E/I/S 位

ktv

咁請問乜嘢情況會判定入E位, 乜情況判定入I位, 乜情況判定入S位?

E位好還是I位好? 有冇得自己選擇?

ktv

你話會揀E位, 然後就揀有I位服務的幼稚園讀。但我o個區有I位的幼稚園好少普通位, 而且先到先得，而家先報好難入。有間話D學生由2歲班升上去K1, 佢地唔讀先有位收其他人讀K1。你地區係咪咁少位O架?

如果小朋友INTERVIEW表現太差, 例如不停大喊, 冇一般幼稚園收佢。咁係咪只有讀I位或S位, 不能揀E位了? (私立幼稚園就算收, 但課程艱深, 都應該跟唔上了)

原帖由 kikiboy 於 09-7-16 12:28 發表
如果我有時間帶小朋友去上堂我會揀E位, 然後就揀有I位服務的幼稚園讀. (當然你個小朋友就冇I位服務, 但通常呢d老師包容性相對比較大)

Anpanmama

如果响I位巳經有改善, 點解仲要轉E位？ 因為想轉校？

bobolam

如果有I位後, 讀了一段時間後, 有改善, 可以轉E位嗎?

原帖由 Anpanmama 於 09-7-17 01:48 發表
但有I位後, E位就要放棄架！ E, I 同S只可同一時間使用一種服務, 否則資源更加唔夠分配！
我家陣就係要决定係咪放棄S位轉E位, 好難决定！:sigh:

我都係咁諗, 轉E位另報有I位嘅學校中嘅普通幼稚園位, 我仔仔家陣嘅S位班主 ...

豆Dan

當初我也為這個問題而頭痛, 社工話在我區太多小朋友在排緊I位, 有可能當我的小朋友K3完成都咪必可以入到班, 而入E位就要請假陪他去上堂.
與老公商討後還是選擇E位(但也排了一年), 現在已上了兩年早期訓練, 也堅持由老公及自己陪小兒上堂, 因我們希望知道小兒在訓練中心的訓練內容, 從而在家中也根從同一方向對待小兒. 如今小兒已有很大的進步.

Anpanmama

但有I位後, E位就要放棄架！ E, I 同S只可同一時間使用一種服務, 否則資源更加唔夠分配！
我家陣就係要决定係咪放棄S位轉E位, 好難决定！

我都係咁諗, 轉E位另報有I位嘅學校中嘅普通幼稚園位, 我仔仔家陣嘅S位班主任之前就係教開I位小朋友, 佢話学校其他老師都並非好知點handle,  有乜事都係揾佢！
但相比其他幼稚園, 相信都係比較好啲！

[ 本帖最後由 Anpanmama 於 09-7-17 02:05 編輯 ]

kikiboy

如果我有時間帶小朋友去上堂我會揀E位, 然後就揀有I位服務的幼稚園讀. (當然你個小朋友就冇I位服務, 但通常呢d老師包容性相對比較大)

Anpanmama

一般嚟講, 假如小朋友的各樣發展都差或問題比較嚴重都會選擇S位, 在特殊學校有3師跟進, 而老師亦會按小朋友的不同能力安排深淺的訓練, 好處是各樣訓練也密集式的融入課堂中, 進步也較快, 但一些學術性嘅課堂就完全不能和一般主流幼稚園相比了, 甚至可能家長要自行教導, S位除了課堂外, 也有因應個別情况而安排的個別訓練。 我自己覺得如果小朋友在一般幼稚園未能投入學習, 或有專注、行為, 言語, 感統問題比較差, 入S位有老師約1:6-8人的指導, 較果比較明顯！好處係各樣訓練及上課也歸一地點, 小朋友不用週圉走去做訓練而心散。

I位其實係响普通幼師中有一位特殊老師專門負責6-8個特殊需要的小朋友, 而這班小朋友亦和其他同學一起學習, 好處是小朋友可以在主流幼稚園中一邊學習, 也有互動的社交生活, 但要注意一切個別訓練都比較S位少, 約2星期至每月一次, 而特殊老師亦要兼顧其它正常學生的課堂, 可能未會好仔細照顧到我地班小朋友嘅需要。
E位對一啲差距比較少而响主流幼稚園讀緊亦可投入課堂嘅小朋友比較適合, 早期訓練中心安排的個別訓練比I位密, 但小朋友可能要向學校請假到中心做訓練而影响主流幼稚園課堂學習。
如無記錯, 一般响醫生做完評估後, 會因應小朋友嘅情况轉介社工, 而社工會提議最適合小朋友嘅安排而輪侯邊條隊, 一般都會排E位再排I位或S位, 因為I 同S通常都會排耐啲, 一邊排E位係保險响等候學校期間, 希望早期訓練中心早啲有位做住訓練等....所以社工都會叫家長選E位一條隊外再揀 I或S位一條隊, 但做如選I位就唔可以同時選S位。 响見社工前最好睇吓小朋友嘅需要選定I  or S 位, 甚至可以先楝定幾間中心(學校)同社工商量入紙。
好多身邊嘅家長朋友响選學校時, 對S位都好抗拒而選咗I位, 但後來先發覺配套未必適合自己嘅小朋友而白白浪費咗時間, 所以你自己首先放底成見, 睇清楚小朋友嘅問題同社工或醫生商量, 攞意見！

[ 本帖最後由 Anpanmama 於 09-7-16 04:05 編輯 ]