2009-10 小二家長入黎傾吓

GogoCheung

原帖由 KinKin_Mama 於 09-7-8 23:40 發表
我嚟報到先
我囝囝編到2D班

我個仔都係2d.  你地計吓, 係咪按上學期名次排

GogoCheung

原帖由 Derdad 於 09-7-9 02:17 發表
我囝囝上年係1A，今年係2A。

都唔知個仔考第幾而派去A班，好大壓力呀！

(A班係由全級排名1, 1+5, 1+10, 1+15...的學生組成,
B班係由 2, 2+5, 2+10, 2+15...的學生組成，C班係由3, 3+5, 3+10, 3+15... ...

但亞仔果班上學期考第1的, 今年讀2a, 上學期考第4的, 今年讀2d.

GogoCheung

原帖由 Tatama123 於 09-7-9 09:59 發表


我地班唔係以上學期名次分班, 我估係以全年總成績分班, 你們對於今次成績滿意嗎 ? 因為沒有分數, 大家都沒有咁大壓力 !

其實今次考試, 無分數, 無名次, 感覺輕鬆好多, 因為有些人, 很喜歡打探人家的小孩考第几, 我可以回覆, 無名次,
因為我唔太鐘意, 講比人知自已個仔考第几, 亦都唔鐘意問人地考第几.  比較只會令自已, 令小孩唔開心. 自覺滿意就得.

記得第2次測驗後几天, 我送亞仔返學, 之前覺得他回來的成績好滿意, 但站在門口時, 聽到別的家長在談分數.  一聽之下, 心裡好不舒服, 覺得自已個仔好差.  當時, 真的有點不開心, 但後來想深一層, 就當自已無聽到. 而且自已是在職媽咪, 亞仔己經不錯.

GogoCheung

你地個仔好勁, 咁快做完!!   我果個, 仲要 !!

GogoCheung

原帖由 Derdad 於 09-7-22 23:57 發表
邊係吖，我個仔咁快都係因為佢識寫有佢「特式」嘅「草書」。

佢嘅「草書」有兩個「特式」:

1.係得佢自己先識睇；
2. 佢寫完一次之後，跟住就唔可以再寫得番…

...

咁本作業要唔要, 交比老師改?  我仲認真到同佢對有無錯, 錯咗要做返改正.

GogoCheung

原帖由 Derdad 於 09-7-25 02:06 發表
作業就梗係要交嘅，但妳知啦，本嘢成百幾頁、三十幾個學生，妳估老師會唔會逐頁睇、逐頁改呢？

妳嘅認真冇問題吖，老師派埋答案俾佢都係想家長幫手改啫(我諗…)！

...

咁, 我知點做了!!  你去咗書展未, 人多嗎?

GogoCheung

原帖由 Derdad 於 09-7-26 01:04 發表
嗯，去咗兩日，都係唔駛錢入場！

一樓賣大人書，人係多啲嘅。但係個場因為大咗1/3，相對上唔係咁覺人迫人。

三樓都係賣補充練習嘅散貨場，一樣人頭湧湧。今年多咗好多TSA類型嘅練習，以Longman、Classroom及樂思嘅TSA練習較受 ...

唔該晒Derdad!!

GogoCheung

原帖由 Derdad 於 09-8-27 23:55 發表
就開學咯！各位來年要油啊！

希望, 千祈唔好!  返返吓又停課!!  真係唔想再有停課!  影響進度, 影響學生心情

GogoCheung

原帖由 Derdad 於 09-9-2 10:37 發表
今日個書包超輕—— 數學書未派，英文書經精工買又未有，可能放學就勁多嘢攞囉。

我都以為, 第一日就會派英文及數學書, 我仲比定個大書包佢, 點知返來, 得叠通告同手冊

GogoCheung

原帖由 Derdad 於 09-9-2 17:35 發表
學校好多時做啲o野，我哋啲"常人"家長唔係咁易明白同估到…

真係估佢唔到!  今日都未派.  而且操行成績表, 英文及中文讀書報告都未收?

我想問一下VA, 我地要唔要先買一盒粉彩及膠水等等文具, 因為, 小一是學校代買.

另外, 小一有功課袋 及 回條袋派, 小二係咪要自己買?

GogoCheung

原帖由 Derdad 於 09-9-2 23:14 發表
「英文及中文讀書報告」係咪指Dear Time 計劃？冇咁快噃！
粉彩唔駛買，學校遲啲會派。其他VA物品就要自己買嘞！

功課袋等學校應該會派嘅，未派之前用住一年班啲先啦！

...

Thanks Derdad:loveliness:

GogoCheung

原帖由 mirrorfun 於 09-9-3 21:27 發表
我想問有沒有人知道2D班的中文老師MS. M SUEN 教中文如何呢

點解要特別別問2d 中文老師, 唔仔琴日上完中文堂, 返來讀第一課3次, 又無特別提到ms.suen

GogoCheung

原帖由 KinKin_Mama 於 09-9-4 14:31 發表
係呀, 尋日我囝囝上完中文堂, 返到嚟都無咩特別野講, 反而呢幾日都淨係掛住講佢班主任, 仲有仲未識到班入面新同學, 小息走去搵番以前d同學仔, 同埋講吓班入面有同學仔頑皮咁之類啦, 見佢都幾開心.

唯一係佢好想以前 ...

我個仔都好鐘意miss wong.  miss wong真係一個好有heart的老師.  我琴晚問亞仔, 有無舊年的同班同學, 佢話有某某, 而且識咗個新同學, 仲認人地係最好朋友. 但最頑皮果個都仲同佢一班,  他說時, 還帶點感嘆.  我就同佢講, 這就是緣份, 只要係同學, 都要嘗試相處.  因為, 都好難得, 連續兩年同一班.  我好怕自已小朋友被排斥, 亦怕佢會排斥人.   希望, 佢地在一個包容及有愛心的環境中學習到愛人及被愛.  這是除了學問, 我最希望他學到的:)

GogoCheung

原帖由 KinKin_Mama 於 09-9-4 15:52 發表
係呀, 我囝囝係超級鍾意Ms Wong, 佢仲話呢幾日未見到佢, 可能佢要留係三樓照顧一年級新同學, 聽見亞囝咁講都幾搞笑.

佢都話班入面有D真係幾"活潑", 我唯有叫佢盡量做好自已啦. ...

你個囝所講的活潑, 可能已包括我個仔, 我個仔好貪玩 , 以後要多多包涵

GogoCheung

2A班有第一個啦!   希望小朋友係輕微及快些好返!  

我老公想個仔日日帶住口罩返學, 可行嗎?  帶咁長時間, 太辛苦.  但亞囝本身已經有哮喘, 如果染到嚴重d病毒, 唔知佢頂唔頂到, 說真係有點擔心!!

GogoCheung

原帖由 KinKin_Mama 於 09-9-10 21:14 發表
收到短訊之後, 我都擔心.  希望個位小朋友可以快d好番.

我個囝都極之唔鍾意帶mask, 要佢帶住, 佢都係只會帶下又除下, 唔會話得聽.  不過要帶住咁長時間又真係幾辛苦, 又熱又流汗 ...

Hi KinKin_Mama,

VA --  係咪明天交, 我個仔唔知要做嘜, 手冊寫 " 設計及包好封面"  你個仔會唔會講得清楚D, 係咪張個公民袋改為包裝袋就得??

GogoCheung

原帖由 KinKin_Mama 於 09-9-10 23:30 發表
唔好意思, 咁遲先覆你

我個囝話下星期一先交, 唔係聽日

無特定主題, 自已鍾意點整都得, 可以用粉彩畫或用其他材料亦可, 記住寫名就得啦

今晚唔好整啦 ...

好彩唔係明天交, 因為仲諗緊畫嘜!!  未動過手

GogoCheung

原帖由 Derdad 於 09-9-11 00:51 發表
好似見到2A班嗰個小朋友被老師帶咗去4A班個課室度，話確診咗豬流感…   

聽聞4A班仲有一個小朋友8月尾已經唔舒服，8月31日開始冇番學，到前日一番學就又發燒，又要隔離…

...

睇尼點都避唔到!!  希望小朋友都只係輕微, 快些好返.

GogoCheung

原帖由 KinKin_Mama 於 09-9-10 23:30 發表
唔好意思, 咁遲先覆你

我個囝話下星期一先交, 唔係聽日

無特定主題, 自已鍾意點整都得, 可以用粉彩畫或用其他材料亦可, 記住寫名就得啦

今晚唔好整啦 ...

係咪我個幪仔又唔識交, 點解個包裝袋, 星期一帶到今日, 都仲係道

GogoCheung

原帖由 KinKin_Mama 於 09-9-18 00:41 發表
我個囝都係星期一帶咗返去, 佢話老師無收嚟睇, 淨係叫佢地星期四VA再帶返去, 要嚟放畫完的圖畫返屋企.

所以我囝囝星期一帶完返去之後就放係屋企, 到今日再帶返去載圖畫返嚟, 以後的 VA堂都要帶返去載圖畫

今日我見 ...

吓! 我個仔淨係話老師無話收.  完全無提過個袋用黎裝畫, 我個仔真係救命!  好彩你個仔醒, 識講返晒, 咁我就放個袋放入va袋就得啦!
真係唔該晒你!!