彈琴手勢係咪用指尖?好煩惱

youngmum

小兒剛剛轉左新老師~問題就出現了!
舊老師教的是雙手平放~用力是"無中生有"~
新老師教的是"狗爪型"~即是指尖彈琴~
佢話唔改的話~再上到高級會彈唔到大細聲~

其實邊種手勢"比較好"呢?
舊有的已經用左2年~
改?定唔改?
唔改我又無可以說服個新老師?
應該點做呀??好煩惱!!
係咪分西式同中式架????

Era

完全同意,我亦都有教琴.

淨係計彈scale,唔用指尖彈,已經會論盡左好多啦.好多深d既歌都要彈一大串scale,快速咁上落,如果放平彈就好難做到快.
另外以音色來計,用指尖彈亦的確會好聽d,同埋做到多d唔同既效果.
如果睇多d唔同大師既video,都會見到佢地正常都係用指尖,係一d特別既情況先會放平來彈.

小朋友用指尖覺得唔夠力就會平左,好似放平夠力.但如果keep住用到真正既指尖彈(成隻手既手型正確),其實係會夠力既.

原帖由 Cheriemama 於 08-8-14 19:56 發表
youngmum,

我都係鋼琴老師, 正確的手勢係用指尖, 好似"狗爪"咁...
你的新老師講得啱, 如果繼續"雙手平放"咁彈, 上到高級會彈唔到大細聲同埋彈唔到快...
如果要學上去就要改手勢la, 舊的用左2年"姐", 唔難改嘅, 只要 ...

madmaclau

指尖。
啲勁人彈到出神入化就話平放定狗爪都得啫。
小朋友一定要由最正確既學起。
我契仔都係習慣左平放，因為佢覺得咁樣用到力。但我地都會逼佢用返指尖。

laichun1126

我大囝都係老師教用指尖的, but 佢手指有時唔夠力so彈彈下自己放平了; 老師要我同佢練下指力喎.

miss321

沒有中式西式之說
細細個開始鋼琴老師叫小朋友用指尖是要訓練手指力
到左高級, 有d歌要放平手彈係想令音色靚一d。
簡單d講, 用指尖係基本功, 放平彈係高級d先會用到。
所以你放心叫仔女用指尖彈琴, 用唔用平手指等佢有一定基礎再說。

NgVivian

我小朋友舊老師成日放假又教是雙手平放，而新老師教的是指尖彈琴，我自己學時都是指尖彈琴和我另一小朋友學都是指尖彈琴。

hellokelly

其實小朋友初學琴係應該用指尖的,當到高級既時候,有d歌又可能要手指平小小去彈,至於唔用指尖彈就上唔到高級?我又唔覺wor,因為我之前接手過好多學生,彈琴時都唔係用指尖去彈,佢地一樣考到7,8級,仲要唔係低分,唔用指尖彈,只不過係彈出黎既聲會唔同,同埋冇咁靚,當然,小朋友係應該用指尖彈作一個起頭.

p.s.彈出黎既聲其實都好重要

[ 本文章最後由 hellokelly 於 08-8-14 21:31 編輯 ]

heilok

仔仔的老師也是說用指尖的,她說細個也是用錯,幸好改到,但她的同學改不到,所以學到某一階段就就上唔到.
你的第一個老師好有問題禾!

Cheriemama

youngmum,

我都係鋼琴老師, 正確的手勢係用指尖, 好似"狗爪"咁...
你的新老師講得啱, 如果繼續"雙手平放"咁彈, 上到高級會彈唔到大細聲同埋彈唔到快...
如果要學上去就要改手勢la, 舊的用左2年"姐", 唔難改嘅, 只要有心改...

原文章由 youngmum 於 08-8-14 16:45 發表
小兒剛剛轉左新老師~問題就出現了!
舊老師教的是雙手平放~用力是"無中生有"~
新老師教的是"狗爪型"~即是指尖彈琴~
佢話唔改的話~再上到高級會彈唔到大細聲~

其實邊種手勢"比較好"呢?
舊有的已經用左2年~
改?定唔改? ...

my17223

我細個學琴都係用指尖喎, 仲因為咁老師話唔可以留指甲, 唔係就會"dog dog"聲嘞!!
唔通而家轉咗??