 szeszes 於 11-3-16 14:44 編輯 ]

ttlucky0303

9個月至一年, 我都唔知多唔多, 佢係有進步, 不過仲佢0的朋友仔仲好多, 身邊有0的朋友成日話佢咁少聲氣...有時入左聽都真係幾傷心~

szeszes

差異9個月, 其實都好快可以追到

mio8390

原帖由 ttlucky0303 於 10-6-9 14:50 發表
我個女34個月, 好唔開心,上星期同佢去做評估, 只有25個月, 好心痛...姑娘話佢口肌能力弱左少少, 但沒有流口水, 咬野唔係好夠力.
佢而家未可以講到句子, 只有"食蛋",食飯,"去廁所", "一齊玩呀", "媽咪 ...

你囡囡都唔算差，不需太緊張，當年我仔仔32個月時都是講到單字，最初半年上預備班時，我也完全聽不明他唱什麼唱，手的小肌肉也不太靈活，可能是一孩子的關系，沒有同年齡的小朋友一起生活，所以比較慢，但上到K1的下半年，已經和正常的小朋友沒有太大分別，上到K3時數學還特別好，我都聽過有人說，太細過時用雙話教導會令小朋友混淆，減慢學習速度。

crystal媽咪

原帖由 ttlucky0303 於 10-7-12 11:20 發表
唉, 呀女而家開始講到0的短句, 不過要諗一陣, 有停頓位(eg:daddy抱...我, 我要食...餅餅), 另外佢講一句野, 有重輕聲字(eg: 俾積木媽咪砌(俾大聲,積木細聲至輕聲,媽咪砌大聲), 有0的字又咬得好肉緊, 可以點樣改善~~
...

講野有停頓, 唔夠連貫, 有時因為怕說錯, 又或者要想想點去組織句子同用邊d詞彙至啱.
至於你話講一句說話有時大聲有時又細聲, 你可以在佢講完句子之後, 再重覆一次, 如: 哦 !! 比積木媽咪砌, 你說的時候用返平時的聲量, 慢慢說一次比佢聽, 唔一定要強迫佢跟你講, 但比佢聽到正確的聲量, 久而久之會懂得控制聲量了.
加油 !!!!

ttlucky0303

不知不覺同佢做訓練已經有大半年--
講野方面> 由初初唔係好主動講野, 去主動講有要求, 再至又主動表達佢要做咩, 到而家會講學校生活我知同埋會叫細路唔好做咩, 要做咩..etc
理解方面> 由十問九唔應, 至而家十問有八答, 同佢講野明白左好多.

當然佢同出面小朋友仲差d, 當中有甜有苦, 試過冇進步過, 試過倒退, 個陣真係好辛苦, 成日都諗我做錯乜, 我要同佢點做先好. 真係經過左好大好多既經歷, 由唔敢承認佢有問題, 至而家會同人分享, 同人講"我同呀女一齊努力緊架啦~", 我同daddy呢段路真係唔易行, 不過好彩既就係可以一家人一齊行, 無論點難行, 都要一齊行.

To呀女:
媽咪知你好努力, 媽咪知你好乖, 媽咪知你明白左好多野, 媽咪同daddy只想同你講句"我愛你"
媽媽

ttlucky0303

一個月的進步, 因為言語治療師要出外訓練, 停了一個月, 今個月開始訓練, 治療師話佢講野穩定左, 主動左, 佢一句句子中有兩三個名詞講到出黎, 不過0的連接詞未係好得, 不過佢肯主動想表達咁長既句子已經好好, 希望佢繼續努力啦~~, 我聽完都好開心...

ttlucky0303

呀女終於肯講番0的野, 講多左短句, 不過都係一時英文, 一時中文~~!!