我係一個弱聽的成年人

yeepanda

無意間 search 到你地的post    好明白你地為兒女的將來擔心的心情

希望我的 case 可以俾你地小小安慰

我自細一直都冇人知我弱聽    直至中學會考
開始發覺自已listening 的成績比人地差    先走去驗耳
當年的報告都冇詳細分析我的能力去到邊
只知聽唔到大部份高音   

但我今日已經取得碩士學歷並成為某學府的講師
亦能肩負起養父母的責任

可能我幸運的係我的童年一直唔知自已有問題   
由細到大    我冇諗自已比人差

所以....有一樣野要記住   
唔好成日提佢地的聽障    小朋友唔會覺得自已比人差
我見過一個朋友   成日提住個小朋友有問題
咁只會令個小朋友容易自卑    甚至自暴自棄

所以....放鬆d啦！兒孫自有兒孫福

衷心祝大家能跨越障礙

大鴨媽

你個仔幾大,我個仔一樣,我也是基督徒.

可以交流一下.

原帖由 麥太太 於 08-12-18 14:04 發表
我個仔都是弱聽，初時說是中度，現在卻是中度至嚴重，雙耳必需配帶助聽器。

聽力學家說，小朋友越大，做的聽力測驗越準確，所以他細時做到中度，現在卻是中度至嚴重。

我丈夫也是弱聽人士～～因亞Ｂ有事才驗出來的。

我丈夫去年才配帶 ...

麥太太

我個仔都是弱聽，初時說是中度，現在卻是中度至嚴重，雙耳必需配帶助聽器。

聽力學家說，小朋友越大，做的聽力測驗越準確，所以他細時做到中度，現在卻是中度至嚴重。

我丈夫也是弱聽人士～～因亞Ｂ有事才驗出來的。

我丈夫去年才配帶助聽器，他才發現鐵路站的扶手電梯原來是有ＢＢ聲的。

我們覺得很平常的聲音，原來弱聽人士可能平生從未聽過。

正式證實兒子弱聽，的確又傷心又擔心。但我們身為家長，一定要積極面對。我是基督徒，我相信弱聽的經驗會做就孩子，也磨煉我自己。

我們作為家長，可以做的是讓孩子儘快得到適切的幫助。聽力訓練、言語治療、合適學校......大家努力啊！

chaimum

謝謝你既資料，其實我都唔係好明，我會再睇下，thx!

icanhear

25度弱聽是什麼意思?

25分貝聽閾應該是屬於正常的聽力呀! 26分貝或以上的聽閾才算是弱聽呀?

可參考: http://www.dh.gov.hk/tc_chi/main/main_shs/bridge14_topic.html



http://www.icanhear.org

chaimum

呀仔剛7歲，一個月前都check到一隻耳有25度弱聽，但只係話一年後再check，請問而家有無咩可以做或者幫到佢?

大鴨媽

聽她說沒有原因，是家族中也有人有弱聽，不過留意下孩子對聲音的反應有沒有不同．她留意到，再帶孩子去ＣＥＨＣＫ才知道．那時才開始配耳機．

原文章由 bibichu 於 08-7-29 14:53 發表
點解會由輕度變咗中度嫁? 有乜原因/特徵要留意?

大鴨媽

沒有原因,好似家族中也有人是弱聽.留意下他對聲音的反應有沒有不同.

原文章由 bibichu 於 08-7-29 14:53 發表
點解會由輕度變咗中度嫁? 有乜原因/特徵要留意?

大鴨媽

孩子仍小，留意多ｄ他的情況，小心．

留意言語發展會不會因此比其他人遲．很多時問題在讀書時才可發現．ｋｅｅｐ住定期ｃｈｅｃｋ下他的聽力啦

我之前有個朋友的仔由輕度變了中度．但由於只是一隻耳，加上在學習的階段沒有大影響．所以仍考試好好．

原文章由 bibichu 於 08-7-26 22:26 發表
個聽力學家都係話唔需要帶耳機(因為幫助唔大).... 同埋都係話留意佢第日好可能聽唔到英文嘅輕聲尾音咁。

雖然佢都有講啲，但係我其實係想知啲實在啲生活上有乜要留意囉。




...

大鴨媽

你沒有問下phonak的聽力學家嗎?
輕度未必要戴助聽器,不過多d留意他的反應(對聲音)
同言語發展啦

原文章由 bibichu 於 08-7-25 17:43 發表
去咗峰力check咗喇..... 亞b真係有弱聽.....

好彩嘅係只屬於係輕度... 唔好彩嘅係兩邊耳都一樣

雖然都已經有心理準備，不過始終覺得有啲手足冇措.....  

咁多位，我想知我其實有啲乜嘢可以做，又有啲乜嘢係須 ...

大鴨媽

你是一個弱聽的成人嗎?

我兒也是中度弱聽,兩隻耳都有耳機.現在normal school中讀小學.係英文listening差d.普通話都算okay.

不過真係要加陪努力才可啦!

原文章由 yeepanda 於 08-7-24 01:08 發表
中度囉！有半杯水剩！
睇電視要睇埋字幕    係公眾地方聽人講野要睇埋口型
聽人講英文就一般6-7成    估估下咁
普通話就因太遲學....2成左右  
一般餐廳播的音樂多數聽唔到咁滯

我唔敢講唔同程度會點    我做到正常人 ...

connieremy

即係雙耳都中度?  咁有冇用助聽器?

你真係好樂觀積極...雖然唔需要刻意提及佢有弱聽...但長大后都一定會有檢查,佢自己遲早會發現...咁點鼓勵佢呢

yeepanda

中度囉！有半杯水剩！
睇電視要睇埋字幕    係公眾地方聽人講野要睇埋口型
聽人講英文就一般6-7成    估估下咁
普通話就因太遲學....2成左右  
一般餐廳播的音樂多數聽唔到咁滯

我唔敢講唔同程度會點    我做到正常人做的野    仲可能比某些正常人好  (可能聽少左雜聲   可以好尊心做野)   
即係話有障礙的小朋友都可以做得比自已能力高的野

其實可以栽培小朋友去發展一些以專門技能為主的工作

例如實驗室、繪畫、核數.....等等

connieremy

但會唔會因為你只係輕微弱聽?  但我個仔左耳有嚴重弱聽...家陣仲未好識講0野, 但好搞笑...佢識哼哂一首歌...都唔知佢究竟接收到幾多0野...

connieremy

但會唔會因為你只係輕微弱聽?  但我個仔左耳有嚴重弱聽...家陣仲未好識講0野, 但好搞笑...佢識哼哂一首歌...都唔知佢究竟接收到幾多0野...

icanhear

原文章由 bibichu 於 08-7-22 16:30 發表
好多謝你嘅分享，睇完之後我輕鬆咗好多....

我囡囡做咗4次OAE都failed，宜家預備要做ABR.... 雖然未知result，不過我已經打定輸數... 仲一直諗佢以後條路點行，細細個嗰時會唔會俾其他小朋友歧視，到大咗又會唔會揾唔到工，揾唔 ...

請唔好咁擔心
因為OAE會因為好多原因而fail, 例如中耳積水、BB訓覺鼻寒聲太大、或很輕度的弱聽; ABR的結果才是準確的，所以請先不要過份擔心

就算有弱聽, 只要早發現, 都可以健康成長, 可以讀到書, 搵到野做, 結到婚, 生到仔..... 當然在BB及兒童階段就要你多多幫手了...

有一篇分享文章可能可以令你安心一點....
任媽媽「言亮」孩子的人生  http://www.icanhear.org/viewtopic.php?f=2&t=11
而家你o既職責你搵方法令BB乖乖o係做ABR時訓覺.... !!

Best Wishes!!