8歲女偷錢, 點算?

huihui

囡囡突然長大了. 終於我要面對青少年的問題(偷錢). 是否早了一點?
近日我已察覺囡囡有些異樣, 竟發現書包內有大量碎銀(用一個平時放玩具的銀包裝住) 因我一向沒有給她零用錢, 她是不可能有錢.  她卻答我銀包是另一同學放入她書包(玩),  她不知情.  再三問後才說出銀包是她自己, 但還堅持錢是同學叫她代保管. 最恐怖是一大堆大話的同時, 她表現得非常冷靜和對答自然流暢.     
最終我出了十成功力, 她才說出自己在我的銀包偷錢回校買飲品.  
原來現今小二, 已有零用錢, 很多小朋友在學校買零食(但每天我已給她小食, 還預多些給她請人吃)
請問我是否要順應民意, 給她零用錢? 又應給多少?
我已跟她說了很久道理, 給她一次機會.  但是否不必罰她?
(怕她不知錯), 罰她又怕反效果, 做出激烈行為.
請指教如何處理.

G-Ma

我囡囡小一開始每日比$2零用錢佢, 主要係希望比一個價值觀佢, 唔好見到咩都話買, 例如佢見到個玩具$20, 以前佢一定叫我買, 宜家我會叫佢自己攞零用錢買, 佢一計要儲10日先有$20, 結果佢覺得貴就唔買.  所以適當比佢地對錢有個觀念係會好D.

樓主囡囡都係一時貪念, 雖然今次係好錯, 不過佢始終仲細, 仲可以教返好佢, 只要父母多D輔導, 趁此機會好好灌輸既態度比佢, 我相信佢會改過既.

Umi

唔記得講, 不過, 你都要好認真咁說明"偷錢"係一個好唔岩既行為, 就算比你偷到又點, 你食既時候開唔開心呢? 因為時時都驚比人發現, 可能我地有信仰, 所以我會同佢講, 有咩"天主"一定知, 祂會用方法告訴比其他人知, 你是扼唔到祂. 同時,如果要咁做, 你會唔會覺得自己苯左呢? 為左呢D野搞到自己咁. 同埋, 以後有問題唸唔通, 可以直接同媽咪商量一下, 媽咪實唔會害你架! 我地會一齊解決問題. 有時, 小朋友唸歪D就係行錯左一步喇!

Umi

其實也要關注一下, 她們也接近青春期, 我個囡十歲, 近來我覺得她有很多事都唔同左, 脾氣大左, 有時佢發完脾氣都會同我講, 話唔知點解最近好多野,明知自己唔岩但又忍唔住. 我內心當然明白點解啦! 所以我都會慢慢分析比佢聽, 跟她說:"你以前可能一個"階磚"既自由都OK, 但現在要4個"階磚"的自由. 我明白, 下次遇到呢個情況用另一個方法會否好些呢? 對自己都好D嘛!" 咁佢平靜過後會聽.

有時, 小朋友未必係想買零食, 只係感受下自己可以拿主意, 又好似大人咁既行為姐. 其實8歲都可以比小小零用錢佢, 我個囡就每天比2蚊. (學校既野食唔會好貴) 但如果唔夠佢咪自己儲蓄下先囉. 佢地覺得咁好"過隠"嘛!

huihui

我很認同整件事我最痛心的不是她偷錢, 而是一連串的大話+大話.   我昨天亦哭了, 我對她說講大話是很容易的事情, 但永遠一個蓋一個的大話是不會完結的, 良心亦會很難受. 拿出勇氣說出事實才是最難得.  
我亦很希望她會明白我的苦心, 而不是越學越聰明地怎樣瞞騙父母.

HY412

我比零用錢給囡囡的同時, 是希望她學會運用/分配金錢, 如果有餘錢又會如何使用/分配.

我會選擇每個月比一次, 因為每個星期比$10, 數目很少, 不值思考我們的目的何在.

原帖由 huihui 於 09-6-3 14:05 發表
但最初是否每星期給一次零用錢較適合?

sk889910

明白你的感受.

相信每個小朋友都做過錯事,小兒也試過把默書寫在筆袋上,我也很心傷,因猜不到自己的孩子會這樣的.

當然我也說了一番道理,他說知錯.
誰知第二天,叫他在家試默,他竟把字預先寫在桌上.這次,爸爸執行紀律,剥奪了他最愛做的事情,他很後悔.

如我是你,我會說,我寧願要一個誠實的女兒,多過一個聰明而不老實的人.這次媽媽很心痛,很難過.......現在你年紀還少,爸媽會輕罰你....若有再犯,就.......

是的, 人真的有罪性.
有些父母不肯相信自己的仔女會偷,會錯,最終害了孩子.


犯錯,是有後果的.

你可跟她相討,她想怎樣.然後給她一些選擇(一星期在校可買2次飲品/給她幾元),好似好民主.

別煩惱,這是必經階段!

ps
有一次,亞仔做錯事,我在他面前傷心得哭起來,他深刻地記得媽媽很緊張他和愛他.

原帖由 huihui 於 09-6-3 11:51 發表
囡囡突然長大了. 終於我要面對青少年的問題(偷錢). 是否早了一點?
近日我已察覺囡囡有些異樣, 竟發現書包內有大量碎銀(用一個平時放玩具的銀包裝住) 因我一向沒有給她零用錢, 她是不可能有錢.  她卻答我銀包是另一同 ...

MrsFung

我女讀小一,但我無比零用錢佢，她又無話想要零用錢在學校買零食，其實我駛唔駛比些少零用錢給她呢？

huihui

非常感謝各位!
囡囡從未要求要錢買零食. 但曾透露其他小朋友在學校有錢買零食, 只是我遲鈍.  只是跟她說如考試成績有9x, 便給她嘗試回校買飲品.
謝謝很好的提議! 我剛還懊惱買飲品給她帶回校還是給零用錢她自己回校買.  因問她又說無所謂, 不知她實際心想怎樣.  
你說得很對!  她也知學校飲品較貴, 由她自己衡量.  
但最初是否每星期給一次零用錢較適合?

huihui

很難知道她是否有悔意. 她表面知錯, 但真不知道她心想甚麼.  她從小便不善於表達自己感受. 但她會說一些明知你想聽的說話.  唉!

YLMBEE

原帖由 huihui 於 09-6-3 11:51 發表
囡囡突然長大了. 終於我要面對青少年的問題(偷錢). 是否早了一點?
近日我已察覺囡囡有些異樣, 竟發現書包內有大量碎銀(用一個平時放玩具的銀包裝住) 因我一向沒有給她零用錢, 她是不可能有錢.  她卻答我銀包是另一同 ...

會唔會囡囡曾經問你攞錢返學校買野食, 你唔比呀?
我唸你唔好鬧佢主( 因為可能會有反效果), 先同佢講偷錢嘅嚴重性, 然後再同囡囡講如果吓次想買野食, 何以問媽咪攞錢, 不要再偷, 睇吓有無改善.

HY412

小囡現時 P.4, P.1 時已給予零用錢, 每月一次過給她
$40 , P.2 給 $50, P.3 給
$60 , 但到了 P.3 下學期, 囡囡看見爸爸給我家用, 於是她每個月又給我
$10 , 她說要學爸爸比家用我 .

當時給她零用錢可以在學校買飲品用, 其實我唔想她每天都飲紙包飲品, 始終沒有太大益處, 於是給她
定了以下條件 :

~ 學校賣出飲品每盒 $3.5, 如果每天在家拿飲品回校, 便在零用錢內扣 $2.0/盒 ( $2.0 X 20天 = $40 ).
~ 如果放學回家後在家中食茶點才飲, 可以免費.
~ 結果囡囡只在開學初期在學校買飲品, 隨後在家中拿飲品回校, 到最後選擇回家食茶點才飲. 因為她發現免費飲品可以每個月有餘款, 亦由此而起她開始儲蓄, 而家將部份零用錢用作返教會奉獻, 或用作買心愛的文具, 但大部份她都是儲起, 每天銀包只會帶 $5 以便不時之需.
~ 家中零食不算太多, 如果她扭計要額外多買, 又同佢講在零用錢中扣出, 久而久之, 她再沒有額外要求.

** 小朋友的心態與大人一樣, 人有我有, 他不會知道偷錢的嚴重性, 一定要解釋清楚.
** 切勿提供八達通, 我覺得八達通同信用咭害處一樣.

原帖由 huihui 於 09-6-3 11:51 發表
囡囡突然長大了. 終於我要面對青少年的問題(偷錢). 是否早了一點?
近日我已察覺囡囡有些異樣, 竟發現書包內有大量碎銀(用一個平時放玩具的銀包裝住) 因我一向沒有給她零用錢, 她是不可能有錢.  她卻答我銀包是另一同 ...

[ 本帖最後由 HY412 於 09-6-3 14:16 編輯 ]

黃巴士

原帖由 huihui 於 09-6-3 11:51 發表
囡囡突然長大了. 終於我要面對青少年的問題(偷錢). 是否早了一點?
近日我已察覺囡囡有些異樣, 竟發現書包內有大量碎銀(用一個平時放玩具的銀包裝住) 因我一向沒有給她零用錢, 她是不可能有錢.  她卻答我銀包是另一同 ...

我小朋友以前P.2時都有類此行為, 他一向有零用錢, 有次他是從他自己錢櫃中取多了1/2元,  後來C6發覺.   我們是用最傳統的方法-責罵他. 他有知錯有悔意了, 以後都沒取多錢了.
有時帶零食回校, 他會主動不取零用錢.  

至於你囡囡, 我想你先了解她事後如何看這事?? 是否有悔意?