為何要贏在起跑點

Radiomama

正在讀著這本書"沒有資優班"，按奈不住，好想與網友分享這幾句話:

"人生其實最像一場馬拉松，一再強調孩子要贏在起跑點，卻沒有適當的去發掘每個孩子的差異、天份與資質，那就是鼓吹每個人用衝刺的方法去長跑!
贏了起點，卻會在中途把氣力和耐力用盡。即使一開始跑在前面的孩子，他們的動力如果無法來自個人，而是來自社會與家庭的壓力和期望，那人生從小就少了自發性的熱情，最後還是無法將人生馬拉松跑得精彩、完整。"



最近參加了兩場小一面試，壓力好大，也深深感受到所有家長的苦惱。不能入到二輪面試、收到reject信的難過，實在令人心痛。孩子已做得好好，但竟不獲"垂青"，錯在哪裡?


其實都沒有錯。只錯在成年人太執著，為何非要穿過"針眼"不可?  為何明知是窄門也要花心力擠進去不可?  就是想要贏在起跑線上???




我們可有想過就是這點執著，扼殺了小子們的學習興趣和打亂了他們的成長步速!

joeyxlma

有趣的發現.

贏在起跑點, 最後成功. 冇人擧例.
贏在起跑點, 最後失敗. 冇人擧例
輸在起跑點, 最後失敗. 冇人擧例.
輸在起跑點, 最後成功. 好多例子,好多文章.

定下成功的定義. 計算各各機率. 就知道如何選擇.

joeyxlma

其實用跑步來形容人生係誤導. 人生有很多轉捩點. 且不會因留前就可以闘後. 相反打好基楚, 未來才可更上一層樓.

我信"人生真的还有很多可能性的". 所以即使失敗也不抱怨. 但不同的可能性, 有不同的機率和結果. 我會選擇機率大點而結果好點的路而行.

CHP

"人生真的还有很多可能性的"

猴子爸

真人真事:有个男仔，读书差劲，会考衰到应，转去考GCE,一样衰，连校长都叫他去工厂打工，他后来到银行去做很低层的工作，在那时候才发现自己原来很喜欢电脑，每天工余花很多时间在电脑上，在那时候有念头想继续学业，后来储钱，加上家人协助，到美国去读community college，通常这些学校都是收生容易，拿高分还是要努力的，苦战两年，给他拿到足够分数转到好大学的第3年，再苦战，成功毕业，最后留在美国，在Microsoft做engineer,有很多香港名校毕业生也不一定可以进去。所以，人生真的还有很多可能性的。
当然，让他重头来过的话，绝对是越早开窍越好啦。

mat媽

如果起跑慢, 唔緊要啦, 人生係馬拉松, 起步輸左唔代表咩架喎~~~ 漫漫長路嘛. 只要唔放棄, 而且唔好大落後都有勝出機會, 而且人生唔係跑第一才是出色咖嘛... 對我來說, 可以跑畢全程, 都係一個交代.

點解咁介意要贏在起跑點啫??????
有冇人跑馬拉松, 係初段博命跑??

joeyxlma

原帖由 Yau_Cheung 於 09-10-28 22:32 發表
Copy the below good article and share with you.

北歐一座教堂裡，
有一尊耶穌被釘在十字架上的苦像，
大小和一般人差不多。
因為有求必應，
因此專程前來這裡祈禱，膜拜的人特別多，
幾乎可以用門庭若市來形容。
教 ...

如果是這樣又如何?

有錢人過去努力工作, 一天工作16-20小時. 因工程很大, 半年至一年未有停下來. 不單說異性, 連父母也沒時間見面. 錢只是一個數字, 基本從無時間用. 現在只得丁點時間, 本想"嫖妓"平衡一下生理心理需要.

窮人過去豪賭,不努力工作, 老來兩手空空, 現在則望天打掛.

年輕人欺善怕惡, 又有戀童. 已姦殺了不少弱小兒童.

事出必有因, 原因又會有原因. 必須看多一點點.
有錢人有錢, 為什麼把努力換來的錢給別人就是應該.
窮人冇錢, 為什麼可以不努而獲.
年輕人為什麼不可以死.

joeyxlma

說說我的觀點.看看能否解答大家問題. 我相信好多人都已明白.

1. 為什麼要咁辛苦去做很多事,而為了入心儀學校?
因為資源不足. 如校學位不夠. 自己沒太多的錢. 社會教育資源也不太足夠.

2. 為什麼入唔到?
因為個人能力 + 政府和學校制度 + 運氣. 我們只可控制的只有個人能力.

3. 為什麼要入?
好的學校比較容易入好的中學.好的中學比較容易入好的大學. 大學畢業後生活會較好. 道路都是比較好. 需不是一定, 但會明朗點.

4. 普通學校又如何?
不會死人, 只是未來要多努力點 / 辛苦點才到達目標. 因為學習能力隨年齡下降, 越遲學習, 追回以前的就越吃力.

5. 入不了大學又如何?
不會死人, 只是生活要吃力點.

6. 入了大學又如何?
也是不會發達, 只是某生能力高一點.


為了小朋友教育:
辛苦的是家長,
捱不了苦的也是家長,
播種的是家長,
培育的是家長,
收成的是小朋友.

家長經常犯的錯是
自己捱不了苦 +  不懂跟環境播種 + 用了錯誤方法培育 = 小朋友的收成.

ChloeMammy

真係好多謝各家長既分享, 我都好有共鳴.  我囡囡都係今年考小一.  要贏, 要爭先... 似乎都係好多家長對子女既期望.  我都希望阿女可以入到一間好既小學, 而好既定義, 我諗每個人都唔一樣.   做父母既, 多D企係小朋友既角度去睇下佢地既小小世界, 了解一下佢地既感受同埋真正既需要, 我地會發現, 其實佢地需要既野真係好少, 好容易滿足.  好多時係我地諗得太多.   入到心儀既小學固然高興, 入唔到都唔係咩野大事, 平常心!!  長路漫漫, 只要一路上, 我地都可以係佢地身邊支持佢地, 做佢地既良師益友, 崎嶇既路都會比我地踏平, 成為一條康莊大道.

grDaddy

原帖由 littlefaith 於 09-11-1 23:36 發表


同意﹗
大學更重要，大部分專業人士都係大學裡面認識，人際網絡都係响大學嘅時候建立起嚟。所謂名校師兄/姊會關照名校師弟/妹，個人認為都係好個別嘅例子，大多數公司請人都係睇你讀咩U、咩Honour畢業、應對如何，讀邊間名校，相 ...

我都認為所謂名校師兄/姊會關照名校師弟/妹係好個別嘅例子.

六合彩每年中頭奬的人冇一百都有幾十, 中其他奬的人更不計其數, 但唔見得經常買六合彩的人會中頭奬, 偶而中下安慰奬都會有.

然而中奬的先決條件就是要買六合彩, 但我極少買六合彩.

當然, 多一個有知識的朋友, 就總會多一分的得著, 但不要期望會帶來甚麽大不了的好處.

littlefaith

原帖由 grDaddy 於 09-11-1 23:20 發表


我覺得最緊要係一齊跑得開心.
我都好驚一個唔好彩, 入咗間唔谷唔得的名校 , 到時全家人都要捱住地跑, 或者會得不償失.

我始終覺得最重要是係邊間大學畢業, 中學和小學只是錦上添花而已. ...

同意﹗
大學更重要，大部分專業人士都係大學裡面認識，人際網絡都係响大學嘅時候建立起嚟。所謂名校師兄/姊會關照名校師弟/妹，個人認為都係好個別嘅例子，大多數公司請人都係睇你讀咩U、咩Honour畢業、應對如何，讀邊間名校，相對嚟講顯得微不足道。

grDaddy

原帖由 idy926 於 09-11-1 11:54 發表
讀書十幾年流流長,我覺得起跑點係好緊要,但人人感受同際遇都吾同,最緊要適合自己小朋友...

我女女K2時join左一間幼稚園summer course,一星期後某日返來同我講:媽咪呀,你知吾知返學點解咁辛苦呀?原來返學有好多功課 ...

我覺得最緊要係一齊跑得開心.
我都好驚一個唔好彩, 入咗間唔谷唔得的名校 , 到時全家人都要捱住地跑, 或者會得不償失.

我始終覺得最重要是係邊間大學畢業, 中學和小學只是錦上添花而已.

idy926

讀書十幾年流流長,我覺得起跑點係好緊要,但人人感受同際遇都吾同,最緊要適合自己小朋友...

我女女K2時join左一間幼稚園summer course,一星期後某日返來同我講:媽咪呀,你知吾知返學點解咁辛苦呀?原來返學有好多功課架.
我諗summer course有mug理由多功課?點知再兩星期後完course派番兩本厚厚佢係學校做嘅暑期作業返來.

亞女有咁嘅體會,的確令我係揀小一時諗多D.

我報4間直資同私校,第一間offer,就係屋企附近,亦係女女最like嘅,但因較新未有成績出,亦有人話程度淺,同一D負面post,但我都註冊左放棄大抽獎同扣門,其實我又懶除左怕亞女跑得辛苦又怕自己同daddy辛苦,我想我地一齊跑得開心.
另我有報2間傳統名校,因為諗萬一其他兩間開心直資吾得,肯定要落入傳統教育嘅路,橫惦名吾名校都咁辛苦,不如搏下名校,反正女女似谷得果隻(雖然佢有體會但又吾抗拒),女女個profile又會好D咁諗,但而家吾洗揀似乎個天自有安排,希望真係行啱條路,吾好make錯discision...

VKwan

我諗唔會有家長專登留前鬥後掛？！好冒險遮，分分鐘變成留前冇後喎！

留前鬥後相信只係因應學生個別發展。

w_y

我唔反對一開始就谷, 或採留前鬥後, 總之能因應孩子能力所作就是好方法. 留前鬥後我又唔覺得係攻心計喎, 有些孩子的發展真係需要呢種方式, 點解要咁樣形容 d 家長呢?

而且, 贏同輸的定義又係咩呢? 人人都唔一樣. 有人覺得係入名校, 有人覺得係愉快學習. 如果能做到對孩子發展最有利, 我覺得就係贏了.

myrchan

看到有家長說，孩子已表現很好，但仍落選，究竟錯在那裡？這番說話，我看得想喊。

雖然我的孩子尚在k2，但我和老公已常在BK看各校資料，看來看去，鎖定幾間心儀的，但發現原來競爭均是非比尋常的激烈。老公問：究竟這些學校要收甚麼樣的學生？？？我也問：又說不要參加面試班，但有醒目學生校長咪一樣選晒先，咁算不算誤導呢？

我今年為孩子轉校，選讀多項興趣班，參加比賽，究竟又是對是錯？盡了力仍不行的話，便認命算罷！

IGLOO

講到尾還是看父母因素，有父母的支援，贏開會繼續贏，無父母的支援，輸開極大機會繼續輸。

childrenfirst

如果真的是不介意需不需要起跑，根本就不會太在意究竟是什麼"贏或輸在起跑點"。放了在贏或輸的線上討論，根本就是在意有人跑得太快或太慢。

為甚麼一定是贏是輸? 每個人養育子女的哲學、理念都不同。或許有些人很認同早期教育，有些人卻認為無為而治最好。除非有很強的研究或evidence已證明那種教育方法最好或最有害，不然，各種方法也只是 "看法" 吧! 教育的理論這幾十年翻天覆地，除了幾項主要共識外，很多外國的研究結果也莫衷一視。

其實最緊要反而是要了解自己的期望。其實那起跑點上的贏輸，真的不是問題的核心 (我連最基本所講的甚麼是贏，甚麼是輸也攪不通!)。把孩子送進傳統名校的家長，並不一定想贏吧。而把子女送入很自主的學校，也不一定要為著"慢人一步"吧!

整個立論講來講去不過是所謂 "贏未必贏、輸未必輸."

對，這是一種執著，執著就是因為在意。

純綷個人看法，得罪莫插。