有感而發.....現代的母親

BBLOVEMAMA

搜集資料...查問口碑...交申請表...準備面試....等待結果...有喜有悲...就是我們這一代父母.

其實近這數月,註足在此網業巳是本人離不開的工作加娛樂,相信在同一時間,同一面試埸地,同一心情的人,亦應該不少.

搜集資料和查問口碑是我們的第一步,人見你見,人說好,我說好,最後又不知怎算好?這間好還是那間好?收好還是收了不交留位費好?

現代母親-真是superwoman,自己要在外工作,還要安排家中事務,更要掌握子女學業前程.簡直是事事關顧.

其實本人真是有感而發,本人都見了數間幼稚園,看見各父母都是想子女成才,孩子面試,父母也要去面試,有時真的不知為了什麼.回想起,我們兒時,父母不大關心選校問題,相返她們只是在家照顧我們起居,没有名校,没有工人,没有豪宅,相返小朋友還會好一点呢!

希望各位父母懷著開心及樂觀心情面對選擇幼稚園,因為真是長路漫漫..!!

saiwai

辛苦都唔緊要,最慘就係要聽埋男家d閒言閒語

bonbon16

原帖由 Jeco 於 09-11-25 18:08 發表
係咁上網查資料, 近視都深埋, 眼都模埋, 就黎盲添啦!!

yes, me too!

princess_sumyin

唉!我返完工又要返學,返到屋企又要同個女講故事,做功課!有時仲要做埋屋企野!十二點有得訓已經好好啦!

car817ho

現今爸媽真係唔易做
成日會為仔女張羅,又要搵食
返工朝九晚六,放工又要同仔女跟功課,
做完功課食飯,一齊玩,講下故事
我有時仲要煮埋飯..
晚晚十一點幾先有番少少自己既私人時間
今年細仔好彩入番哥哥讀緊既幼稚園
但出年就要跟兩個既功課..
唉..忙完考幼稚園,又要prepare大仔出年考小學
好攰....有時真係攰到喊...
不過一諗到對仔就覺得係值得既

現今父母唔易做呀..努力呀..大家

SCV

真係幾辛苦...不過好值得 ~~

magiccandy

It's really full of pressure  Just passed by and want to say that P1 application will even be harder and like riding on roller coasters with lots of ups and downs. Lots of tears and worries before getting a seat and settle down.

sammilcm

同意呀, 不過我都冇咩上網同摷書, 只係上咗學校個網頁到睇下, 就填了.  因為實在冇咁多時間攪咁多嘢呀.

babellt

最煩就係填個d 問卷, 3條questions, 又上網, 又摷書, 足足搞左我3晚....   慘過做功課.

Lasangles

這個標題實在太好啦, 可以比我地D班SUPER MOTHER & FATHER舒緩一下緊張既心情. 唉. 真係好辛苦呀............

聽完首歌, 真係喊得出黎.

我又要繼續填問卷啦.

sammilcm

唉...D老人家又唔明現今依個社會已經唔同晒, 成日話唔明點解我地要攪咁多嘢.  你地細時咪又係咁, 都冇咩問題, 但你佢地唔明出面嘅競爭越來越大, 學壞嘅機會又越來越大, 做父母嘅我地又點咁丟以輕心呢??  尤其現今社會個個都係生一兩個, 當然樣樣嘢都為佢地費盡心思啦. 想佢地將來有條路好行D.  到佢地果時, 成街都係大學生, 佢地又有咩個人之處可以令佢地特為而出呢??  況且我地為佢地之餘, 都係為咗自己, 因為如果佢入到一間好d嘅幼稚園, 咁3年後我地就唔駛再為佢地嘅小學再煩惱一次啦.
我好明白無論我地依家為佢安排我幾好, 佢地將來都未必行番我地為佢安排嘅路, 不過做咗, 做父母嘅我地個心又好似心安D咁.  講到最後條路點行, 始終都要依靠佢地自己.

lily_liu817

呢個年代唔好話mami 辛苦, daddy 都好辛苦ga~ 上年我個囝先得1歲, 我同我老公就已經要搵晒資料做晒搜查, 為同個仔搵N 班.

舊年煩完今年再黎過, 今年一早就搵晒要報咩學校, 間間學校派form 收表時間都唔同, mark 到個月曆都花晒!!十月份開始收到學校o既接見證, 成個十一月面試o既時間排到密麻麻, 真係大人辛苦小朋友仲辛苦.

其實點解咁多人想小朋友係kln tong 到讀書, 我就唔覺係為名牌學校, 我地果個年代讀唔到書都仲話可以有一技傍身搵到啖飯食(其實依家都仲要keep 住一路進修先唔會俾人淘汰), 依家周圍都係大學生, 唔搵好d o既學校俾小朋友讀, 第時想佢有條好d o既路行都難呀. 上一輩o既人總會話如果小朋友係讀到書, 就算係屋村學校讀都會出人頭地, 依家真係唔同喇(尤其當我見識過屋村幼稚園o既小朋友圍埋講粗口, 夜到8點幾9點都未返屋企, 講真仲點敢俾小朋友讀屋村學校)!! 人永遠都想向上爬(點都想同d 高level o既做同學好過同d 講晒粗口o既做同學ga 啦), 我只想話報kln tong 學校都係諗住俾個好d o既學習環境小朋友, 想佢將來有條好d o既路行下, 所以依家辛苦d 都係值得o既!

各位都要加油呀!!

[ 本帖最後由 lily_liu817 於 09-11-26 14:33 編輯 ]

paklok

完全同意, 大壓力過見工,
我絕對唔要求小朋友高學歷,
低到其實中五我已經ok,
求只求佢唔好學壞, 所以盡量鋪條好d既路,
等群埋一班朋友仔好好地就夠架啦,
奈何校風淳樸既學校難求,
小朋友面試表現又不能控制更加唔能夠鬧佢,
老公又唔明白, 一味覺得順其自然,
又要返工寄form資料搜集check信箱,
九萬樣野自己做晒最辛苦!

NICOLE123

原帖由 ac917 於 09-11-26 12:06 發表
你好叻！好眼光！

好彩者..
現今既母親係superwoman仲要識埋投資
唔識就無錢比小朋友學呢樣果樣了

qoo_pooh

我99又係話做乜要去九龍塘讀幼稚園,
近近樓下就得啦 .......
亞仔讀左1年屋村幼稚園,
可能唔好彩遇到唔好的老師同埋行政等等,
結果轉返去九龍塘D幼稚園,
亞仔直頭開心晒 ......  
九龍塘D幼稚園教法真係唔同, 無得頂 ...

原帖由 jswailam928 於 09-11-25 23:37 發表


完全說中我的心底話
我99成日都唔like我搵d九龍塘幼稚園
話果到d人成日扮晒野......又話d c9揹晒名牌袋
但我唔care人地ga目光囉
我剩係care我個女係可以起成日好好ga環境到長大
唔想佢講屋村學校, 同埋d大陸人仔女 ...

qoo_pooh

媽媽真係唔易做 ........
我上2年幫哥哥報幼稚園,
今年就幫弟弟報幼稚園,
下年又話要準備哥哥考小學同埋又要搬屋玩抽獎,
攪得哥哥時又再到弟弟啦 .....
到時哥哥升左小學,
功課, 測驗和考試真係 ........  
睇朋友都知有幾'金' .....

原帖由 ac917 於 09-11-25 18:08 發表
我為左阿女仲預備搬屋，當幫個女退學時(之前讀緊間新界區的KG的pre-nusery)，個班主任覺得我不應為個女安排哂一切，話佢大左未必鍾意，又問我咁搬法經濟有冇問題？之後問我想阿女讀邊間KG，我話報左St. Cat及Kentville，佢話未聽過 ...

sasafan

TO ALL MAMI,

ADD OIL~~

jean2003

原帖由 yiuyiumom 於 09-11-26 12:39 發表
幼稚園階段只是父母的開步, 現感覺到壓力, 面前還有很長更崎嶇的路要行, 經過近期面試, 令我感受不少, 面試成功與否並非關鍵於小朋友的能力, 相信大部份家長認為自己小朋友是最好, 最叻, 所以期望越高, 失望越大, 我 ...

jswailam928

原帖由 深井DY 於 09-11-26 05:38 發表


得罪講句:D老人家好中意彈3彈4,有咩理由管埋人地點揀KG架,望都望個孫同D上流社會小朋友做同學LA,唔通一世做屋邨仔咩

咪係囉...佢真係好無聊, 注重人地搓咩車,揹乜野手袋把鬼咩
注意下間學校係咩學校, 可以比到d乜野下一代好好過...
同d老人家講野真係...........................浪費氣力~

yiuyiumom

幼稚園階段只是父母的開步, 現感覺到壓力, 面前還有很長更崎嶇的路要行, 經過近期面試, 令我感受不少, 面試成功與否並非關鍵於小朋友的能力, 相信大部份家長認為自己小朋友是最好, 最叻, 所以期望越高, 失望越大, 我本人就唔會輸打贏要, 說學校怎樣不善, 因為再說亦無補於事, 我覺得學校選生準則非一般家長容易理解, 相信會夾集其它因素,如果唔成功其實冇必要花時間再考究,眼見唔收, 家長失望, 收了下午要寫信求轉上午, 唔收, 又要寫信求位, 有幾間收, 又要左諗右諗,真係辛苦了家長! 但學校如面試好求奇, 的確令家長好不安,好似叫我地來陪跑, 我曾跟一些讀緊band1小學生家長傾過, 差不多都說小朋友同大人好辛苦, 有些跟我說, 如果你個女有幸入到名校, 你最好遲工唔做,陪個女一齊讀, 唔係就趕唔上, 唔做野, 我諗唔是每個家庭可以負擔起, 聽來好驚, 退後一步想, 有D小朋友可能有學習障礙或身體缺陷, 我地有正常健康的小朋友豈不是好幸福, 家長為何還要自尋咁多煩惱?


[ 本帖最後由 yiuyiumom 於 09-11-26 14:05 編輯 ]