俾啲意見我．．

venus.c

之前搵咗一間放學後嘅功課輔導班，因無位所以留咗名，之後就搵咗私人補習，上咗幾堂，$80一個鐘，而家輔導班有位，$600/20堂，每堂2個鐘，1對6，應該點選擇呢？其實我都知係兩種唔同性質，輔導班形式幫你睇功課，如做哂就會有練習做，溫書和背書，而私人補習我就叫佢預習英文未教嘅嘢，但就算上完輔導班，收工後返到屋企都要睇吓功課，點好呢？

Terry280905

原帖由 venus.c 於 09-11-10 13:03 發表
但想問吓功輔班媽咪,仔女返到屋企你地會唔會望吓佢地啲功課?

我只會望吓佢有沒有做齊, 很少題題check.

aryee

我一定會自己再睇多次，詞語都睇，但錯左唔一定要佢改，因為老師話佢錯好過我話佢錯。如果遇著有難度既練習會掩住答案叫佢做多次，當係溫習既一部份。

[ 本帖最後由 aryee 於 09-11-11 14:32 編輯 ]

pollyang

原帖由 venus.c 於 09-11-10 13:03 發表
但想問吓功輔班媽咪,仔女返到屋企你地會唔會望吓佢地啲功課?

唔會再睇功課喇....只會再跟未完成功課同温習默書!!

YLMBEE

原帖由 venus.c 於 09-11-10 13:03 發表
但想問吓功輔班媽咪,仔女返到屋企你地會唔會望吓佢地啲功課?

仔仔以前嘅功課係自己睇, 自從去咗補習後, 自己就依懶咗補習社, 就無睇喇. 但之後我發覺無跟功課後, 仔仔邊D識邊D唔識都唔知, (我又怕仔仔唔識D嘢,補習班老師會講答案,而唔係佢自己做, 愈堆愈多唔識就痳煩). 所以補咗2個月就無補喇, 都係自己跟番好D.

venus.c

但想問吓功輔班媽咪,仔女返到屋企你地會唔會望吓佢地啲功課?

irisyan

要視乎你補習的目的是甚麼? 正如你所說的, 功輔班的作用在於幫助孩子完成功課, 減輕家長核對功課的壓力; 而私人補習的好處則在於有針對性, 邊科較差就補邊科.

原帖由 venus.c 於 09-11-9 20:15 發表
之前搵咗一間放學後嘅功課輔導班，因無位所以留咗名，之後就搵咗私人補習，上咗幾堂，$80一個鐘，而家輔導班有位，$600/20堂，每堂2個鐘，1對6， ...