點解返學初期無喊，返左兩個幾月依家先黎喊

puibpuib

囝囝兩歲半，九月開始返nursery，佢第一日返學一ｄ都無喊無唔捨得我地，好開心甘係學校玩，但係返左兩個幾月後，竟然呢兩日開始話唔鐘意返學，又無話點解，喊住幫佢著校服，到學校又喊．後來老師安撫過後先無喊．照平時一樣上堂，唉，點解會甘架．

靚媽唔易做

佢係大女, 仲有2個月就3歲啦.........

如果老師話無鬧佢而你覺得可信既就可能真係無咗新鮮感啦, 唔通男仔真係唔同女仔既~

原帖由 puibpuib 於 08-11-11 00:02 發表
我有問阿囝做咩唔想返學,但係佢無答我,我估佢未太識講返出黎.靚媽你個女幾大,佢甘叻女可以甘詳細講返d野你聽?

我有問過老師有無咩特別事發生,老師又話無.
老師個答案都係無左新鮮感,佢地話以往都見過有d小朋友係甘. ...

kyliema2006

我個女晚晚都話唔返學，又話無小朋友同佢玩、又話don't know English & Chinese。攪到現在都嘗試為她報考一兩間K1，以防萬一。

[ 本帖最後由 kyliema2006 於 08-11-11 09:37 編輯 ]

puibpuib

我有問阿囝做咩唔想返學,但係佢無答我,我估佢未太識講返出黎.靚媽你個女幾大,佢甘叻女可以甘詳細講返d野你聽?

我有問過老師有無咩特別事發生,老師又話無.
老師個答案都係無左新鮮感,佢地話以往都見過有d小朋友係甘.....甘就慘啦,點再吸引佢返學

雙子媽媽

有d人話係因為新鮮感已過. 初初開學, 咩野對小朋友都係新鮮, 環境, 同學仔, 老師等等...... 但返左一排, 佢已經習慣左, 覺得無咩好玩, 所以唔想返學.

原帖由 puibpuib 於 08-11-6 13:46 發表
囝囝兩歲半，九月開始返nursery，佢第一日返學一ｄ都無喊無唔捨得我地，好開心甘係學校玩，但係返左兩個幾月後，竟然呢兩日開始話唔鐘意返學，又無話點解，喊住幫佢著校服，到學校又喊．後來老師安撫過後先無喊．照平時一樣上堂，唉，點解會甘 ...

靚媽唔易做

咁你要引導下佢講出係學校發生咩事, 可能比老師鬧過, 因如果開心無理由會咁的.

我女既case一樣, 返學以黎一直好開心, 問親佢都話鐘意返過, 但佢呢幾日有d傷風我無比佢返學, 問佢不如唔好返學囉, 佢居然答我話好, 問佢鐘唔鐘意返學, 佢亦都答我唔鐘意, 同之前唔同咗, 覺得有d問題,

我 : 點解唔鐘意返學呀
女 : 老師鬧我, 鬧到我流眼淚
我 : 老師做乜事鬧你呀
女 : 因為跩跩
我 : 咁你做乜事跩跩呀
女 : 我迫同學
我 : 咁你做乜事迫同學呀
女 : 佢搶咗我hello kitty車車, 我迫佢
我 : 嗱, 下次如果同學再搶你玩具, 你唔好迫佢, 話比老師聽, 好唔好, 做有記住唔可以打同學喎
女 : 知道

跟住我就打返學校揾老師, 因件事係上個wk發生的, 老師話一時諗唔起, 我就將阿女同我講既野同老師講, 佢即刻記得好清楚同我講係因為咁咁咁, 我女迫同學唔係因為人地搶佢車車, 而係佢好like痴住某個同學, 老師將佢地分開坐, 但我女要迫埋去, 攪到另一個同學被佢迫走咗, 搶車車係另一樣野, 老師話無鬧我個女.......

雖然我女係mix up咗2件事, 但起碼佢話到比我知老師鬧到佢喊(揾出點解佢突然唔like返學), 佢亦都知因為佢跩跩而被老師鬧.  咁我再安慰佢, 叫佢上堂試吓同多d其它同學玩, 聽老師話, 老師就唔會鬧佢架啦, 跟住佢就無事, 再問佢返唔返, 佢話返lu.

所以你快d問吓阿仔, 再問返老師啦.

原帖由 puibpuib 於 08-11-6 13:46 發表
囝囝兩歲半，九月開始返nursery，佢第一日返學一ｄ都無喊無唔捨得我地，好開心甘係學校玩，但係返左兩個幾月後，竟然呢兩日開始話唔鐘意返學，又無話點解，喊住幫佢著校服，到學校又喊．後來老師安撫過後先無喊．照平時一樣上堂，唉，點解會甘 ...