就快又開學我已經開始心驚膽戰

honeysara

亞囡今年升小四, 老師講明高小唔再係'是是但但' 求其渡過. 小三已有同學要留級(又係有讀障)但我個女照升都唔知係好定唔好.佢三年級已經讀到c c 吓! 唉!四年級都唔知點捱....

honeysara

我直接打電話去佢哋Headquarters有姑娘同我傾完之後再pass落分區的姑娘等接見.

珀珀,慧慧媽

原帖由 honeysara 於 09-9-2 15:42 發表
約$360-6堂(每堂1小時), 妳問幫助情緒定讀障唔...好難肯定, 因為以我個囡為例佢情緒隱定d自然就會同我合作多d間接都有幫助. 妳可以打電話去小童群益會-家長專線留低資料自己會有姑娘覆妳. ...

是否任何一間都有這服務架?

honeysara

約$360-6堂(每堂1小時), 妳問幫助情緒定讀障唔...好難肯定, 因為以我個囡為例佢情緒隱定d自然就會同我合作多d間接都有幫助. 妳可以打電話去小童群益會-家長專線留低資料自己會有姑娘覆妳.

珀珀,慧慧媽

我想問下小童群益會的遊戲和沙遊治療係每次收費/每個療程收費架?
想問下這對讀寫有幫助還是改善情緒架?

honeysara

仁愛堂有姑娘教亞囡做中文拆字訓練和小量記憶力訓練. 佢成日話亞囡有能力只是表現唔倒出嚟所以成績就會差. 好快就out咗亞囡冇得繼續training. 至於小童群益會就有遊戲和沙遊治療, 都係通過小朋友在遊戲時的行為表現或同姑娘的對話慢慢等囡囡內心潛藏的問題浮現出來再幫她解決. 我相信要用的時間會多些, 希望真係可以有所改善啦! 我同姑娘講我唔係想中心幫助囡囡的學業有所進步, 我擔心的是囡囡的行為及情緒多d.

珀珀,慧慧媽

原帖由 honeysara 於 09-8-31 20:50 發表
我有帶個女去仁愛堂社區中心做治療但成效不明顯, 一對一半小時一個星期唉!真係去做心理輔導多d. 跟住又排咗去小童群益會做遊戲治療,每個course我哋兩公婆都要見姑娘. 明天又要去了... 不過c6話成效唔明顯又想cut咗去 ...

妳個了多久呀??
另治療是做些什麼呢?小童群益會是點樣申請架?
我個囡現在學寫字(在大口環),不過個治療師都唔知她要做多久,因呀囡的專注力好低,好唔專心所以治療師話她唔會好快會有改善喎
sorry 太多問題了

honeysara

原帖由 Man^o^ 於 09-8-28 22:59 發表
honeysara,

甘妳囡囡有冇補習 ? 我依家仲考慮九月開學俾唔俾仔仔去補習社.......

去補習社 ~ 永遠功課都唔會做得晒, 通常完成一半都已經偷笑, 成日俾人投訴唔專心 (已經轉過好多間), 所以補習似乎唔適合我個小朋友 ...

Hi Man^o^
我都轉過幾間補習社, 次次都會俾人投訴唔專心不過一開始我已經同老師講明佢有讀障加專注力不足, 比定心理準備個老師. 所以一定會安排她對住老師or牆坐. 去年好d學校有課後功課班,始終在學校做功課會好d但我擔心今年入唔倒呀! 到時又係死路一條

honeysara

我有帶個女去仁愛堂社區中心做治療但成效不明顯, 一對一半小時一個星期唉!真係去做心理輔導多d. 跟住又排咗去小童群益會做遊戲治療,每個course我哋兩公婆都要見姑娘. 明天又要去了... 不過c6話成效唔明顯又想cut咗去. 唉!點會上幾個月就有明顯進步...我要堅持, 堅持再堅持!!!

珀珀,慧慧媽

唔好意思,我想問下各位有無同小朋友去上一這課程去改善讀寫架??
如有,請問那裡有得上及費用如何??
thanks

珀珀,慧慧媽

原帖由 honeysara 於 09-8-29 10:11 發表
Me too 啦! 芭蕾舞6年, 溜冰5年都放棄咗! 因為兩樣都要考試而且愈考愈難佢就唔肯再學. 佢話如果唔使考試佢就會繼續學.

可唔可以只學而唔考試呢??
我覺得學課外活動是為興趣而唔係為考試而學,如果小朋友有興趣就比她學,唔得未唔考試,人哋一年考一級我就兩三年一級都無所為,只要這活動係對小朋友好就得...
好似我個囡學了三年琴都無考過一級,我同老師講,我只係想她學好些專注及左右協調如果去唔到考試都唔緊要,只要呀囡很學就得~~

珀珀,慧慧媽

原帖由 Man^o^ 於 09-8-28 16:51 發表
妳地係咪全職媽咪 ? 我個仔做功課超慢, 見佢寫字真係一筆又一筆甘寫(我唔知其它小朋友係咪甘), 所以要用好多時間去完成功課, 攪到冇心機...冇動機...最後抗拒去完成.....特別係小三個年, 功課又多, 每晚做功課最快都 ...

hi Man^o^
我都係在職媽媽來的,我個囡做功課係超超慢架,寫一版生字(每個生字寫三次)都要寫個多小時,仲要我看住寫才可以完成,每庚她做功課我一走開她就會唔做啦!!所以每日只是花時間在做功課,無時間可以溫到書
不過我好妳們一樣就係我是放工時間早,可以小朋友放學後就可以看她做功課

珀珀,慧慧媽

原帖由 honeysara 於 09-8-28 10:21 發表
珀珀,慧慧媽
唔煩!唔煩!我都經常上bk搵其他媽咪幫手, 同多d有經驗的人分享又學倒嘢!又有人明自己的困難係好大的支持.要努力!
其實妳的囡囡幾大? 讀幼稚園定小學? 因為唔同年齡的小朋友可以接受的讀書時間唔同. 我個 ...

多謝妳的鼓勵呀!!
我個囡升二年級啦!!

honeysara

Me too 啦! 芭蕾舞6年, 溜冰5年都放棄咗! 因為兩樣都要考試而且愈考愈難佢就唔肯再學. 佢話如果唔使考試佢就會繼續學.

Man^o^

honeysara

以我小朋友為例 ~ 每次佢學一樣新課外活動, 我都會堅持佢最少學一年, 唔可以半途而廢, 自己亦會盡量參與當中, 培養出小朋友既興趣 (當中一定要有鼓勵), 所以我仔仔依家學既課外活動, 通常都 keep 左幾年時間, 佢想新加既活動, 我通常等佢要求多幾次, 等佢自己確定有興趣先會去試, 絕對唔會佢一要求我就馬上同佢報名 !

原帖由 honeysara 於 09-8-26 08:38 發表
我冇參加特殊讀障協會, 返而小童群益會就有file. 不過d姑娘成日叫我體諒個囡佢哋係有問題 但係個囡真係完全唔肯有腦, 無心機做功課, 上堂或者做緊功課都可以遊魂.. 原本我想幫佢發展體育潛能(因為佢身型好f ...

Man^o^

honeysara,

甘妳囡囡有冇補習 ? 我依家仲考慮九月開學俾唔俾仔仔去補習社.......

去補習社 ~ 永遠功課都唔會做得晒, 通常完成一半都已經偷笑, 成日俾人投訴唔專心 (已經轉過好多間), 所以補習似乎唔適合我個小朋友..... 幫助亦不大

留係屋企 ~ 唔會自動自覺做功課, 等我放工先做, 所以越來越夜訓, 自己對住佢做功課既態度, 真係 EQ 盡失....

但係見佢成績每況愈下, 真係好想搵 d 辦法去幫佢.....

原帖由 honeysara 於 09-8-28 18:47 發表
我係上班族, 放工返屋企先開始同亞囡博殺. 我家住大埔但在太古城返工單單上,下班已經要3個鍾. 所以每晚食完飯再教亞囡做功課已經有d'謝'加上佢唔合作我好易便會發顛 ...

honeysara

我係上班族, 放工返屋企先開始同亞囡博殺. 我家住大埔但在太古城返工單單上,下班已經要3個鍾. 所以每晚食完飯再教亞囡做功課已經有d'謝'加上佢唔合作我好易便會發顛

Man^o^

貓大姐,

我冇搵過 ~ 特殊學習障礙協會, 因為我仔份報告唔係寫 "讀障", 只係寫佢呢方面比較弱, 剛合格, 要繼續留意, 所以唔知個會受唔受佢, 所以一直冇搵.............

原帖由 貓大姐 於 09-8-25 00:19 發表
我地轉左去大圍

我都有擔心你所想的, 因為香港學校會包容我們的這一類小朋友, 沒有幾多間...  而我依家轉果間, 我都唔知係咪真係適合亞女, 不過聽人講, 晌到讀的小朋友都幾開心...

我見亞女其實可以讀多年 (佢12月 ...

Man^o^

妳地係咪全職媽咪 ? 我個仔做功課超慢, 見佢寫字真係一筆又一筆甘寫(我唔知其它小朋友係咪甘), 所以要用好多時間去完成功課, 攪到冇心機...冇動機...最後抗拒去完成.....特別係小三個年, 功課又多, 每晚做功課最快都要 12 點, 所以根本冇時間溫書, 平時默書都唔會特別去溫習, 實在冇辦法........

妳地小朋友寫字快嘛 ? 好幾次測考既默書, 仔仔全部識晒, 不過係寫得慢, 唔夠時間完成, 所以............漏左最後幾段....一個字扣 3 分.......扣下扣下只餘下 1x 分........ !!

原帖由 honeysara 於 09-8-28 10:21 發表
珀珀,慧慧媽
唔煩!唔煩!我都經常上bk搵其他媽咪幫手, 同多d有經驗的人分享又學倒嘢!又有人明自己的困難係好大的支持.要努力!
其實妳的囡囡幾大? 讀幼稚園定小學? 因為唔同年齡的小朋友可以接受的讀書時間唔同. 我個 ...

honeysara

珀珀,慧慧媽
唔煩!唔煩!我都經常上bk搵其他媽咪幫手, 同多d有經驗的人分享又學倒嘢!又有人明自己的困難係好大的支持.要努力!
其實妳的囡囡幾大? 讀幼稚園定小學? 因為唔同年齡的小朋友可以接受的讀書時間唔同. 我個囡升小四,佢間學校一向多功課平均一日有6-7樣(唔計改正加重改) 一個唔好彩會變成10幾樣功課.所以佢都要做到都夜,飯後練琴的時間只有15-20分鐘都好趕. 溫書的時間必然小唯有用盡星期六,日的時間.所以亞囡成日話辛苦會發爛渣唔合作,有時我對佢都冇晒辦法考試,默書盡晒力都唔合格都冇計啦!唯有我再想多d佢喜歡的活動式方法教佢, 有時我都覺得在家手舞足蹈哋教佢有d似癲婆.