身教

yylrso

中秋節之前的一個星期日我地一家四扣去了玩猜燈謎, 當差不多時間到的時候(當時我家已交了答案) 我坐在一邊竟然發覺了有個小妹妹在對答案的姐姐背後偷睇答案而且還是睇了好多題. 初初以為只係小妹妹(約11/12歲)自己偷睇, 原來是她的DADDY都有份,還在SUPPORT佢. 當時我見到都眼凸凸, 原先在燈謎開始的時間我見那位先生還係咁叫自己D女自己諗, 知道個答案都唔講要D女自己諗,答到幾多題都係自己諗出嚟既我講答案比你知都無用. 仲以為佢做得好啱啦......點知....原來都係講一套做一套.  我後來忍不住同個妹妹講唔好再睇啦. 佢先至走開. 不過佢走去同佢DADDY講, 佢DADDY就走去我側邊講個個都係炒架啦, 有咩咁出奇.   噢!我的天呀!到底佢知唔知自己錯係邊呀!還要一D悔意都無. 當然啦猜燈謎只係玩下動下腦答到幾多題都唔係問題, 但係唔係咁麻.
做家長的一定要身教呢D成日都有人講啦, 我都知講就容易做就難, 但呢位家長既身教方法我唔係好同意.

winwin_chai

yylrso,

當我見到這些情況我通常會拉開自己個仔去解釋這樣做係唔啱嘅! 同埋你嘅情況我大仔大概三歲嘅時候遇過啦! 我住嘅屋苑有個嬰兒到四歲嘅遊戲室, 個次居然有啲六七歲大嘅小朋友入黎玩(佢地嘅媽咪都係到), 而我個仔好鍾意同啲大哥哥一齊玩, 當我仔玩唔到嘅時候就好大聲話我個仔, 我仔仔當堂呆住在, 跟住實係話個小朋友唔可以這樣態度對佢地!  你知道嗎? 我一路係度講佢媽咪係度睇戲睇住我係點講嘢! 我講完行開之後, 嗰個媽咪係度望住我,好似話我做咪話佢個仔喎! 你話佢啲態度係咪有問題? 之後我即刻叫個仔以後唔好係呢度玩!!

當然, 人地嘅家事外人係唔可以插手, 但眼見我仔嘅同學仔對佢媽咪嘅態度, 我係有些少睇唔過眼, 我曾經提醒個媽咪要好好管教小朋友, 佢明白後又係一樣, 所以依家再見到呢位媽咪我都無再講囉! 我相信佢會知點做同明白嘅!

yylrso

winwin_chai,
其實每個家庭都有每個家庭的生活方式,外人係好難理會. 我記得有一次學校家教會去旅行(當時我囝囝讀p.2)大家玩集體遊戲, 因為囝囝比較內向, 所以好少會同其他陌生人玩. 我經過一番努力這次囝囝終於肯同其他級別的小朋友玩. 因為佢唔係好識玩所以佢就輸了,但同佢一組的大哥哥就大聲話佢唔識玩就唔好玩啦! 囝囝就立刻咸左出嚟, 我就走過去同個大哥哥講佢未玩過所以唔識, 你唔應該咁話佢. 大哥哥的父母都在場都見到, 但佢地就無向囝囝道歉. 我即時同囝囝走開一邊安撫了他, 但我再點叫佢都唔肯再出去玩. 當時我都好唔開心, 點解你地做父母會咁樣, 自己個囝就可以蝦人地個囝反過來的時候你地會否和我一樣感受呢?

winwin_chai

yylrso,

多謝你嘅鼓勵! 我會繼續嘅! 依家日日都要提醒細仔如果見到人要點樣做, 好搞笑佢好似急口令講哂出黎但做就好鬼細聲好似蚊滋聲噃!但都算好架啦! 嘻嘻!

另外, 我大仔讀小一佢有個同學仔都係住同一屋苑, 佢個仔都幾曳, 個媽咪次次同阿仔講嘢個仔就眉頭打埋一齊仲同佢媽咪講:你好煩呀!你唔好講嘢你好多嘢講! 但個媽咪就話知啦知啦唔問唔問. 嘩!我聼完之後岳咗一然, 我同個媽咪講你點可以叫阿仔同你這樣講嘢? 佢居然話:唔緊要無所謂啦!  你知啦!我好想講叫佢好好教仔但好難開口因為唔知道人地鍾唔鍾你多管閒事嗎? 所以, 我都怕我個仔同佢玩埋一齊!

yylrso

winwin_chai

你做得好好, 繼續努力!你會漸漸發覺佢會有所改變.

winwin_chai

各位,

我已經嘗試你們提議的方法都ok喇! 而我曾經靜靜地問過佢點解唔同人打招呼? 原來佢係話自己害羞噃!都唔知係真定假, 但我身為媽咪次次見人都會同人打招呼微笑(用自己嘅行為令佢明白)而細仔曾經問過我點解你這樣做呀? 我就解釋呢啲叫做禮貌但佢明白啊! 但奇就奇在佢時叫時唔叫. 不過我會慢慢來希望佢會懂事啦!

yylrso

原帖由 紫蘿蘭 於 08-10-8 16:34 發表


我孩子又是不願跟人打招呼, 他要很熟稔才主動, 其實是他性格問題, 因為在家他很多說話, 但一外出就很少說話, 所以要佢大聲打招呼真的不易, 但街外人不知他害羞的性格便以為他沒禮貌, 都會令我尷尬 ...

我有兩個小朋友, 大的細個的時候永遠不會和別人打招呼有時還會站在我的身後. 初初我都以為佢無禮貌,還覺得不好意思, 後來才知道佢在焦慮症. 現在的情況已經好了很多, 雖然佢都不是每一次都會同人打招呼, 但起碼我叫佢佢都會叫人.
我不是說你的小朋友有焦慮症,而係我覺得有時小朋友不主動打招呼都好睇大人有無以身作則. 就算小朋友不很叫都不應指責或一定要佢叫,可能小朋友有佢地既關難而佢又不懂表達. 不過只要你很以身作則終有一日佢會受你影響.

[ 本帖最後由 yylrso 於 08-10-8 17:40 編輯 ]

confidentbb

原帖由 紫蘿蘭 於 08-10-8 16:34 發表


我孩子又是不願跟人打招呼, 他要很熟稔才主動, 其實是他性格問題, 因為在家他很多說話, 但一外出就很少說話, 所以要佢大聲打招呼真的不易, 但街外人不知他害羞的性格便以為他沒禮貌, 都會令我尷尬 ...

這就是看你如何接受不同的孩子了！
每個人都有自己不同的個性特點，一定要讓他明白，不管他是什么樣的，你都很愛他，但是你也要告訴他你的煩惱，當他是大人，他也會因為愛你而改變。

紫蘿蘭

原帖由 confidentbb 於 08-10-8 13:48 發表
Agree! 這種事情一定逼不得的。慢慢引導自然就會好了。

我孩子又是不願跟人打招呼, 他要很熟稔才主動, 其實是他性格問題, 因為在家他很多說話, 但一外出就很少說話, 所以要佢大聲打招呼真的不易, 但街外人不知他害羞的性格便以為他沒禮貌, 都會令我尷尬

confidentbb

Agree! 這種事情一定逼不得的。慢慢引導自然就會好了。

hilarywdv

我仔仔小時侯也不願和別人打招呼, 但後來他見到人都懂得怎樣做??  現在又大了, 可能害羞, 我就跟他說如果你害羞望着別人, 那麼你可以微笑着對他們揮揮手, 這等如 say hi, 起碼都有反應嘛!

winwin_chai

各位,

看見你們的提議我會嘗試去教他, 謝謝!

yylrso

原帖由 citadel 於 08-10-6 13:31 發表


住在我家隔壁的一位中年女子，經常罵她自己的年邁的母親，細數著老母兒時對她怎樣怎樣的，還曾出手掌摑其母及把年邁的母親推倒在地上...！雖不知她是因為更年期、情緒病還是純粹想逼走其母，但是報應就在眼前：其孻子的個性就 ...

對呀, 我常常應為如果自己都不對老人家好, 將來自己的子女都不會對自己好. 所以我現在都會教導自己的孩子要親親老人. 如每星期我們都會一家人回99家食飯啦, 和公公飲下午茶, 天氣不好的時候在他們面前打電話慰一下他們等等. 這些都可以令他們知道這樣做是平常不過的事情. 希望到日後都會跟隨.
老人家對社會都有貢獻, 沒有他們那有我呢?
但做父母的又不要對子女太苛刻要求他們時常倍伴左右, 各人都有各人的生活, 大家都是一個個體. 這些我都希望將來我能做得到.

citadel

原帖由 00adafan 於 08-10-5 16:53 發表

有些父母好好家教：
我係社區中心見過一對小兄弟，阿哥罵佢阿媽係蠢材，我即刻罵那小孩，點可以這樣罵阿媽，個阿媽立刻咁話：個衰仔成日都係咁，於是，我便叫她要罰那個小朋友，最後，她便罰那對小兄弟罰企，（連弟弟都罰一起）。
還有一次，我 ...

住在我家隔壁的一位中年女子，經常罵她自己的年邁的母親，細數著老母兒時對她怎樣怎樣的，還曾出手掌摑其母及把年邁的母親推倒在地上...！雖不知她是因為更年期、情緒病還是純粹想逼走其母，但是報應就在眼前：其孻子的個性就是和她一模一樣，對父母兄長都是呼呼喝喝的，「冇大冇細」，真可謂「現眼報」了！

pattyw

係ar
有時有d嘢
老師講、好過家長講一佰倍

confidentbb

原帖由 winwin_chai 於 08-10-5 23:10 發表
各位,

你們好! 看見這身教問題, 我有兩個小朋友, 大嘅讀小一細嘅讀k2, 响禮貌方面大仔會懂得同別人打招呼但係細仔我點樣教佢, 佢都係好唔願意出聲, 我試過用軟硬功都係擰咩臉唔啋你噃! 有時嬲到要迫佢講, 佢會擰轉 ...

這種情況，你先不要逼迫他，否則他產生逆反心理，以后更難教導。這一段時間你先不要管這個問題，由他，然后觀察一下反應，因為有的小孩子調皮，或者不聽話是為了引起家長的注意，你不重視了，反而就正常了。

另外你是否有和他談過他為何不愿打招呼啊？問清楚了，對癥下藥會比較好。

還可以告訴老師，當然不是告狀，是讓老師潛移默化的影響他。有時候我做tutor的小朋友不聽他們媽媽的話，可是我跟他們講的，他們就會聽。

試一下了。

winwin_chai

各位,

你們好! 看見這身教問題, 我有兩個小朋友, 大嘅讀小一細嘅讀k2, 响禮貌方面大仔會懂得同別人打招呼但係細仔我點樣教佢, 佢都係好唔願意出聲, 我試過用軟硬功都係擰咩臉唔啋你噃! 有時嬲到要迫佢講, 佢會擰轉臉話講咗囉!實質根本係無出過聲! 你話係咪比你激死! 反而,哥哥見到人會自動同人打招呼,唔知點解細仔教極都唔聼嘅? 係咪我用嘅方法錯誤嗎? 能否請指教一下嗎?:D 謝謝!

荷媽媽

我覺得依家d人太功利主義，就好似毒奶事件咁，個個都係向$看，為自己。攪到d家長都不知不覺間將d錯誤思想及行為灌輸左俾自己既小朋友。真係難以想像日後既世界!