請問資優兒的媽媽你們的兒子3歲時會有什麼特別叻？

juliet

請問有經驗的資優兒媽媽可唔可以幫到我?

我想問0下我個細仔今年3歲3個月,佢學0野好快,我教佢A-Z,佢可以認得晒,就算抽問都識答,1-50都識數及識認,屋企電話號碼及我同老公手提號碼都識背,又鍾意玩砌圖,宜家250塊都識砌,仲砌得好快添!我宜家已經開始教佢睇鐘,佢都開始識,佢學0野真係好快,咁算唔算係資優呀?請問有經驗的資優兒媽媽可唔可以幫到我呢?唔該晒~

babyfacevs

還有想補充一點是我們發覺我們的囡囡自學能力很強，記憶力和處理程序步驟也是，因她2歲時已熟習使用電腦，故我們設定了很多教學程式，她自己開啟能奇妙地按步驟去使用，跟住讀，跟住做，學懂某些知識後會在生活上表達返給我們知道。

babyfacevs

你好！不好意思，如果直言地說，3歲3個月有這樣的表現可能只是合格，因為以我們的囡囡為例，她今年2歲4個月，但在2歲時已不只清楚認懂全部英文字，數字，還有數十個英文生字，能清楚讀出及轉換中英文；數數已能用英文數由0-20，清楚記得全部家人的中文全名，整個居住地址，數位家人的電話號碼等。

其次，在2歲時已清楚唱出多首經典英文兒歌，讀中文標語等。

而令我們最震驚的是，她能自我使用電腦，如開啟IE，選我的最愛，使用YOUTUBE搜尋器輸入自己想看的VIDEO，然後自己CLICK來看，放大宿小視窗，正確開機閉機，調校音量等，還有很多很多。

有興趣可看看我們上載我們囡囡在FACEBOOK的各影片，都可看到她在2歲1個月時讀英文或用電腦的能力，謝謝。
http://www.facebook.com/#!/video/?id=706719121

fanwong29

我覺得我小朋友都幾聰明,今年已Ｋ3,但不覺得有什麽特別資優,他在語言和認字圖案方面就幾出色,我記得他在一歲時已可分別說出A~Z及分得開大階和小階英文字母,未夠二歲已可讀簡單英文書本,到三歲已可讀P的英文書,四歲三個月上國內考Cambridge Starters(取得滿分),今年五歲在2011年初會考Cambridge Movers,我覺得小朋友是不是資優並不是最重要,最重要是清楚你自已小朋友的強項和弱項,加以栽培和教導。

mini_cc

原帖由 awah112 於 10-11-23 20:34 發表

除左少發脾氣之外，我細仔情況同妳個仔一模一樣。

咁你都好我少少......我個仔o既脾氣問題真係好大,一起火就好似"上身"咁~~我好辛苦
其實佢識o既野,我真係無特別教過佢,可能其係第一次見咪話o下比佢聽.......事關佢完全唔會聽人教.....宜家返N1,老師大部分的評語都係"Fair"......好無奈
同埋我個仔都係好鍾意用ipad串生字....可能佢唔識寫字喇,佢串得仲好鬼快

[ 本帖最後由 mini_cc 於 10-11-24 07:24 編輯 ]

Capricorn2521

依家真係好多這類小朋友.... 你可以到特殊教育版果面參考吓意見。

原帖由 mini_cc 於 10-11-23 01:09 發表
其實我宜家都好無奈....阿仔EQ超低,係又發火唔係又發火,又掟野,crying時又會撞個頭落地~~~佢只係一個2歲大的大bb...都唔明點解咁好火,成個屋苑d工作人員都認佢,因為佢火氣十足.....

佢自己個名都係前2日開始先正式 ...

sulleybe

原帖由 mini_cc 於 10-11-23 01:09 發表
其實我宜家都好無奈....阿仔EQ超低,係又發火唔係又發火,又掟野,crying時又會撞個頭落地~~~佢只係一個2歲大的大bb...都唔明點解咁好火,成個屋苑d工作人員都認佢,因為佢火氣十足.....

佢自己個名都係前2日開始先正式 ...

我個女以前都係差唔多, 2歲時皮氣好壞, 問佢嘢唔答, 好多嘢都識但唔講,我就冇同佢睇專科, 我自己 train 佢 EQ 經過大約半年後, 現在佢3歲,巳開始可以自我控制情緒,
其實發皮氣唔係一朝一夕的, 原因係智力水平己超越左可以handle 的水平, 而能力, 心智又未能同步所至, 大人會覺得BB發皮氣會就佢, 現在主張唔打唔鬧, 小朋友皮氣會越發越大, 好多時大人會驚左佢, 佢想点就由得佢, 唔去教, 這個方向係好錯
主要係要佢明白凡事都要講道理, 要付出就要代價, 明白對與錯, 由童話思想轉為現實, 過程係好辛苦, 我試過為一些小事, 就同佢對恃左半日, 主要比個 signal 佢, 我地唔會就佢, 佢自然會想別的方法或知難而退.
其實你可以參考吓, 但係方法就個個小朋友都未必一樣...

mini_cc

其實我宜家都好無奈....阿仔EQ超低,係又發火唔係又發火,又掟野,crying時又會撞個頭落地~~~佢只係一個2歲大的大bb...都唔明點解咁好火,成個屋苑d工作人員都認佢,因為佢火氣十足.....

佢自己個名都係前2日開始先正式叫識講,仲要係你比張相佢叫"WHO IS IT??"佢先會答下你......其實我4個月前聽過佢一口氣講o左10次自己個名之後就再無聽過.....如果就咁問佢"what's your name?"佢一定唔會答!!!

佢A-Z一定唔識順住講......So far一個一個未問佢,都好大機會唔會識答個字母點讀,但佢會答你呢個字有咩生字可以代表,如你show出: A,佢會答apple; I, 就ice-cream, Z, 就zebra; d,就 dad dad等等...... interview比人叫佢識唔識由A-Z數英文字母,我只會答唔識....因為佢只會答你可以代表字母個生字,但佢又唔會問呢d.......

顏色方面絕對難佢唔到.....咩色都識....red, yellow, pink, black, white, blue, brown, green, etc......甚至golden, sliver都難佢唔到...

形狀又係難佢唔到....因為佢已經識及配對到5-10邊形(mix埋都分到).....其他更加唔使講了~~仲要無人教佢....自己玩人地小學d教材

社交方面好鍾意同人social.....但一到一齊玩就完全唔願意,一係打人一係crying.....人地掂o下d野都唔可以

說話能力......老實講...好差.....佢已經去緊言論治療了.....叫做好返少少,由歲半時不多於10組字到宜家應該有30組左右....

政府智力及能力測驗已經排緊....已見姑娘話會比佢快d.....因為佢地都覺佢有問題

上星期一我同佢去o左見一個會睇小朋友的精神科醫生.....佢地兩個醫生一齊睇佢.....覺得佢認知能力好強......但言語能力好差又完全無眼神接觸.....行為又有d似亞保加士....

結果又係幫我cc佢o既結論比政府智力發能力o個度,希望可以幫o下佢....

我唔想佢係咩資優.....但我真係好想佢係一個正常的小朋友,唔好成日發老脾....EQ高返DD 咋.....肯答o下人野, 肯同其他小朋友一齊玩......點解都咁難???有無高人可以指點一下呢??

[ 本帖最後由 mini_cc 於 10-11-23 01:11 編輯 ]

joannejojo

個個人唔同，好難一概而論。

小曳人

原帖由 cccbaby 於 10-11-13 16:10 發表
Honestly, I don't really agree with "任何一個正常小朋友都可以教到成為資優, 當然父母要付出很多時間,愛心去教啦"

As it named as "Gifted",  their gifted strengths cannot be trained such as 記憶力, 語言 ...

有時間~ 可以睇吓《卡爾.威特的教育》

tongyimtong

我自己無小孩是所謂「 資優」。不過我知道有一個肯定是公認「天才」的名人，6歲都未識叫自己個名。他的名子是----愛因斯坦。

還有一個4歲便識作曲的音樂奇才，但一生人都無學會管理自己的財富和生活。他叫----
莫札特。

cccbaby

Honestly, I don't really agree with "任何一個正常小朋友都可以教到成為資優, 當然父母要付出很多時間,愛心去教啦"

As it named as "Gifted",  their gifted strengths cannot be trained such as 記憶力, 語言能力, social and leadering characters. If you have one, you can have one or approach one you can really tell the difference. Of course, gifted with good training can made a perfect one. but character is still a big problem to handle.

小曳人

原帖由 sulleybe 於 10-7-28 01:45 發表


係呀!望子成龍好多父母有同樣的想法! 所以當大家知道早教有用的時候, 或多或少都會去試。資優兒己變成一個standard. 我都係一個早教父母,我都好明白大家好開心研究你的資優兒識D嘜, 我的資優兒識D嘜, 但好自然會俾 ...

同意~
其實, 真係肯教就好快識!
反而EQ就好難搞!

sulleybe

原帖由 iburberry 於 10-7-28 00:27 發表
其實父母望子成龍都好正常,但比我寧願佢eq更高,身體健康,快樂咁做人,最緊要孝順父母,做一個有用o既人先係最重要!(唔好意思一時感慨),我成日諗只要個人o係度已經好好(但又唔好做社會敗類),其他野唔係太重要! ...

係呀!望子成龍好多父母有同樣的想法! 所以當大家知道早教有用的時候, 或多或少都會去試。資優兒己變成一個standard. 我都係一個早教父母,我都好明白大家好開心研究你的資優兒識D嘜, 我的資優兒識D嘜, 但好自然會俾子女有好大壓力,有反效果的, 我經常都會提醒自己唔好作比較。花多D時間在EQ trainning 方面, 因為早教會令到小朋友有情緒問題係可以理解的, 因為心智己比較成孰,但自我控制還未成孰,就有機會出現失控, 其實解决都有方法, 每件事都有主因, 只要解决到佢地個心結就得啦! 自信,尊重,了解都好重要架!

iburberry

其實父母望子成龍都好正常,但比我寧願佢eq更高,身體健康,快樂咁做人,最緊要孝順父母,做一個有用o既人先係最重要!(唔好意思一時感慨),我成日諗只要個人o係度已經好好(但又唔好做社會敗類),其他野唔係太重要!

sulleybe

個人認為: 現在所講的資優只是一個標準, >130 就是資優,其實好似身高體重一樣, 有升有跌, 要keep 住增長先至係最重要。現在很多父母教開始早教, 資優的出現只會越來越多。我認為現在所講的資優標準並唔係天生的。只要有正確系统的早教, 3歲前識 A-Z, 1-100 ,+-x/, 1000字中英文, 講多国語言, 己經唔出奇。 任何一個正常小朋友都可以教到成為資優, 當然父母要付出很多時間,愛心去教啦! 其實唔好因為那個130分而去想太多, 放多D時間去了解仔女的問題或 plan好子女的教育方向, EQ 的教育都很重要啊!

小曳人

原帖由 iburberry 於 10-7-26 01:06 發表
本人有些愚見,不喜勿插...
我認為識背a-z,1-100...的,呢d當然係要人教,教得多,我想基本上肯學的小朋友都應該識,唔係個個識就叫資優吧?
我認為真正的資優兒,應該係...無師自通吧!唔洗人教都識,自己學,自己觀察 ...

首先表明~ 我係個早教媽媽
我相信, 如果肯教, 小朋友兩歲前識1-100, a-z 真係一d都唔奇
我相信, 所以小朋友都好奇, 如果教識佢閱讀, 佢就自然可以"自學" (學到乜就只有佢知道知~)

小兒 兩歲左右自己背咗 8大行星嘅次序 (中+英文), 只不過係幾本畫書就得
兩歲~ 仲自己通埋phonics

只要俾機會佢接觸, 佢有興趣嘅就自然記得!

iburberry

識背可能只係記性好,唔代表佢地明白...好似你教佢一個英文字,佢識讀,識串,但唔代表佢知道呢個字點解
點解咁講?因為我朋友個仔...當年佢3歲時,講野已經有紋有路,講大話,扮野同駁咀勁叻...而且轉數好快,反而A,B,C全部白痴,所以當時3歲O既佢,只係識1-10,連ABC...都未識,但凡係見過佢o既人...包括同佢check個醫生,都話呢個小朋友好聰明(o個時未check到係資優),甚至幫佢改名個師傅(要睇埋時辰八字,改名o個個人相信好多bk媽咪好多都識),我朋友一入門口都未坐定,只係講左個仔個名俾佢聽,話要拎報告,位師傅就第一句同我朋友講"你個仔係個叻仔,唔洗擔心!"
後來老師都叫我朋友帶佢個仔去check,佢真係資優,係語言方面好叻,佢個仔所學o既詞句,從來冇人同佢解釋過呢個詞語點解點解,但佢自己完全明白個詞語係咩意思,所以我朋友話佢成日語出驚人(駁佢咀o既時候)