08-09 K1上午幼愛班大招集！

purplerabbit

你哋好, 我昨晚都有去家長, 雖然焗一點, 但都okay, 我覺得d老師都幾活潑, 希望我個仔鍾意返學啦.  curtisbb, 你講大肚, 我都以為門口嗰個, 一或你最初企在門口, 跟住入咗去坐.  suklaic, 我個仔都係香蕉組, 叫以信, 我9月3號都會去, 到時可以相認下.  你哋係咪working mama? 我係, 所以都要請假去.  9月3日見.

purplerabbit

我都覺得好難諗帶mud小食, 我諗都係餅, 麵包, 生果等, 到時可以傾吓,
我連水壺都未買, 因為我想買個細少少, 我怕書包前面個袋裝唔落.

purplerabbit

我同你傾過計, 我個仔成日要痴住我, 今日第一日坐校車, 一上車就大喊, 放學我接去, 佢話比我聽係學校有喊, 重話明日唔返學.  放學後, 李老師打電話比我, 話我個仔一入課室就喊, 話要搵我, 都唔明點解去之前上過n1, 坐過校車都咁. 希望佢快d可以鍾意返學啦.

原帖由 CurtisBB 於 08-9-4 10:06 發表
我今日準備咗饅頭呀

今日佢第一次自己坐校車返學, 上車前都好開心, 點知一上咗車, 車門一關, 我就睇到佢喊

purplerabbit

你就好啦,我個仔今日上車又大喊, 見到佢咁, 有d心痛. 佢叫我唔返工.都唔知佢點解呢排咁痴身.  今晚, 我同佢講話下星期返學搭校車唔准喊, 佢話要喊, 激死我.   希望佢可以快d適應.

原帖由 suklaic 於 08-9-5 22:23 發表
我個仔好獨立的,獨立到令我有點怕,佢唔會搵我的.
去年返n1成年都未喊過,今年第一天返學,姐姐帶咗佢入課室之後就唔搵我,我泊咗車後,成個傻婆咁係課室搵仔.
我個仔好鐘意返學,又好鐘意搭校車,佢話大個仔,自己一個人坐 ...

purplerabbit

你可以一齊傾, 大家都係禮賢k1, 可以互相交流, 歡迎你.

原帖由 nibikalea 於 08-9-5 12:52 發表
你地好呀, 你地呢度就好啦, 同一班咁熱鬧, 反觀下午班都冇咩mami回應

purplerabbit

原帖由 suklaic 於 08-9-11 16:24 發表
仔仔囡囡名------組別
Agnes----------蘋果組
Aurea----------香蕉組
Curtis ----------蘋果組
wyatt---------  藍莓組
Hayden(卓希)---香蕉組

Jason (以信) --- 香蕉組

purplerabbit

返工真係無MUD時間上嚟傾, 加上我重有個８個多月的女女，真係好忙。我個仔是香蕉組, 很感恩, 佢依家坐校車無喊,不過, 我問佢在學校玩MUD, 佢有時問玩車車, 滑梯, 有時九唔搭八, 話玩'薯薯', 'NG NG',  比佢激死, 不過佢都鐘意返學.
CURTIS 媽媽, 你是WORKINGＭＡＭＡ，你都可以成日上來交談，分享，真好。
多謝提供不要做ＢＢ歌詞的媽媽，你可以找到歌詞真厲害，我個仔都好鍾意唱，不過都係識唱第一句，真的很多謝這位媽媽。
各位媽媽繼續努力。

原帖由 WHY2005 於 08-9-9 13:51 發表
嘻嘻..你好呀!
你仔仔係咪蘋果組呀?
唔知係咪坐我女隔離呢?
而家仔仔返學點呀? 仲有冇喊, 我諗佢好快冇事, 因為聽我女講, 返學好開心呀!

purplerabbit

Hello, 你哋小朋友讀成點呀, 我個仔個茶點盒,老師話搵唔到, 我已經有寫上名字, 老師話可能放咗其他小朋友的書包, 但幾日都無消息, 我諗唔見咗, 我懷疑我個仔掉在垃圾桶, 最衰佢又唔咪好識講.  我問老師我個仔上學情況, 老師話佢周身郁, 又唔專心, 重好似無咁活力, 個個小朋友出去, 佢都唔出, 唉 我個仔比較慢熱, 同埋是觀察型, 佢返到屋企就好多嘢講, 希望佢快D適應呢, 唔好好似成條蛇咁.

purplerabbit

我諗老師都好難兼顧咁多小朋友, 上次老師打電話比我話我個仔比一個小朋友撞親, 眼角有少少紅, 但已經搽咗藥膏, 我覺得老師真係都細心, 因為我放工返屋企, 我都唔覺我個仔有撞親, 跟住, 老師話我個仔這幾天好似集D中中咗, 肯出嚟現, 所以我好開心, 希望佢快D投入啦佢喎,多謝你安慰, 大家一同努力.
你個女是否香蕉組, 我諗佢哋一個老師主要負責一組, 因為我個仔話佢最鐘意孫老師, 我諗應該佢負責香蕉組.

原帖由 WHY2005 於 08-9-22 12:41 發表
又會咁得意, 但老師冇睇到小朋友收野咩?
其實佢地3位老師係咪每人負責一組?
我個女時時提起孫老師!佢話miss lee就係藍莓組, 都唔知佢得係唔係真!

你唔好擔心啦, 小朋友慢熱係正常, 加上你諗下, 而家返學未夠一個月, ...

purplerabbit

你都唔見咗毛巾盒, 我個仔之前都返個N1, 唔晒自己帶茶點, 所以我都懷疑佢掉咗落垃圾桶.  唔識講唔緊要, 最緊要佢返學開心, 慢慢學, 我個仔講嘢都唔叻, 不過見佢一天比一天進步, 真的感到很開心, 大家一同努力.

原帖由 CurtisBB 於 08-9-22 15:05 發表
我仔仔上星期都唔見咗個毛巾盒 我估佢同你仔仔差唔多, 又唔係好識講 其實之前佢試過掉晒2個盒係課室既垃圾桶, 不過個次老師執得返比佢, 因為我仔仔之前間學校係提供埋茶點, 每個小朋友食玩就自己執返出 ...

purplerabbit

佢無事, 唔係介意喎, 小朋友撞親在所難免, 我個仔都成日周圍走, 周圍撞.我問佢撞到你的小朋友是否叫淇淇,佢話唔知, 佢重未講到小朋友的名字給我聽. 你唔好怪你個女, 其實真係好小事, 況且佢唔係故意的
放咗兩日不用上課, 希望各位小朋友好快又投入學校生活啦.

原帖由 Aurea 於 08-9-22 22:38 發表
你好呀, 原來係你, 你仔仔又係香蕉組架!  
very very sorry 呀 , 我囡個日興奮&心急得滯, 撞親你仔仔tim, 佢無事嘛?
李老師個日都打電話俾我, 亦已同我囡講咗, so 我放工返去問我囡, 佢當時個樣望住我, 跟 ...

purplerabbit

我都好想去, 但因為本身要返自己教會所以去唔到, 如果你可以返, 真係可以諗諗, 我諗都有幾大得益, 不過真的不可以勉強, 如果老公唔係咁想, 就唔好勉強.

原帖由 Aurea 於 08-10-7 16:20 發表
其實我都心大心細, 想參加sunday 個家長班, 但係我老公就唔係咁想, 佢想wholeday 星期日係family day 喎, 唔想比d野lock住晒喎, 時間可以自由定, 去邊度都得!


...

purplerabbit

仔仔囡囡名------組別--------login name
Agnes----------蘋果組------why2005
Curtis --------- 蘋果組
Aurea---------- 香蕉組
Hayden(卓希)---香蕉組
Jason (以信) --- 香蕉組 ----- purplerabbit
wyatt---------   藍莓組

purplerabbit

恭喜, 祝你bb健康快樂, 你都要多休息, 因為照顧兩個真的很辛苦, 不過見到佢地一齊玩又好開心.

原帖由 CurtisBB 於 08-10-28 23:36 發表
多謝你呀! 弟弟係上個月20號出世, 而家個幾月大

我上星期5都見到有好多家長接放學呀! 我個仔見到我接放學都好開心, 因為我排咗第一佢一開門就叫佢個名

...

purplerabbit

不用擔心, 我個仔之前都話佢遲咗半年, 排到下年頭才見言語治療, 但我個仔進步咗好多, 重成日唱歌, 所以唔好擔心, 最緊要健康開心, 同唔好同人比較. 因為每個小朋友都是獨特, 都係我地父母的至寶


我都係貢望 我囝囝都係呢一年先開始開口多D, 不過我都係好唔放心, 所以我上星期帶咗佢去睇言語治療 言語治療師話佢遲咗半年

... [/quote]

purplerabbit

唏, 我係以信媽咪, 如果無認錯, 我旅行時同你傾過計, 你記唔記得. 我X'MAS PARTY應該會去, 你會唔會去, 到時可以再傾.  我問個仔學校情況, 佢都答得好少, 有時又唔知佢講真定假, 不過總好過唔答或表現唔開心.

大家一齊努力.

原帖由 CurtisBB 於 08-11-25 16:01 發表
多謝你既支持 我都明白每個小朋友都唔同, 佢地健康愉快成長係最緊要

我仔仔都有成日唱歌, 不過問佢學校既事都係答到少少 我地見咗言語治療之後都學多咗引導佢講野既技巧, 希望佢會再進步lu ...

purplerabbit

又有新相睇啦, 快D到幼愛班愉快校園生活三呢.

CurtisBB媽媽,講起睡衣PARTY, 真係尷尬, 因為我個仔賴咗NG NG, 成條睡褲都係, 真係難為嬸嬸幫佢換褲, 佢好少賴NG NG, 都唔知點解, 問佢又唔係好識講

不過我都無責怪佢, 我只係叫佢要同老師講.

purplerabbit

卓鈞好d嗎? 近排天氣太乾燥, 以信都成日咳, 不過可能佢係氣管敏感, 都唔知點攪, 所以我照比佢返學.  妹妹都感冒, 睇左幾次醫生都重好多'啖',佢哋兩個一病我就暈低. 希望卓鈞快d好番.
,

原帖由 CurtisBB 於 08-12-8 09:38 發表
卓鈞上星期5開始流鼻水, 今日見佢重有幾聲咳所以留係屋企休息一天

purplerabbit

今日以信返學都唔肯換校服, 佢唔係唔想返學, 只不過唔想換衫, 因為放假'姐姐'都無同佢換衫, 著住瞓覺衫就成日, 比佢激死.
我整個假期都無同佢温書, 我諗佢都唔記得晒學左D吔, 信心口號都是今日返學前先作好, 我哋兩公婆要返工, 又要照顧細B, 都無時間同佢温書.  希望可以好好安排時間.

大家都要努力呀.

purplerabbit

嘩, 卓鈞好叻呀, 以信教了幾次都唔記得, 所以'玩具', '早上', '晚上'等字完全唔識.  我都未同以信玩過UNO或飛行棋, 等我都試下先,

我都報咗名去旅行, 不過唔帶妹妹去, 你呢?會唔會帶埋個細去呀?

咁快做家訪, 做完話比我哋聽係點呀!
大家努力.

原帖由 CurtisBB 於 09-1-8 10:56 發表
卓鈞呢個假期都無溫習 放假通常都係玩下玩具, 捉下祺 (呢個假期學識玩uno 同飛行祺) 不過卓鈞識字比教好, 佢睇過之後會好記得, 反而認顏色就麻麻地, 黑白都會攪錯

...