in完協恩的感覺，唔係咁好

yy0000

唔知協恩幼稚園係唔係名校，我個日去到無招呼無佈置，
又唔開放d滑梯黎玩下，
我仲以為自己搞錯左日期，
之後老師叫no.好細聲，
人又多喎！
真係唔係個阿嬏叫都唔知叫到自己的時間，
最慘係個厠所，
傷殘人士厠所，
水浸！
哈，我同老公最後都有in
但我同老公都不約而同話可能想像得太好啦！
現在有些失望！
但呢個只係個人意見，
我相信有好多父母覺得無問題！
我相信協恩有名氣是有她的原因，
可能係我察覺唔到姐！
希望有多d人分亨下啦！
我個女就一定無希望呢間啦！
因為她喊，
祝大家好運啦！

yy0000

原帖由 candykiki123 於 10-2-1 12:58 發表
我都係一樣,interview程序同張便條講有出入,張便條寫話家長同小朋友在一個課室玩4分鐘後由一個先生帶佢地入第二個課室in,完全唔一樣,一去到登記完就要即刻排隊入課室,行一條窄走廊,家長已經唔可以陪,d小朋友梗係唔肯 ...

你可以跟埋入去就好啦！
我個批家長係出面係咁搵玻璃窗的隙縫位望入去，
你地知啦，個窗根本係遮住晒，
無可能看到(好高的家長除外)

我覺得協恩幼稚園老師無愛心之餘，
唔會主動打招呼，
反而係我個女向老師講早晨先，
我諗如果我個女有幸或不幸入到去讀，
我諗想問多老師幾句，
個女返學返成點都唔會好想答你，
咁我又點放心將個女交俾佢地呀！

希望只係面試的老師先係咁衰啦，
因為呢間話晒都係名校呀，
一定有好多家長對呢間學校有好大期望，
包括我，但我係覺得好失望！

學校安排係有問題，
唔了解小朋友離開父母的不安，
仲要喊緊的小朋友入去in，
影響其他唔喊的小朋友情緒，
應俾d時間父母去安撫下小朋友的情緒，
(我知係好多人等緊，咁學校應該諗到會有咁情況)
成4個小朋友兩位老師根本有一個小朋友唔合作，
老師就無時間去in其他小朋友，
對其他合作的小朋友真係不公平。

我去左幾間幼稚園面試，
間間都有人量體溫，
清潔雙手，但為何呢間無？(可能有d都係無既)
唔知平時返學的協恩學生要唔要量下體溫呢？
定係面試當日，學校真係咁唔得閒咁無人手呀？

希望呢間學校好好咁檢討下啦！
老師唔好再黑面咁對住家長和小朋友，
小朋友離開父母第一個接觸的人就是老師，
你們的態度將會影響小朋友對成人的睇法！

係度希望各位07年的小朋友，
個個都入到心儀的幼稚園啦！

[ 本帖最後由 yy0000 於 10-2-2 00:51 編輯 ]