請問有無小朋友係返緊屯門特殊幼兒中心呢?

煇煇媽媽

可唔可以分享呢間中心既優點同缺點?

我小朋友係早產BB, 25週出世, 到依家已經出世31個月, 都未講到1個單字, 自己理能力弱, 理解能力亦弱, 返左1年幾EETC, 最近醫生評估都係發展遲緩, 能力只得15個月, 終於都係要入特殊中心, 我本身住元朗, 但係元朗只得2間特殊中心, 1係保良局幼兒天地, 2係協康會, 我有去參觀過, 保良局既感覺真係好好, 好乾淨, 設備好好, D人好細心, 而協康就好舊, 地方好唔衛生, D人呼呼渴渴, 感覺真的好差, 咁我就將協康從排名中剔除左, 而EETC果度, 因為我地都係排到屯門果度, 早幾日, 我去參觀過, 我同主任傾過計, 覺得感覺好好, 雖然佢地校舍比較舊, 不過我覺得設備都好似幾完善咁, 佢地重有暫托服務, 我小朋友平時我地除左EETC, 我地另外都報左1星期3堂PLAYGROUP比佢返, 依家終於有學校比佢暫托, 所以想睇下有無媽媽可以幫我分享一下呢間中心D野...THANKS 大家

anan3388

我試過中華基督教會暫托, 好方便, 打電話去就得...去到先填 form, 仔仔一邊暫托, 中心主任就一邊介紹個 centre, d 人都幾 nice~

明愛都應有暫托, 不過我就未試過~

我都參觀過元屯區的中心(除保良局), 協康俾我既感覺非常好喎, 幾專業, 同埋佢地 ST 應該係有一個, 而唔係其他中心咁, 要請外面的又或得零點幾個 etc...

真係可能睇當時撞岩睇到咩勒~

煇煇媽媽: 想問下你 EETC 返邊間? 好唔好呢?

煩惱的爸爸

我想問係明愛定基督教果間？因屯門都有兩間！

煇煇媽媽

原帖由 煩惱的爸爸 於 10-3-31 22:13 發表
妳好呀！我住天水圍都係幫囝囝排緊屯門兩間Ｓ位及元朗協康，因為保良局嚟緊九月只得３個位所以取消咗，我想問是否需要安排才可參觀？請指教！

唔需要特別安排架..你可以自己打電話去準備輪緊果幾間中心, 約果度社工或者姑娘, 同佢地講自己係輪緊s位, 想約參觀下中心, 佢地就會同你約架喇...到時去到d姑娘會解釋得好清楚d服務架, 不過提提你, 因為依家好多都已經放緊復活假, 你過埋d紅日打去約丫...

煇煇媽媽

原帖由 hkgqueenie 於 10-3-31 22:10 發表
你現在在屯門特殊中心暫托呀? 主任是否已通知你 9 月有(S)正位呀?

我女女都是排緊 屯門特殊中心(S) 位, 下月便 2 歲, 唔知幾時入度呢 ? 我是 6/2009 月尾

上年  11 月OPEN DAY 我都參觀過, 感覺上都OK

暫托服務是 ...

我小朋友係09/08, 依家未有s位通知我收我呀, 我之前只報左保良局元朗中心, 後來知道佢只收3個學位, 我就好擔心, 畢竟小朋友就黎3歲都未安排入到學, 跟住係我自己打去屯門特殊中心度約參觀時, 個主任介紹我話我知2歲起既小朋友如果申請左特殊服務但未有位, 就可以晌果度申請暫托, 開頭bb未適應, 所以只收1日2個鐘, 16蚊/2個鐘, 如果遲d適應到, 最多可以1日托8-10個鐘添, 暫托唔會好似學位小朋友咁有計劃地訓練, 不過可以跟住d學位小朋友一齊上堂學野架..我覺得好好, 晌未派到學位前可以去中心暫托, 真係一個好好既訓練黎架, 我地準備黎緊4月中先開始暫托咋, 未開始架, 所以想知多d呢間中心d資料囉

煩惱的爸爸

妳好呀！我住天水圍都係幫囝囝排緊屯門兩間Ｓ位及元朗協康，因為保良局嚟緊九月只得３個位所以取消咗，我想問是否需要安排才可參觀？請指教！

hkgqueenie

你現在在屯門特殊中心暫托呀? 主任是否已通知你 9 月有(S)正位呀?

我女女都是排緊 屯門特殊中心(S) 位, 下月便 2 歲, 唔知幾時入度呢 ? 我是 6/2009 月尾

上年  11 月OPEN DAY 我都參觀過, 感覺上都OK

暫托服務是否OK?

http://forum.edu-kingdom.com/viewthread.php?tid=2142310

原帖由 煇煇媽媽 於 10-3-31 21:40 發表
可唔可以分享呢間中心既優點同缺點?

我小朋友係早產BB, 25週出世, 到依家已經出世31個月, 都未講到1個單字, 自己理能力弱, 理解能力亦弱, 返左1年幾EETC, 最近醫生評估都係發展遲緩, 能力只得15個月, 終於都係要入 ...