如此媽媽教女

authenticseelai

等結果等到咁悶，不如講個笑話大家聽。
100%真人真事

某航班上，空姐正忙於派餐。

媽媽 : 女啊女, 你記住要俾心機讀書啦。若果唔係，弟日就只能係度捧餐。

空姐(梗係聽到啦): 係呀！妹妹你真係要俾心機讀書呀！係度捧餐都要大学日畢業的。

loy211

我個仔的志願是巴士司機,說真也不易做.

loy211

個個父母都想望子成龍,但行行出狀元,其實我只望自己個仔成為一個良好公民,不要為禍社會.
君不見大學畢業,高學歷的人貪污.

faye516

{成為父母，態度上，我要栽培佢係機師，但胸襟上，我接受佢係一個司機。}

de_gwyneth

阿西 ,

你講得真好.....TOTALL AGREE

原帖由 阿西 於 08-12-3 10:55 發表
我教自己個仔，如果你要點點點，你就要付出努力，比如佢曾經話過想楂飛機，我同佢講楂飛機要好叻，英文要好好，因為要去外國受訓，而家就要比心機讀書；後來佢話想楂巴士，我又同佢講，楂巴士要識字認路，又要好專心既人先做到，都係要比心機 ...

阿西

我教自己個仔，如果你要點點點，你就要付出努力，比如佢曾經話過想楂飛機，我同佢講楂飛機要好叻，英文要好好，因為要去外國受訓，而家就要比心機讀書；後來佢話想楂巴士，我又同佢講，楂巴士要識字認路，又要好專心既人先做到，都係要比心機，如果唔係會令到好多人受傷。

作為父母當然望子成龍，我地有我地主觀願望，但仔亦有自己興趣同個人限制(比如佢真係唔係讀書材料)，成為父母，態度上，我要栽培佢係機師，但胸襟上，我接受佢係一個司機。

filleul

這位空姐何止幽默，直情非常“得體”！！！

原帖由 alienova 於 08-12-2 23:13 發表


空姐真的答得幽默，呢句話微笑著回答殺傷力真大的哩！  
不過是坐什麼位的客人如此大口氣??? cheap cheap經濟fix位的嗎? 不如果是頭等的，算啦，唔好同佢一般見識 ~ ...

Charlotte_mom

我又分享一個真人真事
我姑仔有次同朋友, 同埋朋友個女一齊去街, 去到x光百貨, 姑仔同小朋友講, 要努力讀書, 唔係第2時就要企足一日渣lift, 又攰又悶
點知後來我姑仔見到自己個表妹o係x光渣lift!

alienova

原帖由 authenticseelai 於 08-12-2 22:04 發表
等結果等到咁悶，不如講個笑話大家聽。
100%真人真事

某航班上，空姐正忙於派餐。

媽媽 : 女啊女, 你記住要俾心機讀書啦。若果唔係，弟日就只能係度捧餐。

空姐(梗係聽到啦): 係呀！妹妹你真係要俾心機讀書呀！係度捧餐都要 ...

空姐真的答得幽默，呢句話微笑著回答殺傷力真大的哩！  
不過是坐什麼位的客人如此大口氣??? cheap cheap經濟fix位的嗎? 不如果是頭等的，算啦，唔好同佢一般見識 ~

kls12

笑話一篇-勤力媽媽孝順女


話說有個媽媽,知道囡囡明天要考中文,而因上次中文考試成績不太理想,在辛勤工作後回家同囡囡溫中文,因這次是讀小學以來的第一次媽媽同囡囡溫習,囡囡非常高興,將所有生字都背熟了,媽媽也很高興地認為今次成績一定比上一次進步。
後來派成績表,中文和英文科都退步了,媽媽莫名其妙!
媽媽:「明明溫好書,為什麼考得這麼差?」
囡囡:「妳與我溫習中文的早一天已考了中文,當天要溫的應該是英文。」
媽媽:「為什麼不告訴我呢?」
囡囡:「妳都冇問!」

BBR

我又講
話說我細妹個仔K3時,有一日我同佢去行街(又一城),行行下
佢話:e媽(佢係咁叫我)我鞋帶甩左.
我:我幫你.
於是佢坐左响地下.攪掂後佢重唔起身.
我:喂!起身啦,做咩呀?
佢:唔得呀!
我:點解?
佢:因為我想做乞兒
跟住到佢2年級佢又改左志願. "e媽,我大個想做看更" "點解?" "因為D看更可以成日瞓覺 "

VeryHappyMum

原帖由 authenticseelai 於 08-12-2 22:04 發表

空姐(梗係聽到啦): 係呀！妹妹你真係要俾心機讀書呀！係度捧餐都要大学畢業的 ...

等我搭吓咀，編劇我最耍家。

如果我係該空姐，對話會變成 ....

空姐: 係呀！妹妹你真係要俾心機讀書呀！係度捧餐都要大学畢業的，但坐緊你依家個位 d 人就算唔識字、無修養都無所謂，容易得多 ....


但我無可能做該空姐，airline 唔會請個外型似 「康逹500」 的做crew.

janfion

見authenticseelai說故事咁有趣，我又來湊下熱鬧。

話說有天囡囡看見有個阿婆在執紙皮，女兒問：「為什麼她咁老不退休，仍要在執紙皮？」
我：「（上刪一輪道理）...不要小看一些簡單（或可能視為低微）的工作，聽聞有阿婆執紙皮都會儲到幾十萬身家。」
女：「咁我想將來長大了，都執紙皮！」
我：「吓，咁妳是否要唱『When I grow up, I want to be a .... 婆婆』？」

之後，我們倆都在笑了。