your baby can read+dinoops 分享區

petunia

我買左dinoops送埋baby can read。用左大半個月。
想搵下有無其他家長都有用呢兩套野，一齊分享下用法同埋成效。

我個女依家每日睇一次baby can read，每次睇到十幾分鐘就覺得悶，走鬼左去。但係，又真係有d效wor，之前我都有俾佢睇字咭或者dwe的歌仔sample書仔，佢只係識得玩入面果d野，見到個公仔做乜佢就做乜，相反地，俾個字佢睇佢都唔得。

今次我個女睇左大半個月baby can read之後，係真的去到邊度睇到hi就講hi，睇到cat就叫咪咪，....hi, cat, dog, clap, arms即係頭個五六個字都係見字有反應，都幾開心。

不過.....成套dinoops就無乜用到，sales叫我用phonic先，bb玩果支筆都無耐性，個字都未讀出聲就走去督左第二度，又只係玩上面果三粒制，支筆仲周不時hang，又off 左佢再開先至有聲，又試過播左另一本書的野出來....sales話要拿去upgrade，我都未得閒去....

有無其他家長用緊呢兩套野？

petunia

唉....講起sales，昨天都唔知咩日子，俾班sales玩死。

朝早，就為左mi kids的playgroup攪到好激氣，好在最後都有位li小姐覆左我playgroup的安排。雖然.....2月中放假放到3月1日先返工.....份工真係好嘆啫.....小朋友放農曆年假都年初九就返學啦，佢地放到16，仲放得多過d中小學生.......

都攪掂左個playgroup的問題，叫做下左啖氣，點知晚俾dwe的sales激到吐血！我未決定買mi kids之前，都問過dwe，sales見我地未買，佢把口幾好呀，仲會打來關心下我地個小朋友，昨晚佢打來問我，我話我地買左mi kids之後，佢就係咁話我「咁你就買蠢左lor，做乜咁早就決定啫？你聽我講左你就唔會買第二d，一定係買dwe」我話我有我的考慮，因為dwe只係聽歌，班同事用左都唔覺學到d英文，只係跟住d公仔郁....dwe個sales連聽都無聽，就話「咁你會唔會買多套？」我話....你地咁貴，又咁多同事都有，我打算同d同事一齊用，就有兩套教材同時可以玩」.....果個sales.....竟然第一時間插我咀，仲好悔氣咁講「你都買左啦....咁講黎都無用，bye bye」咁就cut我線.....嘩！dwe的sales真係反轉豬肚就係屎！

akpn

tantanmama我認同你的講法,無問題大家可以互相pm交流吓套教材怎樣使用.

原帖由 tantanmama 於 10-3-4 00:21 發表


都係嘅, 我唔排除佢地有好sales, 只係我地未遇上. 有心買嘅媽媽自己好好了解下. 如果akpn唔戒意, 大家可否pm問你sales的資料呢? 我始終覺得售後服務係買咁大套教材的重要考慮因素. ...

petunia

!!!!!!mi kids的sales，真的
為左報playgroup，我連續三日搵mi kids，佢地....竟然由2月初放假，可以放到星期一果日先叫做「正式返工」，所以遲遲都覆唔到我，又遲遲都無把我的資料交俾佢處理！

好在個女都學到野，被騙左私人感情，而唔係個女的前途。

petunia

原來你地係bb咁細個就開始用，我個b成13個月先至開始，你地bb都識好多個字呢....睇左一個月bb只係識開始果幾個字。
童書奇想國我都有買，不過，bb只係對首歌有興趣，對揭書都有興趣，但係就跑來睇兩眼個故仔又跑走左去第二度。未試過睇晒成集。
諗起套小小啓蒙，套書bb都會睇，但係只鐘意睇d有得摸或有得揭果幾本....

sales呢....我果個都幾hea，最近我睇中左佢地攪的playgroup，睇中左時間我就立即打俾個sales報名，個sales只係留言信箱，好在過左兩三個鐘佢都有覆。但係....佢攪左兩三日，都攪唔掂playgroup果邊的「同事」聯絡我。

我都開始有d嬲，只係叫playgroup的同事聯絡我要攪咁多日？

tantanmama

原帖由 akpn 於 10-3-3 23:46 發表
tantanmama我都好明白你的感受,但係一竹篙唔好打晒一船人,每間公司都總有害群之馬因我的實况和你剛剛相反,如真的不滿意可以打電話到公司投訴他咪ok law. ...

都係嘅, 我唔排除佢地有好sales, 只係我地未遇上. 有心買嘅媽媽自己好好了解下. 如果akpn唔戒意, 大家可否pm問你sales的資料呢? 我始終覺得售後服務係買咁大套教材的重要考慮因素.

akpn

tantanmama我都好明白你的感受,但係一竹篙唔好打晒一船人,每間公司都總有害群之馬因我的實况和你剛剛相反,如真的不滿意可以打電話到公司投訴他咪ok law.

原帖由 tantanmama 於 10-3-3 16:28 發表


唉, 我個sales未走, 早兩日仲收到佢地email叫我參加佢d sales talk. 打俾佢問嘢就唔覆, 咁先嬲. 雖然我打去佢公司問, 最後都會有人答, 但每次都要重複我同個女嘅資料,甲同乙講嘅都唔同, 一d都唔貼身. 咁行嘅服務,  ...

tantanmama

原帖由 siunampeggy 於 10-3-3 20:38 發表
好彩我當時孤寒冇落搭
自己上網買咗
因為我想自己搵最好既普通話教材
tantanmama有冇得打去投訴呀?

我後來識咗幾個買咗全套教材嘅家長, 大家同不同sales買, 但遭遇不相伯仲. 相信投訴都冇用. 唯一安慰係, 佢地並冇針對我, 一視同仁!!

siunampeggy

好彩我當時孤寒冇落搭
自己上網買咗
因為我想自己搵最好既普通話教材
tantanmama有冇得打去投訴呀?

tantanmama

原帖由 akpn 於 10-3-3 16:00 發表
會不會你個sales走咗,你可以打電話到佢公司問教材怎用咪德囉,上網買雖然平但好危險啫因我有個朋友己經中咗招,要小心.

唉, 我個sales未走, 早兩日仲收到佢地email叫我參加佢d sales talk. 打俾佢問嘢就唔覆, 咁先嬲. 雖然我打去佢公司問, 最後都會有人答, 但每次都要重複我同個女嘅資料,甲同乙講嘅都唔同, 一d都唔貼身. 咁行嘅服務, 同自己睇user guide冇乜分別.

akpn

會不會你個sales走咗,你可以打電話到佢公司問教材怎用咪德囉,上網買雖然平但好危險啫因我有個朋友己經中咗招,要小心.

原帖由 tantanmama 於 10-3-3 15:29 發表


感同身受. 我最唔滿意佢地嘅sales, 一賣咗套嘢影都冇埋, call又唔覆. 老實講, 我俾幾萬蚊萬教材, 梗係預咗買埋售後服務. 只係買product, 我上網買, 三成以下都買到啦. ...

tantanmama

原帖由 lcybb 於 10-3-2 23:08 發表
我買咗mi-kids整套教材(包括your baby can read,dinoops,my first啟蒙書,小小數學繪本,伊索動物劇場, new book of knowledge,童書奇想國,奇先生妙小姐), 另亦買咗disneys嘅dvd,我個仔4個月大開始睇your baby can rea ...

感同身受. 我最唔滿意佢地嘅sales, 一賣咗套嘢影都冇埋, call又唔覆. 老實講, 我俾幾萬蚊萬教材, 梗係預咗買埋售後服務. 只係買product, 我上網買, 三成以下都買到啦.

Cedric_mama

原帖由 siunampeggy 於 10-3-1 20:02 發表
我bb睇咗ybcr差唔多一個月
睇dvd可以越睇越耐
見到書書同字咭都會笑
不過就未識跟住d字做動作囉
dinoops我就當故仔書咁同佢講, 好明顯呢套未啱佢睇, 我諗住等佢大個d先同佢用

ps 我bb 6個月大 ...

我bb又係剛6個月大
佢四個月大開始坐得好d我開始俾佢睇
不過佢就蠢d仲未識做動作
睇DVD真係越睇越耐
我現在每夜都有同佢"溫書"
睇D字
我套書係屋企人係美國買

20022009

我淨係買咗ybcr, 阿囡半歲時開始教佢. 用咗無幾耐大約2-3個月, 阿囡開始每日都會好主動攞啲卡仔 / 書仔出黎叫我讀比佢聽. 依家啱啱1歲人仔, 就識咗啲生仔(大約廿拎個啦). 而且仲好鐘意睇書. 買咗其他書仔比佢, 佢都會好主動拎黎睇.

咁我見佢呢方面有興趣, 所以咪買多套迪迪尼英語家庭囉.

manwai1688

you can try 9820-6028 for more information

lcybb

我買咗mi-kids整套教材(包括your baby can read,dinoops,my first啟蒙書,小小數學繪本,伊索動物劇場, new book of knowledge,童書奇想國,奇先生妙小姐), 另亦買咗disneys嘅dvd,我個仔4個月大開始睇your baby can read+dinoops,開初冇反應及冇耐性,但到8個月大開始,對your baby can read嘅書同dvd及dinoops嘅書勁有反應,但佢興奮到將d書撕爛哂,雖然我仔仔唔係好叻仔,現在1歲2個月大,但佢基本都已經識得head, ear, eye, nose, mouth, tongue, cheek, chin, toe, finger, hands up, hands down, clap, wave, stomp, rabbit, seal, tiger, cat, dog, bear, fish, car, train, bus, ball, wheels, balloon, flower, book,不過我仍未教佢colours, shap, numbers,我問佢which is red,偶然佢都識得指比我睇,曾教number,但佢只有攪倒亂!而餘下嘅教材,我就只用過伊索動物劇場dvd,my first啟蒙書+dvd,小小數學繪本嘅分數板及blocks(有小小似lego嗰d呢),暫未見有回報,最值得一提嘅就係伊索動物劇場,撞鬼,原來係台灣口音嘅國語,而且裡面嘅主角全部都係豬,故事係用豬以角色扮演嘅方式表達出嚟,試問1歲嘅小朋友點會知道d豬做咩成日玩變身吖,睇睇吓,個仔都走埋!其他教材真係未用得住,因為都真係幾深. 用後感 : 勁貴,而且成套教材,約有3成半都真係麻麻地,買咗佢轉頭又將d教材變一變靚d或加d accessories, 然後sell妳用一個唔平嘅價錢去up-grade,其實當時我真係勁嬲.

siunampeggy

我bb睇咗ybcr差唔多一個月
睇dvd可以越睇越耐
見到書書同字咭都會笑
不過就未識跟住d字做動作囉
dinoops我就當故仔書咁同佢講, 好明顯呢套未啱佢睇, 我諗住等佢大個d先同佢用

ps 我bb 6個月大

petunia

都係呢套教材？同一套書？

petunia

原來有台灣版架？係邊度可以買得到？
食水深，我都要知道其他地方即係邊度有得賣。

咁你有無用到呢套教材？
作為家長，幼稚園都食水，我都要報啦.....何況，都俾左錢，現在我只想知道，點樣用套教材最好啫....