請問馬鞍山邊間幼稚園好?

irislees

我想俾囡囡下年讀N1, 但實在太多選擇, 唔知讀邊間好, 請問各位知唔知馬鞍山邊間幼稚園好? 可以俾0的意見呢? Thanks!

monkey05

原帖由 irislees 於 09-8-10 13:49 發表
多謝晒各位既意見....另外我想問大家，知唔知靈糧堂好唔好，我聽朋友講話幾好，你地點睇呀?

靈糧堂無 n 班架.

irislees

多謝晒各位既意見....另外我想問大家，知唔知靈糧堂好唔好，我聽朋友講話幾好，你地點睇呀?

ggmui

我個仔係崇真美善幼稚園讀，佢今年9月會升小一，佢係由N1開始讀，這間學校N1係無全日班，K1-K3就有全日班。

這間學校係有好多活動，亦有好多親子活動，亦有家教會，學校同家長係會有好多機會溝通，學校係上下學期都會有家長會去介紹學校本學期教育方向，教學內容。老師亦會定期打電話俾家長講吓學生上堂嘅情況。升K3時，學校一開學就同我講解小一選校嘅問題，你知啦，升小一我哋啲家長就梗係好緊㗎啦，所以學校主動同我哋啲家長開講座，我哋不知幾開心。

由校長至到嬸嬸都好好人，我個仔其實都幾玩皮，但係老師從來無駡佢，佢哋仲教得好心機過我自己。

選學校除咗睇各位sister評價及推介之外，我覺得自己不妨去睇睇自己心儀嘅學校，例如返學，放學嘅時間，你會睇到間學校有冇心去攪好間學校，啲老師有冇愛心等等。另外，教育署睇對學校嘅評價亦都可作參考。

希望你囡囡㨂到一間好學校啦。

大舊飯團

可以TRY下合一堂單家傳, 佢地K1-K3有學券, 主要著重培養小朋友自理能力, 以及德育修養方面~!! 可以會啱妳

irislees

多謝你地既意見, 我比較鐘意活動教學, 最好K1-3有學劵, N1半日定全日班就冇所謂, 但K1-3全日好0的

"學習自理能力多D定文字常識多D"呢個問題, 我就更係想兩樣都兼顧到, 我想佢有良好既德育同品德修養, 但係BB初頭果幾年係學習既黃金時期, 呢個時期學習能力同速度都係最高最快, 所有又想佢打好個基礎先, 咁其實呢個年齡, 邊方面對佢重要0的呢?

校長同老師有愛心都好緊要, 始終個小朋友咁細就俾人睇, 點都會擔心, 而且佢地有愛心先會認真教導小朋友, 咁佢地先願意係一個有安全感既地方愉快學習, 咁佢地先學到野, 有得着

各位爸爸媽媽, 你地有冇其他意見呢? Thanks!

fungma6184

絕對同意 MONKEY05 既講法.
真係要睇你要求的咩. 半日班定全日班? 學習自理能力多D定文字常識多D?
我小朋友係頌安村東華三院都讀既,由2歲起讀.學校有校長老師都好好, 好有愛心. 試問有幾多間學校可以打開俾你係窗口度望住D小朋友上堂? ( 當然係唔熱同無太陽晒果陣)如如果教得差D都唔夠謄甘做啦.
雖然話D課程淺咋, 但係起碼小朋友記得到. 全日班學費都係 $2420 (唔計學卷) 除左一個學期2,3百元既書簿費, 乜雜費都無,簡直係超值啦.
我有朋友個女係另一間度讀, 學費差唔多( 不過佢係半日) 仲有其他雜費 . 學既野係好多, 不過問返佢之前學果D, 佢都檸哂頭話唔知.

monkey05

原帖由 irislees 於 09-8-3 16:42 發表
我想俾囡囡下年讀N1, 但實在太多選擇, 唔知讀邊間好, 請問各位知唔知馬鞍山邊間幼稚園好? 可以俾0的意見呢? Thanks!

好的定義有好多種, 你要問問自己你想要D咩, 直上時要有學劵K1-3, 活動教學, 校舍大, 近屋企, 語言強?  因人家覺得好又未必係自己杯茶.  如比到心中一D所想, 先可以從咁多學校找到合心水的. 其實, MOS 係多幼稚園 , 但唔係太多有N 班.