"老母" 是否粗口?

eminent

Yestersday my son slip out of tongue when he play with his school mate at school. He
doesnt know" 老母"is a swearword and be punish in school. He is in Primary two.
What is your comment?
Thanks

Parent

小傻瓜

各人有各人的見解!
雖然不是粗口, 但確實十分粗俗.
做家長的, 一定要教導小朋友不可以講.
不可以說小朋友不知道這個詞語是什麼意思便算. 既然不知道那意思, 小朋友更加不應該說.
何況為什麼你的兒子會無故說出這個詞語? 和其他同學吵架? 如果是的話, 我估他應該是知道這個詞語的意思.

換轉角色, 如果有個小朋友無端端對住你或你的兒子講"老母", 你會覺得那個小朋友怎樣? 如果有個小朋友這樣說, 而老師不處理, 你會覺得怎樣?
相信老師罰小朋友都是可以諒解的, 但罰之餘, 最重要的是老師及家長都要教導番小朋友要用一些有禮貌的字眼, 以禮待人.
做老師, 做家長, 都要以身作則, 因孩子的模仿力很強的.

大頭蝦

原帖由 大頭蝦 於 09-5-24 18:29 發表
仆街, 老母, 老味, 死剷, lan 袒. 仚家祥, 等等, 都係一樣, 連喺大人口中講出黎, 我都覺得係粗俗啦, 更何況小朋友講 ?

無錯, 我自己連 "超", "妖" 呢 d 都唔比我自己個小朋友講

黃巴士

原帖由 大頭蝦 於 09-5-24 18:29 發表
仆街, 老母, 老味, 死剷, lan 袒. 仚家祥, 等等, 都係一樣, 連喺大人口中講出黎, 我都覺得係粗俗啦, 更何況小朋友講 ?

我已將這些粗俗說話, 自評列為粗口, 不淮我小朋友說, 懶理會它們是否已進階或入唔入到粗口排名榜???

我唸小朋友連一些粗俗字最好都不要講, 好像"麻LUCK佬, 死佬/婆, 食C... 廣東話太多DIRTY LANGUAGE了!!

大頭蝦

仆街, 老母, 老味, 死剷, lan 袒. 仚家祥, 等等, 都係一樣, 連喺大人口中講出黎, 我都覺得係粗俗啦, 更何況小朋友講 ?

venuscc

從我嘅角度，既管佢唔系粗口，我都覺得不雅，什麼“老X,老乜”，出自任何人口，都好似不太禮貌，所以我覺得都系唔講好過講，過開有隱就毖！

漢堡飽

原帖由 Derdad 於 09-5-22 10:16 發表
"老母"不是粗口，反之， 本是一個暱稱，指的是年紀老邁的母親。也有部分中國地方稱家中之老傭人、奶媽等為"老母"。

"老母"是古今用語，文言文常見之。
"老母"也不只是廣東話， 是華人通用的詞語，

近代有:
《紅玫瑰與白玫瑰》 ...

老母當然無問題，只是語氣問題，問候你老母如果是出於問侯，當然好欣賞，反之就另一個意思。我不覺得是封建思想，尤其是培育小孩子，一定要他分到什麼是可以，什麼是傷害人，分清是非黑白。

漢堡飽

我相信很多人聽到這話心裡一定覺得唔舒服，好明顯已不是係人都接受的詞語。
我們當然有責任教小朋友唔好向對方說出傷害人的說話啦！
這是修養的問題，可是現今香港已覺得無問題。太隨便，太自由，以為自己覺得無問題就當其他人接受。
要小朋友知道什麼是粗俗語，老師做得好，因為仍有很多人不接受這詞語的。

popokit

算唔算係粗口, 無需考究.  絕大部份人都覺得是不雅用語, 咁講來做乜, 又唔係無其他字代替. 好似長毛係立法會講"X街" 佢話唔係粗口, 你話係,  真係捭佢講羸, 又有咩意思.

我個囝早幾年衝口而出, 講佢老豆老母, 我同我老公都眼都大埋. 感覺非常粗俗. 其實我一向都捭佢講老豆(我都係咁叫我老豆, 仲覺得好親切tim. 不過我諗無人會叫自己呀媽做老母!)  結果我一家都唔淮再講老豆or老母. 邊個講一次罰$200 (口頭記賬). 依家祇有我兩公婆, 有時仲會衝口而出.  捭個囝罰.

[ 本帖最後由 popokit 於 09-5-22 21:32 編輯 ]

G-Ma

真係幾俗吓, 一定要比小朋友知道唔應該講, 有時佢地真係貪玩特登成日講.

MANFUN2010

最好不要說...真係幾 " 俗 ", 我唔會比我啲小朋友講, 好難聽, 雖則不是粗口, 但可免則免, 為甚麼要講呢啲 " 名詞 " 呢 ?

學校點懲罰? 是不是用解釋的方法去指導他不應說 " 老母 " ? 如是, 我認為不算是懲罰.

Sherryko9

不嬲都覺得太過親密係有D問題,我諗我同囡囡唔太親密,千祈唔好對住我用呢個"暱稱" ,真係受唔起 !好彩我地係用"現代語",唔係用"古語",否則人前人後咁叫,都唔知應唔應好? 自問未到年紀老邁地埗又唔係傭人,所以都係唔想個小朋友咁稱呼"媽咪"了!

Derdad

"老母"不是粗口，反之， 本是一個暱稱，指的是年紀老邁的母親。也有部分中國地方稱家中之老傭人、奶媽等為"老母"。

"老母"是古今用語，文言文常見之。
"老母"也不只是廣東話， 是華人通用的詞語，

近代有:
《紅玫瑰與白玫瑰》張愛玲、《京華煙雲》林語堂、《冰心散文集》
古典有:
《三國演議》、 《三國志》、《紅樓夢》、《西遊記》、 《水滸傳》、《資治通鑒》、《東周列國誌》、…,

以上名著中，"老母"一詞是屢見不鮮的
例:
《三國志‧呂布張邈臧洪傳》
(陳)宮曰：“為臣不忠，為子不孝，死自分也。”(曹橾)太祖曰：“卿如是，奈卿老母何？”宮曰：“宮聞將以孝治天下者不害人之親，老母之存否，在明公也。”
(~~呂布戰敗, 曹橾勸陳宮歸降, 並以陳宮母親來要脅, 是早期的xx老母~~)

《史記‧刺客列傳》
聶政謝曰：
　　"臣幸有老母，家貧，客游以為狗屠，可以旦夕得甘毳以養親。親供養備，不敢當仲子之賜。" 嚴仲子辟人，因為聶政言曰："臣有仇，而行游諸侯矣；
　　然至齊，竊聞足下義甚高，故進百金者，將用為大人麤糲之費，得以交足下之驩，豈敢以有求望邪！" 聶政曰：“臣所以降志辱身居市井屠者，徒幸以養老母；老母在，政身未敢以許人也。"

係香港真奇怪。淨係講"老母"俾人話粗鄙(前邊冇加動詞喎)，但"老豆老母"一詞又冇人話係粗口。
時代一直在改變，但香港人的文化思想某程度上連封建思想都不如，仍然停留係男尊女卑的階段…

littlecowbb

yes i also agree....so many guys say 粗口 in street ....i saw one family in supermarket the mom said 粗口 to their kids......if others kids heard.....they just think this is a general things so when we heard this kind of words we better teach kids immediately, otherwise they will not know these kind of words they cannot say......

Charlotte_mom

我真係無法接受"老母"2個字o係小朋友口中講出黎wor
講真丫, 一樣米養百樣人, 你估d小朋友真係唔識咩叫粗口咩! 不過佢地夠醒目知道幾時要stop的, 如果佢地真係唔知, 更加應該教佢地stop tim........我女有次slip左個"頂"字出黎, 我即刻好嚴正咁同佢講, 我唔要聽到第2次! 我女亦知道衰左, 唔敢出聲 (我就非常肯定其實所有小朋友出街, 總有聽過d門字部問候語的, 不過佢地知道唔係可以學既野)
至於無辜俾老師罰..........當學個教訓啦!

Sherryko9

非常同意 !
呢個稱呼,睇出自物年紀/背景的人口中;如果上左年紀,又無物受教育的,絕對可理解,好似我99試過在囡囡面前提過呢稱呼 ,爸爸即刻就stop左佢 ,嚴格黎講,呢個只係一個好粗俗的稱呼,但現今社會,人人有書讀,點解一個小朋友會自然地流露呢D稱呼呢?何想家庭教育是幾緊緊要.

原帖由 joemyt 於 09-5-22 08:29 發表
嚴格黎講，老母唔可以話係操口，但就要睇下乜野場合同埋係乜野人講啦。如果係一個小朋友無意中講出黎，做家長的就要立即作出教導；如果小朋友係在同朋友仔鬧交時講，亦要制止及教導；如果加埋個"你"字，就加倍唔係咁好聽啦。

學校 ...

joemyt

嚴格黎講，老母唔可以話係操口，但就要睇下乜野場合同埋係乜野人講啦。如果係一個小朋友無意中講出黎，做家長的就要立即作出教導；如果小朋友係在同朋友仔鬧交時講，亦要制止及教導；如果加埋個"你"字，就加倍唔係咁好聽啦。

學校緊係會比較緊張，因為小朋友講得出，就一定係學返黎，話唔定係出自其他同學把口，所以學校呢個反應係正常。將心比己，如果你聽到其他學生講而學校又唔做野，你又會點？

我諗都係對小朋友作出適當教導比責怪他好，同時亦唔好第一時間懷疑學校，呢個係我個人的見解。換轉係我個仔我都會咁做，第一次第二次可以原諒，但第三次就要罰，因為要比個訊息佢!